جنا: ضلينه واحد صافن بعيون الثاني وكأن ماكو ناس يمنه وبعالم بوحدنه اول مره هيج احب شخص واحسه اليه بوحدي واريد امتلكه اي اريد امتلكه بشخصيته برجولته بكلامه الساحرني عشقته من صدك.
ياسر: من اول يوم شفتهه بي حركت شي بيه بس جنت اكابر واسوي نفسي ممتهم بس جان بكل مره اشوفهه احساسي يثبتلي ان اكو مشاعر جبيره تجاهه اوف موتتني الحلاويه ووكعت ابن النجف
جنا: ياسر اني حبيتك كلش لاتعوفني ابد اني اول مره احب بحياتي كلهه تره ماتحمل صدمه
ياسر: مستحيل اعوفج اني اتنفسج ولج ملكتيني وطيرتي عقلي اوعدج للموت ماعوفج
جنا: كلامه كلش ريحني وحسيت نفسي طايره وهو رومانسي كلش وكلامه ذوبني اول مره اسمع هيج كلام حلو من شخص. ضلينه نسولف هواي وعشنه لحضات متنسي لحضات كل بنت تحسدني عليهه عيشني ملكه وكضينه اليوم 3 سنين سوه جان سندي بالغربه ويساعدني بكلشي واني حياتي طول هذه الاسنين عباره عن ياسر ودراسه وبس حبيته كلش وعبدته من بعد ربي اليوم مناقشة الماجستير مالتي وكلش متوتره اوف. وانوب رند تزوجت ميثم وسافرت للعراق قبل فتره وضليت بوحدي بس ياسر معوضني مكضي اغلب وقته وياي.
خلي اخابر ياسر اكيد هسه هو بالعياده. هلو حبيبي
ياسر: هلا بعافيتي
جنا: حياتي اليوم المناقشه مالتي مو تنسه
ياسر: شلون انسه حبي. اموتج اذا تناقشين بدوني
جنا: هههههه هو اني اكدر اسوي شي بدونك فدوه لتتاخر عليه
ياسر: تؤمرين ياروح ياسر. احبج
جنا: اموت بيك. باي
ياسر: باي حب
جنا: كمت حضرت نفسي لبست بنطرون ابيض قماش وقميص احمر وفوكاه ستره بيضه قصيره وحجاب اتأنقت كلش هذا اهم يوم بحياتي هذه اول مرحله خلصت بقه الدكتوراه وارجع لاهلي رافعه راسهم. طلعت للمكان الي راح تصير بيه المناقشه طبعا حضر عدد جبير من اساتذتي واستاذي المشرف ع المناقشه ايضا. بعد نص ساعه ع المناقشه وتبدي وياسر لسه مااجه خلي اخابره.
ياسر وينك حتبدي المناقشه
ياسر: بالطريق حبيبتي والله لغيت كل مواعيد المرضى حتى اجي مبقه شي واوصل
حنا: ماشي حبيبي استعجل بس ع كيفك من تسوق
ياسر: هههههه يعني استعجل لو ع كيفي
جنا: ههههه اثنينهن حبي
ياسر: اوك باي
جنا: باي حبيبي
استقبلت هواي ناس جانو جايين يحضرون مناقشتي من اساتذه ومن زملاء وغيرهم انملت القاعه وتوتري زاد واخيرا اجه ياسر حتى يخفف عني شويه
ياسر: حياتي ليش وجهج اصفر
جنا: كلش متوتره وخايفه
ياسر: اش اني ادري بيج قويه وراح تقدمين مناقشتج بأحسن ماعندج اوك يله اطبعي ع الستيج وابدي
جنا: ماشي حبيبي ادعيلي. طلعت ع الستيج وقدمت مناقشتي وشرحت بطريقه هادئه ومفهومه بحيث اغلب الاساتذه وكفولي وصفكولي وجنت فرحانه كلش وحصلت ممتاز ع مناقشتي وكلهه باركتلي
ياسر: مبروك حبيبتي الدكتوره
جنا: هههههه يروحي انت بدونك جان محققت هلشي
ياسر: يله امشي عازمج عالغده اكيد جوعانه
جنا: اي كلش حبيبي. طلعنه اتغدينه بمكان يخبل. ياسر حيل احبك حياتي بدونك بلا معنى
ياسر: انتي نفسي اموت بدونج
جنا: تدري اني بدونك مثل الانسان الالي بدون لا مشاعر ولا احساس
ياسر: اعشقج بجنون ربي يخليج اليه يا احلى جنه ع الارض
جنا: بعدهه طلعنه هو راح للشقه مالته واني رجعت لغرفتي
للحكاية بقايه😉
