جا جواد يجري دخل فيه ديراكت بالدبازي يهدر وينهج
جواد: يا الرخيس دور بمرتي انا **** ****
وهرسو بالضرب انا قلت اليوم صايي نهاري..
كمل معاه والناس كامل تشوف جا جبدني من ذراعي ويمشي فيا
لميس: جوااااد ذراعي
مش يسمع فيا طول داني ديراكت للطوموبيل رماني وسكر عليا الباب طريق كومبلي وهو ساكت ويسوق ومزير على شواربو
لميس: جواد وانا لاه انا كنت نستنى فيك هو لي جاني
بقى ساكت ويسوق حتى وصلنا للدار فتحلي الباب وجبدني بقوة من ذراعي ودخلني للفيلا طلعت نجري للشمبرة خايفة وهو يجري مورايا دخل بعدي للشمبرة انا نرجف
لميس: ج ج ج جواد اسمعني تعيش
ماسمعنيش مامبا طاح عليا بالضرب بالدبازي منبعد نحا السانتورة تاعو وزرقلي لحمي ولا وحش انا نبكي بالصوت ونعيط وهو لا خبر
جواد: كون ما جيتي ق.... ماديري هك درتي معايا وسترتك بصح ماشي كامل كيفي يا الرخيسة يا عرة النسا بعتي جسمك وشرفك في خاطر شويا وسخ تاع دراهم
ماوجعنيش الضرب قد ماوجعتني الهدرة تقول موش ترشق في قلبي نضت نجري وهو يجري مورايا ماحملتش الضرب تقول حيوان حتى وصلنا للسكالي هو يضرب وانا نبعد فيه حتى دفرني طحت فالسكالي...
