خرجت من الفيلا ورحت ديراكت لقبر بابا نبكي عندو ونشكيلو فهمي..
يا بابا راك ماتستحقش بنت كيفي انا ق... غير لوكان تبريت مني ومتت انا هبطتلك راسك حتى ونتا ميت انا مانسوا والو يا بابا انا راجل قدر يمشيني بهدرتو ويلعب عليا..
هدرت لبابا كامل واش في قلبي وروحت للدار وحلفت مانزيد ندخل للفيلا ذيك قلت لماما حا يرحل و دارو الجديدة بعيدة المهم باش تصدقني سقساتني على الصاشيات قتلها جابتهم صحبتي مش نهدر معاها دارتها بلعاني باش تذلني وميمتي مسكينة تصدق..
قلت نشوف كاش خدمة فبيتزيريا ولا حاجة..
المهم فاتو اليامات وانا ديما نحوس على خدمة خطرة نضت الصباح لبست وخرجت نحوس على خدمة كي العادة رجعت العشية على 16:00 دخلت للدار نسمع في هدرة رجال جاية من الصالون..
