حبي الاول

البارت الثاني عشر(حبي الاول)

جنا: كعدت الصبح بس كلبي مقبوض كوه اخذ نفسي وياسر البارحه مخابرني كلش بالي مشغول عليه ضليت افكر خاف امه ماتت اوف ربي بس طمني عليه وصار يومين ماكو كله تلفونه مغلق ردت اموت حتى اتمرضت واني بوحدي ورند ملتهيه ويه رجلهه وماعرف اخبارهه.
ياسر: ضليت كاعد عالبحر وماعرف شسوي وغالق تلفوني من البارحه ادري بيهه بس تسمع صوتي راح تعرف اكو شي فغلقته وبنفس الوقت راح يضل بالهه بس ماعرف شكللهه عفته مغلق وقررت مافتحه ابد. بعدهه رجعت للبيت سبحت وبدلت لان جوي الناس علمود الزفه رحنه جبنه العروس وسوينه عشه والعروس طبت للغرفه واني مخنوك مالي نفس بيهه ماعرف شلون راح اتقربلهه. راحو الناس وطبيت للغرفه لكيتهه كاعده ع الجربايه اباوعلهه واتذكر جنا لو تدري بيه بهذا الموقف جان ماتت بعدهه كوه جبرت نفسي واخذتهه لان كدام اهلي والعالم مترهم وكبل لفيت راسي ونمت.
جنا: كضيت اليوم كله او من راح ياسر كله بالسكن مطلعت بعدهه دكيت ع رند
جنا: هلو رند شونج
رند: هلو حبيبتي الحمدلله شخبارج
جنا: مو زينه صارلي يومين ادك على ياسر ومغلق تلفونه فدوه كلي لميثم.بلكي يكدر يوصله ويطمني
رند: ماشي حبيبتي انتظري مني خبر
جنا : ماشي باي. ضليت انتظر وكلبي نار اتمنه بس اعرف عنه شي حتى يبرد كلبي
رند: ميثم هم تعرف شي عن ياسر
ميثم: لا والله صارلي فتره مامخابره ليش
رند: جنا صارلهه يومين ادك عليه ومغلق شوف بلكي تكدر توصله
ميثم: لحظه يمكن عندي رقم اخوه محمد خلي ادوره. اي هذا راح اخابره. السلام عليكم محمد شونك
محمد: وعليكم السلام اتفضل منو
ميثم: اني ميثم صديق ياسر اتصل عليه وماكو بلكي تنطينياه احجي وياه
محمد: اي تلفونه انكسر هسه اصيحه الك
ياسر: هلو ميثم شونك
ميثم : هلو ياسر عمي وينك مختفي جنا راح تتخبل عليك شنو السالفه
ياسر: ماعرف شكلك😔 اني ازوجت بنت خالي
ميثم: انت صدك تحجي وجنا
ياسر: حجيت لميثم كلشي وفهمته وسألته ع جنا كلي حالتهه كلش تعبانه. متت من كلي هيج
ميثم: وهسه شراح تسوي يعني مراح ترجع
ياسر: وين ارجع متكلي. حاول اطمني ع جنا بين فتره والثانيه
ميثم: ماشي دير بالك ع نفسك خويه.
رند: هاا شكلك
ميثم: حجيتلهه كلشي
رند: عزه مزوج ومافكر بجنا وشراح يصير بيهه اذا عرفت. اني معليه مراح اكللهه ماتحمل هيج تتأذه الله يساعد كلبهه
ميثم: ولا اني هم ماكللهه عوفيهه ع الله
رند: الله كريم. رجعت خابرت جنا كتلهه ماكدر يحصله هم مغلق
جنا: ماشي حب تسلمين تعبتج وياي. باي
رند: لايمعوده انتي اختي. بيباي
جنا: انهاريت راد كلبي يطك ضليت ابجي لحد منمت. ضليت ع هذا الحال وكلشي ماعرف عن ياسر لمدة شهر واني مكضيتهه بين الدوام والسكن حتى الدوام كوه اداوم لو اغيب...

وللحكايه بقايه😉