حبي الاول

البارت الاول(حبي الاول)

(حبي الاول)
البارت الاول....

السلام عليكم ابد قصتي بطموح وحلم اتمنه احققه وانشالله يتحقق لان حلم عمري احصل الماجستير والدكتوراه...
اني جنا عمري 24 سنه من بابل عائلتي متكونه من اثنين اخوه احمد ضابط بالحشد متزوج وعنده ولد ومحمد مساعد طبيب وايضا متزوج وعنده 3 بنات ويتمنه يصير عنده ولد لان برأيه الولد سند لابوه من يكبر(اريد اعرف شحصلو الي عدهم ولد 😏)المهم واختي رنا ايضا اكبر مني مزوجه وماعدهه اطفال صارلهه 3 اسنين مزوجه خطيه الله مارزقهه بطفل😢 واكيد امي وابويه الله يطول بعمرهم عايشين وممخليني محتاجه شي ماما موظفه وبابا متقاعد واني اصغر وحده بالعائله المدللهه بالبيت خلصت السادس وطلعت معدل 75 طبعا مو الي جنت اتمناه بس الحمدلله والشكر لان الاسئله بوقتهه كلش صعبه فنقبلت علم نفس او بالاحرى اختياري لان اتمنه ادرس علم نفس وحاليا اني سنه اخيره وذابه كل حيلي اريد اطلع اولى حتى اروح بعثه للخارج ادرس ماجستير ودكتوراه وانشالله اكدر اقنع اهلي ويوافقون ادرس بالخارج. طبعا من الناحيه العاطفيه ماعندي حبيب او ماعندي وقت لهشي كضيتهه دراسه وبس حتى اوصل لهدفي حاولو هواي وياي بس جنت ارفض وميعجبوني وجنت شايله هذه الفكره من بالي نهائيا ماريد شي يلهيني عن دراستي حاليا اني بفترة امتحانات الكورس النهائي امتحنت ورجعت للبيت عندي خط يوصلني.
جنا: السلام عليكم ياقوم
بابا: وعليكم السلام 
ماما: وعليكم السلام . هاا بشري شونج بلامتحان
جنا : جاوبت والله كريم فدوه ادعيلي ماما لازم اطلع اولى. طبعا اهلي ميدرون بهدفي انو اسافر للخارج واكمل ماجستير كلت بوقتهه اخليهم امام الامر الواقع
ماما: الله يوفقك وينجحج بجاه محمد
جنا: امين يارب. يله حروح ابدل حتى اتغده كلش جوعانه. طبعا ابويه ملتهي دا يباوع طوبه وباله كله وياهه😂
ماما : يله روحي حبيبتي
جنا: رحت لغرفتي سبحت وبدلت واتغديت وكلت خلي انام شويه. كعدت المغرب صليت وساعدت مرت اخويه بالعشه احسن ماتضل ادردم عليه وغسلت الماعين وكعدت اقره لحد ب1 باليل. طبعا يوميه هذا الروتين نفسه وخلصت الامتحانات كلش تعبت من القرايه ذبيت كل جهدي عسى وان يتحقق حلمي. صار وقت النتائج مكدرت اروح للكليه خفت دزيت اخويه احمد كعدت من الصبح صليت وادعي ربي مروتك حقق حلمي تعبت هواي وانت اكيد ميروح عندك تعب راح اخويه لكليتي ايجيب النتيجه واني انتظر ع نار اروح وارجع ماخذه البيت طول بعرض واخاف اخابره اجه اخويه الضهر يضحك كتله فدوه احجي حباب بعد ماتحمل
احمد: ولج ناجحه اولى بخت
جنا: كول والله عليك النبي صدك
ماما: الك الحمد والشكر ياالهي ماروحت تعبهه بلاش
احمد: اي والنبي الكليه كلهه تحجي بيج ولج الاولى
بابا: مبروك بنيتي عفيه عليج
جنا : كلهم باركولي واني جنت طايره من الفرحه واخيرا حلمي قرب يتحقق
ثاني يوم رحت للكليه كلهه باركتلي رحت للعميد حتى اشوف سالفة البعثه بعد ماصبر
جنا: السلام عليكم دكتور
العميد : وعليكم السلام جنا مبروك جنت متوقع راح اطلعين الاولى انتي ذكيه وشاطره
جنا: شكرا دكتور😊. بس دكتور ردت اسال ع البعثه
