حبي الاول

البارت التاسع(حبي الاول)

جنا: اجه شفته صافن عليه ويباوعلي من فوك ليجوه حفظ كل جزء مني بلحظه بعدهه تقرب عليه وحوط ادينه ع خصري اني متحملت اول مره احد يتقربلي هيج وبهذا القرب ولمن حط اديه ع خصري ذوبني كبل غمضت لا ارادي حسيت انفاسه صارت قريبه عليه كلش واني بغير عالم راد يغمه عليه اوف بعدهه لامست شفايفه شفايفي واني تجاوبت وياه كلش وبادلته الشعور بكل مااملك من مشاعر واحاسيس والبوسه طولت بدون منحس بالوقت بعدهه حاول يتقرب اكثر ويتماده اكثر😉 بس عرفت اسيطر ع نفسي ووخرت عنه بس جنت كلش خجلانه منه ومدنكه بعدهه كمشني من حنجي ورفع راسي وباوع بعيوني وكلي افديج بروحي مستعد انطي عمري كله لنظره من عيونج. اوف شكد حبيت كلامه ذوبني حضنته وكتله حيل احبك اروحلك فدوه وضلينه واحد حاضن الثاني واشتم عطره يموت.
ياسر: البوسه طولت ومحسينه ع نفسنه اني ماتحملت ردت اتقرب عليهه اكثر بس هي ابتعدت ودنكت عرفت هي متريد اتقرب اكثر واني اكتفيت بشفايفه بيني وبين نفسي كلت لاحك من ازوجهه الا اكلهه اطلع القضه والمضه.
جنا: بعدين كعدنه طلع مسويلي عشه من ايده مجنت ادري بيه يعرف يطبخ
الاكل كلش طيب حبيبي عاشت ايدك
ياسر: بالعافيه عمري
جنا: كملنه عشه وكعدنه ع القنفه وهو محاوطني بأديه وساعه يبوسني بخدي وساعه يبوسني من ركبتي اوف لحضات واحساس مينوصف. بعدهه كلي خلي اجيب تلفوني اشوفج صور اهلي واعرفج عليهم كتله اوك. راح يجيب التلفون اني بسرعه طلعت المرايه من جنطتي والحمره عدلت حمرتي لان راحت بالبوسه هههههه وعدلت نفسي.
ياسر: رحت اجيب التلفون جنت غالقه اول مفتحته اجتني كومه رسائل ع الواتساب من اخويه فتحت الرسائل كاتبلي امي بالمستشفى بالعنايه وتريد تشوفك لازم تجي ع العراق باجر. اني تخبلت لان اخر مره تعاركت وياهه اول شي اجه ابالي خاف تموت وهي زعلانه عليه ضليت مصدوم وماعرف شسوي.
جنا: شفت ياسر تاخر وكلبي نغزني. رحت لغرفته شفته كاعد ع جربايته وصافن. شبيك حبيبي
ياسر: اني لازم اسافر باجر لاهلي
جنا: خير صاير شي
ياسر: امي مريضه كلش خاف بعد ماشوفهه
جنا: لتكول هيج حبيبي الله يطول بعمرهه لتضوج نفسك فدوه. اني كلبي انعصر من كلي راح اسافر حسيت مراح اشوفه بعد والدنيه صارت سوده فجأه
ياسر: راح اخابر يحجزولي باجر من الصبح اسافر
جنا: ماشي حبيبي😔. مراح اروح حبات هنا اليوم. مكدرت اروح خفت من شي بداخلي يكلي مراح تشوفي بعد وكلساع يتكرر هذا الاحساس عندي. يله بدل حبيبي لازم تنام وراك سفر الصبح حروح للمطبخ اشرب مي
ياسر: اوك حبي حسيت بيهه ضايجه حتى اني مو سهل عليه فراكهه جنت ناوي اتقدملهه اليوم بس مرض امي خربط كلشي ومكدرت احجي شي كمت بدلت لبست برموده وتشيرت ورجعت دكيت ع صاحبي حتى يحجزلي.
جنا: رحت للمطبخ مو علمود المي بس مكدرت ابجي كدامه بس ختنكت حيل شلون راح اتحمل فراكه بجيت من كلبي راد كلبي يطلع من مكانه بعدهه مسحت دموعي ورجعت يمه بالغرفه. لكيته دا يخابر حتى يحجز كعدت يمه ع الجربايه سده كلي تعالي رحت يمه كعدني بحضنه وكلي راح اشتاقلج ودموع بعيونه اني احبج حيل انتظريني راجعلج بعدهه كلي نامي بحضني محتاجج ومكدرت ارفضله طلبه ونمت بحضنه للصبح....

وللحكايه بقايه😉