ياسر: كامت الايام تمشي وماحس بيهه بلا طعم ومالي واهس بكلشي وبالي وتفكيري كله يم جنا وزوجتي حتى مانام يمهه اتقربتلهه بس بليلة العرس وبعد ماتقربتلهه وحتى هي ممهتمه.
جنا: صرت مثل الجثه ميته من الداخل والخارج حتى شكلي تغير وذبلت كلش وخوفي ع ياسر يزيد يوم بعد يوم
رند: ميثم شنو رايك نعزم جنا يمنه ع العشه تغير جو
ميثم: خوش فكره خابريهه
رند: اوك حخابرهه. خابرتهه بالبدايه مقبلت بس اصريت عليهه تجي كلت بلكي تطلع من الي هي بيه شويه
جنا: خابرتني رند عزمتني يمهم ع العشه اني بيا حال بس هي اصرت ومردت اخجلهه ووافقت. بدلت وطلعت بيتهم مو كلش بعيد دكيت الباب سلمت عليهم وكعدنه سولفنه هواي وتعشينه ورحت اغسل
رند: شفت ميثم جنا الحلوه شلون متغيره خطيه معقوله لهدرجه تحبه اوف منك ياسر
ميثم: اي خطيه الحب ايدمر
رند: يعني ماكو طريقه الا يزوج بنت خاله المفروض يكول لاهله يحب وحده ثانيه
جنا: رحت غسلت وارجعت سمعت رند تحجي ويه ميثم وتكله ياسر اتزوج بنت خاله انصدمت ودموعي نشفن بلحظه ومانزلت ولا دمعه بلحظه رجع شريط حياتنه سوه طول 3 سنين وبالاخير تعوفني مبقت ع لساني غير بس كلمة عفتني ومارجعت وماحسيت غير اني بالمستشفى.
رند: دا اسولف ويه ميثم وسمعت صوت ركضنه لكينه جنا مغمه عليهه عرفنه سمعتنه اخذناهه كبل للمستشفى وكال الدكتور انهيار عصبي حاد. بالصدفه إتصل ياسر ع ميثم عبالك حس اكو شي
ياسر: هلو ميثم شونكم
ميثم: هلو ياسر
ياسر: شكو صاير شي
ميثم: جنا بالمستشفى عرفت كلشي
ياسر: ميثم بالخوه البينه فهمهه جنت مجبور ودير بالك عليهه ميثم جنا اموت اذا صار بيهه شي
ميثم: الله كريم ياسر. وره ساعتين دخلت ع جنا لكيتهه كاعده. كتلهه جنا بس اسمعيني خلي افهمج كلتلي كلشي ماسمع وكامت تصيح وتكلي عافني ومارجع كذب عليه وتبجي ومنهاره اني بسرعه طلعت وانطوهه ابره مهدئه.
جنا: حسيت اني بالمستشفى بس ميته مو عايشه واجه ميثم راد يفهمني الموضوع متحملت اسمع اي شي ولا حتى اسم ياسر كرهته وكرهت الحب وكرهت نفسي الحبته. بعدهه طلعت من المستشفى واني مكسوره كلشي بيه كسره ياسر بلحظه انطاني كلشي وبلحظه اخذ كلشي حطمني بمعنه الكلمه. ضليت ع هذا الحال شهرين تقريبا لا اطلع ولا امشي وحتى دوام ماداوم
رند: رحت اشوف جنا شونهه لكيتهه تعبانه كلش وماطايقه نفسهه كلش ضجت عليهه متستاهل هشي. كتلهه جنا حرام تضيعين نفسك عيشي وانسي وانتبهي لدراستج اهلج ينتظروج ترجعين دكتوره وترفعين راسهم مو هذا حلمج محد يستاهل دمرين كلشي ع موده.
جنا: كلام رند صيحيح لازم انتبه ع دراستي مبقالي شي غيرهه حتى ارجع لأهلي كافي غربه. قررت ابلش اداوم واحط كل طاقتي بالدراسه واعوض الايام الفاتتني. وبلشت اداوم وادرس ومامهتمه لأي احد كلبي مات
ياسر: من كلي ميثم جنا بالمستشفى لو ميت احسلي كله ابسببي اني اذيتهه كمت الوم بنفسي وتوسلت بيه يفهمهه ع كلشي عسى وان تسامحني والايام بدونهه سراب وملل وكلبي متحطم عليهه اتمنه اشوفهه لو بس مره وحده عطشانلهه حيل مرت شهرين واني اعرف اخبارهه من ميثم ورند. خابرت رند هلو شونج رند
رند: هلو ياسر انت شونك
ياسر: طمنيني جنا شونهه
رند: ماعرف شكلك بس معاجبتني صايره مثل الرجل الالي بدون احساس ولا مشاعر بس تقره ومتحجي ويه احد خايفه عليهه حيل
ياسر: اتذكرت لمن كلتلي اني بدونك مثل الرجل الالي بدون احساس ولا مشاعر انوب زاد همي عليهه اوف ربي افرجهه عليه لو تموتني. لا تخافين رند انشالله تعدي باي
رند: الله كريم باي.
جنا: مشت الايام مثل بعضهه بدون طعم فاتت سنه ونص ع زواج ياسر واني ماعرف عنه كلشي ولا اريد اعرف اصلا صار ميت بالنسبه اليه وميهمني اني كضيتهه كله بالدراسه وهملت نفسي كلش.
ياسر: مرت سنه ونص ع زواجي واني حتى مامستقر ماعرف نفسي مزوج او لا جنا مراحت من بالي ولا لحظه واني مكضيهه ويه جماعتي لا شغله ولا عمله واني تغيرت كلش صاير عصبي كلش وشكلي هم تغير نفسيتي زباله وجنت اعرف اخبار جنا من ميثم ورند. فد يوم من الايام اريد اطلع معزوم ع الغده يم جماعتي بغير منطقه طلعت بالسياره وصلت نص الطريق وطلعت ناسي محفضتي بالبيت رجعت بسرعه وصلت يم باب الغرفه سمعت نور دا تحجي ويه واحد وتضحك وتكله مشتاقتلك يمته اشوفك...
وللحكايه بقايه😉
