ناض فطرنا وماجبدليش كامل على واش درتلو بالعكس يضحك ونورمال منبعد حنا نفطرو انا وجعني قلبي حسيت بالقيا نضت نجري تقييت
لحقني جواد
جواد: ياك لباس
لميس: لباس لباس بلاك كي كليت بزاف برك
جواد: بصحتك ،ايا انا رايح نخدم ونتي اخرجي كشما تحوسي مع صحباتك ولا
لميس:داكوغ
هو راح وانا بدا يدخلني الشك رحت ذيراكت للطبيبة تاع النسا.. ستنيت دالتي منبعد دخلت عندها
الطبيبة: اهلا بنتي كيفاش نعاونك
لميس:دكتورة هاذ اليامات راني نحس بالعيا والصباح تقييت حشاك
،،دارتلي الراديو منبعد..
الطبيبة:مبروك عليك بنتي راكي حامل بطفلة فشهرك الثالث
انا جاتني صدمة مع بكية مع فرحة..
قلت لازم نديرها مفاجئة لجواد
رحت شريت بالونات غوز وتارت غوز ورحت سقمت الديكور فالدار..
