<<شيخ البصرة>>
_______________
مرحبا اني بلسم عمري٢٢ سنه طالبة مرحلة ٤ كلية طب
اني من عائلة معروفه ساكنة ابغداد
بنية حلوة شعري طويل اشقر طولي متوسط جسمي مرتب
بيضه و عيوني خضر ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عائلتي متكونه من والدي نزار جواد مواليد ٤٥
رجل اعمال معروف
والدتي هدى عبد الكريم مواليد ٦٣ خريجة تربية اتوظفت مديرة مدرسة وبعدها تقاعدت.
كانت امرأة جداً جميلة والدي شافها بالصدفة وحبها وكتل نفسه عليها مع العلم كانت اصغر منه
وهي هم حبته وانعجبت بشخصيته القوية وما همها العمر
كانت شخصية والدي القوية و الرجولية هي الي وكعت والدتي بحبه
واتزوجو و صار عدهم ٤ اطفال
اول مولود كان اخوية الجبير
اسامة عمرة ٢٩ سنه وبعدها اختي ياسمين٢٧ سنه و بعدها اجيت اني و بعدي اجه اخوية الصغير محمد عمره ١٦ سنه
بيوم من الايام كعدت الصبح جانت اشعة الشمس تتسلل من ورة ستارة غرفتي
جان الجو خريفي حلو ويفتح النفس
صحيت و باوعت بساعة تلفوني لكيتها بل٦ ونص كمت غسلت و بدلت ملابسي وحطيت مكياج خفيف ونازك ونزلت
شفت ماما وبابا كاعدين عالريوك
بست بابا
بلسم:- صباح الخير باباتي
والدها:- صباح الخيرات يا بلسم روحي
بلسم :- صباح الخير ماماتي
الام:- صباح الخير حبيبتي يلا اتريكي تره السايق على جيه لا تخليه يوكف بالباب ويسطرنا بالهورنات مالته.
بلسم:- مااشتهي اكل راح اشرب بس جاي ومن اوصل للكلية عود اتريك وية مريم و سنا.
شربت الجاي و اجه يعرب السايق دك هورن وطلعت عالسريع قبل مايدك الثاني
أنت تقرأ
شيخ البصرة
Romanceقصة باللهجة العراقية تتحدث عن فتاة جملية جداً من بغداد مصيرها يكون فصلية لشيخ من البصرة لكن فجأه يحدث ما ليس في الحسبان ❤️❤️ القصة من وحي الخيال.. للكاتبة sara kasim
