شيخ البصرة

بارت ١٦ والاخير

هذا البارت الاخير 💔 😭 يارب يعجبكم
ولاتنسون تفرحوني بتعليقاتكم الحلوة❤️❤️ والنجمة⭐️
وشكراً حبيباتي على كلامكم الحلو اليوم شوية صبحت احسن❤️❤️ احبكم هواية❤️❤️

((شيخ البصرة))
البارت الاخير
____________

دخلو الزلم وشارعنا انسد اباوع الكراسي واصلة للشارع ..والجوارين كلهم متعجبين . هناك واشوف ضرغام ديمشي بين الزلم كله هيبه .

دخل واني عيني مانزلت من عليه وجان احس نهى و ياسمين اختي يبسبسون بيناتهم
ياسمين:- ولج شوفي والله خوش شاب حلو.
نهى :- ولج يا شاب تدرين هذا عمره ٣٨ سنه.
ياسمين :- هااااا ؟؟؟ تحجين صدك والله ولا مبين عليه .
بلسم:- ماكافي عاد تتغزلون كولو اني واكفه .
نهى:- ولج شوفي ياسمين شلون تغار عليه هههههههههههه.
ياسمين:- والله عمي حقها دشوفي الهيبه و الزي مالتهم شكد حلو.
بلسم:- اني جنت لابسه هذا اللبس

ياسمين:- اكلج بلسم امي كالت الحجية مااجتي لأن تتعب من الطريق وسهاد اخته يمها تداريها و مرت ابنهم ملتهيه بجهالها بعدهم صغار.

بلسم:- حرامات جنت اتمنى الحجية وسهاد موجودين.
عفتهم وطلعت رحت للمطبخ لكيت امي هم واكفه وتباوع من ورة البردة خزونا.
رحت على كيف وجان افززها:- شدتسوين ؟؟؟

الام:- طاح حظج اي والله فززتيني شدااسوي يعني دااحسب كم نفر جاي حتى نحضر الكلاصات والمواعين مال تقديم.
بلسم باوعتلها بطارف عيني:- هااااا دتحسبيهم كم نفررر.

على حسنا اجوي يمنا ياسمين و نهى.

الام:- انجبي لج قابل خايفه منج اي دااشوف الشيخ ضرغام الخبصتينا بي شلون شكله ارتاحيتي.
بلسم رحت حطيت ايدي على جتفها :- ايييي يا حبيبتي كولي هيج من البداية ليش تلفين وتدورين... زين ماكلتي شنو رأيج بشيخ ضرغام الخبصتكم بي؟حلو؟