العميد: حيل مستعجله مضيعين وقت هو هذا الطالب الناجح ميضيع وقته ويستغله بأهم الاشياء . عموما لاتخافين البعثه الج اكيد بس يراد شهرين علما نكمل اوراقك وبعض الامور وتسافرين
جنا: شكرا دكتور كلك ذوق. تمام دكتور انشالله علما اني احضر اموري. هي البعثه بالمانيا مو
العميد: نعم بالمانيا . احنه حنبقه ع اتصال
جنا: شكرا دكتور
العميد: بالتوفيق
جنا: طلعت منه واني احس نفسي ملكه وفرحانه كلش واخيرا حسافر . بس ضلت ابالي شلون اقنع اهلي خاف ميوافقون. اخذت تكسي ورجعت للبيت ب11 الصبح
جنا : السلام عليكم جميعا
ماما وبابا ومرت اخويه: وعليكم السلام
ماما: هاا شسويتي
جنا : الصراحه اريد احجي وياكم كلكم. انتظري من يجون اخواني ونكعد كلنه واسولفلكم
بابا: خير شكو
جنا : لا بابا ماكو شي ليضل بالك موضوع يخص مستقبلي
ماما: خاف طلعت النتيجه غلط ومو اولى😱
جنا: يااااا ابيش طالبتني لا مو هيج الموضوع خلص اصبرو لليل اني حروح ابدل حتى نتغده لان جوعانه ممتريكه لسه
ماما : ماشي بنيتي روحي
جنا :اكلج ماما اشو مامداومه اليوم
ماما: اخذت اجازه كم يوم اريد ارتاح
جنا : هاا تمام ارتاحي. رحت بدلت واني افكر بطريقه حتى اقنعهم وراهه تغديت ونمت للمغرب كعدت وكالعاده سويت عشه ويه مرت اخويه وغسلت اماعين وكعدنه كلنه. نبع الحنان طبعا مكدرت تسكت كلتلي احجي الموضوع انجمعنه كلنه اتشجعت وكتلهم
جنا: اني اجتني بعثه لالمانيا اكمل ماجستير ودكتوراه. اباوعلهم كلهم صافنين عليه كتلهم فدوه لترفضون والله هذا حلمي اموت اذا ماتحقق وتدرون شكد تعبت
بابا: كلي انت تعرفين شدا تحجين يعني تروحين دوله اجنبيه ووحدج وين صايره هاي
جنا : كتله بابا خلوني اعتمد ع نفسي واشوف مستقبلي وترفعون راسكم بيه
احمد : ماكو سفر ماعدنه بنيه تسافر بوحدهه احنه
محمد: شبيكم تره هذه شغله عاديه وهذا مستقبلهه وشفتو شكد سهرت وتعبت تستاهل اتروح تسافر وتكمل
جنا: من سمعت كلام محمد ارتاحيت شويه وانطاني قوه اصر ع موقفي بالسفر. ماما ضلت ساكته حسيتهه ماعدهه اشكال. وضليت بالساعات اقنع بيهم تعبوني كلش لحد ماوافقو بعد معاناة طبعا بس المهم وافقو كلش فرحت وبلشت احضر اوراقي والجواز واشتريت غراض للسفر لبس وغير شغلات ضروريه بهذه الفتره صرت عزيزه كلش هههههه بحكم ان اني حسافر وابقه فتره طويله صارت كل طلباتي اوامر وقرب موعد السفر بعد يومين اطير لألمانيا
ماما: يمه ابنيتي شلون راح افاركج
جنا: ماما حبيبتي يوميه اخابرج واطمنج عني وكالعاده احجيلج كلشي يصير وياي
بابا: تعاي جنا اريد احجي وياج
جنا: بكلبي كلت ياساتر بس لا غير رأيه
بابا: بنيتي انتي رايحه مكان غريب وناس غرب وعاداتهم وتقاليدهم كلهه مختلفه عنه ديري بالج ع نفسج وع حجابج وصلاتج تره اي غلط مراح اسامحج للموت
جنا : بابا لتخاف عليه راح ادير بالي وانشالله ماكو غلط وبعدين اني تربيتك ماحتاج وصيه
بابا: الله يوفقج ورجعي رافعه راسي
جنا: تؤمر امر بابا بس ادعيلي محتاجه دعائكم. اجت امي
ماما: هاا خير شيريد ابوج
جنا: دا يوصيني ماكو شي . ماما حروح انام باجر عندي كومه شغل لان عكب باجر اسافر
ماما: روحي نامي بنيتي نوم الهنا
جنا: رحت نمت كبل لان كلش دا اتعب بالتحضيرات مال السفر. طبعا اختي مكدرت تجي تشوفني وتودعني لان مزوجه بالبصره ومكانهه بعيد خابرتني كاميرا وودعتني.
