حبي الاول

البارت الثالث(حبي الاول)

___
ياسر: بعد مانزلت من الطياره شفتهه تمشي وراي بس مو كلش مهتم للموضوع بعدهه استلمت جنطتي وطلعت رحت كبل للشقه هي شقه مو كلش جبيره وسط ومطلع منهه عياده جنت تعبان عزلت ملابسي واكلت وتمددت ع الجربايه اجت عيونهه ابالي كلت لنفسي دكافي نام راحت بعد متشوفهه ادري الكلام متناقض بس هذا جان احساسي مادري احساس غريب. اكيد تكولون ليش هيج ماخذه فكره او موقف من البنات السبب ان حبيت وحده المانيه اسمه صوفيا من جنت ادرس بالجامعه حبيتهه كلش وهي جانت مثل الملاك ومتشاركين بكلشي سوه انطيتهه حياتي وفضلتهه ع الكل وكل وقتي الهه ضلينه سنه ونص سوه وفد يوم من الايام جان اكو مؤتمر بغير مدينه لاستاذي جان القدوه مالتي فجان مهم عندي احضر المؤتمر فكتلهه راح اروح يومين وارجع ودعتهه طبعا هي عايشه وياي بالشقه مالتي هناك عادي عدهم هالشي ودعتهه وطلعت وصلت المطار طلعت فايتتني الرحله والرحله الثانيه بعد 6 ساعات فكلت ارجع للبيت اكضي شويه وقت ويه صوفيا ورجعت فتحت الباب وسمعت صوت من غرفتي شفتهه بحضن اقرب الناس اليه صديقي انهاريت ردت اقتلهم اثنينهم بس كلت ماريد اوصخ نفسي بيهم ومن وقتهه كرهت شكو بنيه حقي مو. المهم كعدت الصبح اخذت شاور واتريكت ومتعود يوميه من الصبح اركض قبل ماافتح العياده هو هذا اسلوب الحياة هناك تعودت عليه من زمان لبست تراك وحذاء رياضي وطلعت دا اركض واحد من جماعتي سلم عليه فجنت ملتفت عليه ودا ارد السلام جان اصطدم بوحده وكع تلفونهه اطشر وهي ضلت مدنكه ع التلفون ومصدومه كتلهه اسف بدون ماشوف وجهه
جنا: كلي اسف باوعتله طلع نفسه الولد الي جان بالطياره وياي هذا المكروه اتفاجئت ضلينه واحد صافن ع الثاني لمدة 3 دقايق تقريبا بدون ماحس ع نفسي بعدهه صحيت ع نفسي استجمعت قواي كتله الاسف وين اودي وتلفوني اطشر
ياسر: قحط تلفون واذا تكسر اني اجيبلج غيره
جنا: القصد مو التلفون القصد بالشغلات المهمه الي بالتلفون بله كلي شلون ارجعه😡
ياسر: شنو قابل ع شركاتج والمشاريع الي حاطتهن بالتلفون 😏
جنا: يحجي ومامهتم واني دمي فاير لان ارقام اهلي وصورهم وذكريات كلش حلوة شويه تخفف عني الغربه. بعدهه انتبهت تلفونه كامشه بأيده اخذته منه كتله هذا تلفونك كلي ياسر: اي شنو تريدينه بمكان تلفونج
جنا: باوعتله وعاوجه حلكي😏 كتله لا مو من النوع اليعجبني هذا التلفون وجان اضربه بالكاع. كتله هسه صرنه وحده بوحده ميحتاج تخسر تلفون😈
ياسر: شفتهه
والحكاية بقاية😉