جنا: حضني وكلي متتصورين شكد احبج انتي ملكتيني وحضني بكل قوته لدرجه راد يكسر اعضامي وحسيت بأمان بعمري ماحسيته هو نام بس اني ضليت الليل كله كاعده اباوع لوجهه واتلمس لحيته الخفيفه وشفايفه وبيني وبين نفسي اكول ربي مروتك رجعه اليه اموت بدونه. اخاف الصبح يجي لان اذا اجه راح يروح اتمنيته ميجي بس هذا الشي مستحيل اجه الصبح واني عيوني مافاركهن لحضه كأن دا اشبع عيوني منه.
ياسر: صباح الخير حبيبي
جنا: صباح الحب
ياسر: ياريت يوميه اصبح بوجهج ووياهه ابتسامه . وطبعت بوسة عشق وهيام ووداع ع شفايفهه.
جنا: باسني واني ابجي وبنفسي اكله لاتروح بس هذه امه ماكدر امنعه عنهه وهو هم عيونه مليانه دموع مكدرنه نحجي ولا كلمه عيونه ومشاعرنه هي الي جانت تحجي. يله حبيبي كوم ماضل وقت ع طيارتك واني حسويلك ريوك
ياسر: ماشي حبيبي. علما اسبح حضري الريوك
جنا: تؤمر امر يروحي
كمت اسوي بالريوك وكلبي يرجف وفجاه فقدت طعم الحياة لان هو الحياة بالنسبه اليه شلون حكدر اكضي وقتي وايامي بدونه يارب صبرني .
ياسر: كمت اسبح وبالي كله يم جنا شلون حبقيهه وحدهه خايف عليهه حيل وانوب رند وميثم ماموجودين وشلون افاركهه اني اتنفسهه بعدين كلت لنفسي شبيك هنه كوم يوم وترجع وانشالله امي مابيهه شي. طلعت من الحمام بدلت ورحت للمطبخ يم جنا حته اتريك لكيتهه محضره الريوك بس عيونهه حمر من البجي من شافتني اجيت مسحت دموعهه وضحكتلي حتى متبينلي وكفت كبالهه ورفعت راسهه وبستهه من شفايفهه بوسه خفيفه كتلهه لتخافين حرجعلج هنه كم يوم وهي تهز براسه بس ممقتنعه حضنتهه عسى وان ابرد نار كلبهه.
جنا: جنت ابجي بحركه بس من شفته اجه مسحت دموعي بسرعه ماريده يحس وازيد همه اجه وحضني وكلي حرجعلج بس احساسي ايكلي لتصدكين بس اتمنه اصدك راح يرجع. بعدهه كعدنه اتريكنه وحضرتله ملابسه بالجنطه وطلعنه سوه للمطار مقبلت ابقه بالبيت وصلنه للمطار ودعته وودعت كلبي ونفسي وياه وكتله اول متوصل طمني عليك وع الوالده وكتله دير بالك ع نفسك مو علمودك بس علمودي اني لان اموت بدونك وارجعلي منتظرتك للموت وكتله لا اله الا الله كلي محمد رسول الله وحضني وهمسلي احبج وراح.
ياسر: صعدت الطياره وساعه بالي يم جنا وساعه يم امي خاف يصير بيهه شي لحد موصلت لمطار النجف نزلت كبل اخذت جنطتي واجرت تكسي وطلعت للبيت لان اصلا مانطيتهم خبر بأي وقت اوصل وصلت للبيت سلمت ع الكل وذبيت جنطتي ورحت للمستشفى لكيت هناك اخواني ايمن ومحمد واختي ابتهال سلمت عليهم وكتلهم امي وين كالو بالعنايه كوه ياله خلوني ادخللهه المهم دخلت لكيتهه كاعده بس وضعيتهه تعبانه بوست ايدهه وراسهه وكتلهه يمه اني اجيت كلتلي وهي كوه تحجي ياسر بعد امك ياقطعه من كلبي ليش اتاخرت عليه خفت اموت وماشوفك من كلتلي هيج خنكتني العبره بجيت كتلهه لو باخر الدنيه هم اجيج بعدين كلتلي يمه وصيتي اتزوج نور بنت خالك ريح كلبي قبل ماموت من كلتلي هيج كلبي راد يوكف وكعت بين نارين امي وحبيبتي الي وعدتهه ارجعلهه هذا الجنت خايف منه. امي كامت تبجي وتتوسل بيه شفت حالتهه متسمح اعارضهه كتلهه تؤمرين يمه بس صيري زينه..
وللحكايه بقايه😉