كعدت الصبح كملت تحضيراتي الباقيه وامي بدت من هسه عيونهه ادمع وتبجي عليه واني هم بديت اشتاقلهم من هسه صار العصر اجه اخويه احمد سلم عليه لان عنده التحاق
احمد: جنا ماوصيج ديري بالج ع نفسك واعرفي شلون تتصرفين انطيناح الحريه بس اعرفي شلون تستغليهه بالشي الصح
جنا: بعد كلبي ليضل بالك اني بميت رجال💪
احمد: ربي يحفضج مع السلامه
جنا : الله وياك يحفضك الله
وكعدت ويه اهلي سولفنه هواي وتشاقينه وبعدهه كل واحد راح لغرفته واني ضليت هواي ياله نمت افكر بالسفر وبالحياة الجديده المنتظرتني وبفراك اهلي شلون راح اتحمله بهواي شغلات وبعدهه نعست بوحدي ونمت من التفكير . كعدت الصبح كلي نشاط صليت ودعيت ربي يوفقني بحياتي ويبعدني عن اي شي مضر اليه. هسه الساعه ب7 وطيارتي ب10 هم ياله ابدل واتريك كعدوا اهلي بسرعه تريكت وبدلت وراحت امي وابويه واخويه محمد وياي للمطار حتى يودعوني بمطار النجف ودعوني كلهم وعيونهم مليانه دموع ع فراكي واني صرت قويه كدامهم واسكت بيهم بعدهه نادو ع طيارتي واضطريت اروح عنهم كتلهم مع السلامه ادعولي
الكل: مع السلامه الله يوفقج ويحفضج
جنا: رحت بمكان الانتظار كاعده العب تلفوني اضيع وقت واشرب نسكافي. سمعتهم نادو اتوجهت للطياره طبعا هي مو اول مره اصعد طياره لان رايحه لايران اكثر من مره بطياره واني ماخاف من الطيران. صعدت لمكاني شفت مكاني مو يم الشباك ضجت شفت المكان الي يمي فارغ كلت خلي اكعد بي كعدت وره شويه اجه ولد جان يكلي
ياسر : بلا زحمه هذا مكاني
جنا : باوعتله شاب طويل وجسمه معضل وبشرته حنطاوي وعنده لحيه خفيفه. كتله يا مكان
ياسر : الي كاعده بيه😏
جنا : اكعد بهذا المكان الي بصفي. اريد اكعد بصف الشباك
ياسر : شنو تكعدين يم الشباك شعبالج كاعده ابيتكم
جنا: باوعتله بحقد وبكلبي كتله كبر ع هالذوق. كتله حكوم شكرا ع ذوقك
ياسر : جزء من ذوقج عيني😕
اعرفكم ع نفسي( اسمي ياسر اني دكتور اسنان عمري 35 سنه من النجف اني مغترب عايش بالمانيا بالتحديد بمدينه هامبورغ صارلي 10 سنين كملت الدكتوراه بيهه وبقيت حبيت العيشه هناك وجنت جاي زياره لاهلي بالعراق)