قصة تشرين
البارت التاسع والاخير ربيع قادم
بقلم #zainab_alnajar
ما اتفه حياتنا ان فكرنا فيها .. احقاد .. ضغائن .. غل .. قطع رحم .. وهناك من ينشغل بجمع اموال هي ليست له ستبقى لله ونحن اوصياء عليها فقط
جميل العيش ماكان بسيط وبقناعة ورضا ستعرف عندها السعادة الحقيقية
فتحت فاطمة الباب مثل كل يوم تروح لدوامها صار عباس زوج غسق بوجها وياه رجل
_ صباح الخير فاطمة . .. ها تروحين للدوام
_ اي والله
_ تعالي اتصلي اخذي اجازة اليوم .. عندي شغله وياكم
اتصلت اخذت اجازه ودخلت بأيدها قهوة
_ شوفي خالة وانتي هم فاطمة .. ابوية الله يرحمة صارله 6 اشهر من توفى وبعد هايهية صار لازم يرجعلكم حقكم .. هذا المحامي واوراق الاملاك الاخذها سجاد وابويه رجعتها بأسمكم وبعد توقيعكم .. ما اريد منكم غير تسامحوهم وتطلبون من رب العالمين يغفرلهم غلطوا بحقكم هواية .. ولا تضنون اني نسيتهن وفرحان لان الوريث الوحيد والله ماشغلني غير مرض امي والمصايب صارت وحده وره الثانية اول ماصارلي مجال خلصتهن واعذروني تأخرت
،، فاطمة وامها مصدومات .. _ يمه عباس شتحجي يا املاك يا ورث هو اول وتالي الكم واحنه نعرف بيك مشغول .. خلوهم مثل ما هنه وحصة مرتك هم انت اديرها
_ لا خاله هاي حق .. ومرتي انتم وياها بعد برغم اني ممقصر عليها وشتريد حاضر .. بس ادعي الله يغفر لهم.. خاله من توفى والدي واحنه بالمقبره نزله بقبره .. شفت حياتنا شگد تافهه وابويه نزل القبرة وحده .. باوعت اشوف هم اخذ الفلوس والاملاك وياه .. بجيت ساعتها عليه لان ضلم نفسه قبل لا يضلمكم
_ عباس والله مابيوم كرهته يبقى من ريحة ابوية ومسامحته وادعيله ربي يغفرله .. لاتحمل نفسك اكثر من طاقتها .. الله يرحمهم اثنينهم
_ يالله وقعوا الاوراق نوديها نوثقها اني والمحامي لما تجمعون ملابسكم وترجعون لبيتكم من توفى سجاد بعد محد دخله الضهر اجيكم
،، وقعوا الاوراق وعبالك مثل الحلم صدك راح يرجعون هي وامها لمدينتهم ولبيتهم ،،
اجاهم عباس بعد تقريب ساعتين اخذوا بس ملابسهم گالوا اي شيء يحتاجوا ياخذوا بعدين .. من دخلوا للبيت .. مشاعر مضطربة بين فرح وغصة وغربه ..
لا شيء في بيتي سوى صمت الليالي
والأماني غائمات في البصر
وهناك في الركن البعيد لفافة
فيها دعاء من أبي
...
..
صوت موسيقى وفرح وسيارات قريب على بيت خالته ل امير مر مناك مستغرب من تقرب وعرس العرس عدهم .. ياترى منو ديتزوج .. هاي عروس .. شنو،السالفة بنات خالتي كلهن تزوجن .. بس لا !!!!! ولج لا لاتسويها .. وصل وطلع ضنه بمكانه .. ريم بت خالته الي سوت علاقة ويه علاوي صديقة تتزوج بعد ما استشهد علاوي ب 8 اشهر .. شنو انتي من بشر !! هذا الانسان الي حبج تنسي بهالسرعة شنو،الي جبرج .. اهلها ومتمكنين ومامقصرين وياها واهل زوجها مامخايها محتاجة شي .. لأجل زواج ورجال ادوسين على بنتج .. طلعت بدلتها وتضحك وبنتها لازمه طرف ثوبها وتبجي وهي تدفعها عمها .. اخذتها بيبيتها وهي ترفع ايدها لأمها وامها مامهتمه غير النفسها .. وياريت مناسبها رجل خمسيني وهي راح تكون الزوجة الثانية المهم عدها لابسة ذهب هواية !! +
أنت تقرأ
قصة تشرين بقلم Zainab Alnajar
Historia Cortaقصة اجتماعية قصيرة تتحدث عن ظلم الحياة لفتاة تناقضات حياتنا كأنت يا تشرين تُرينا الفصول الاربعة في يوم واحد امل تضحية حب حلم عاطفة عرفان غدر قوة محبه
