بقيت غير نستنى وخايفة مايقبلنيش ولا حاجة هك المهم بقاو يجيوني افكار ماشي ملاح..
لحقت 17:00 لبست تريكو غوز كلاغ مع سروال جينز bleu مع كونفارس وشعري درتو كوتشوفال ومكياج خفيف طووول ورفدت ساكي سلمت على ماما وخرجت..
مشيت شوي منبعد حبست تاكسي وركبت قتلو اديني لبلاصة الفولانية جبنا نص ساعة باش وصلنا وصلت 17:55 تسما قبل الموعد ب5د هبطت لقيت بلاصة فيها غير القصور والفيلات شفت الموقع لقيتو كاتبلي الفيلا رقم 7 بديت نمشي ورجليا ماشي قادرين يرفدوني خايفة ومرتبكة وصلت قدام الباب بقيت غير نقول نصوني مانصونيش نصوني مانصونيش ..منبعد صونيت فتحتلي طفلة باينة خديمة الفيلا روعة تقول تاع ملوك قاتلي شكون نتي قتلها جيت نشوف مول الدار قاتلي شكون نقولو قتلها قوليلو لي هدرت معاها قبيل..
راحت قاتلو ورجعت قاتلي تفضلي داتني لعندو كان في واحد الشمبرة تبان شغل مكتب المهم دقدقت فالباب قال: تفضل..
دخلت وانا غير شفتو قريب متت عندو زين مش طبيعي ملامحو تاع واحد واعر وعينيه ماغون يقتلو شعرو نواغ وجاي عريض وباين عندو هيبة..
لميس: السلام عليكم ميسيو
جواد: وعليكم السلام تفضلي..
يا مامي صوتو رجولي فور
لميس: طلبت مني نجي باش نهدرو فأمور الخدمة
جواد: وي، كيما شفتي كاينة الخديمة هاذيك بصح هاذيك تاع الطياب برك نتي تاع شغل الدار.. بصح نسحقك هنا حتى ل10 تاع الليل.. موافقة؟؟
لميس: 10😣
جواد: وي
لميس: داكوغ، والسعر؟؟
جواد:عندك 2 ملاين للشهر
لميس: داكوغ تساعدني، نقدر نبدا غدوة؟؟
جواد: وي نشاله
لميس: بالمناسبة انا لميس..
ومديت يدي باش نخمس معاه..ماحبش يمد يدو
جواد: وانا جواد
لميس: متشرفين ميسيو جواد..
وخرجت نجري جاتني البكية حسيت روحي قمامة كي دارلي ذيك الجاست باين متكبر ودايها فروحو بصح ماعليا غير بالرضا فخاطر بابا..😥
*
*
