لميس: اديني نروح
جواد: الطبيب قال غدوة
لميس: قتلك اديني
نحيت السيروم من يدي وخرجت وهو جا مورايا ركبت معاه وصلني للدار دخلت لقيت النسا قاعدين والقرآن ماحملتش رحت لشمبرتي دوشت ورقدت بويسك خممت فهدرة جواد لازم نكون قوية سيرتو قدام ماما..
غدوة الصباح نضت لقيت ماما قاعدة مع زوج خالاتي وعماتي فالصالون سلمت عليهم وقعدت معاهم
حتى نطقت وحدة عمتي..
حليمة: واش بنتي خويا كشما دارلك دمعة ماطيحتيهاش عليه
لميس: ماشي لازم نجي قدامك ونبكي ياك .
ونضت رحت لبست حوايجي وخرجت رحت للبحر نشم شوي هواا، انا هكا قاعدة وجا قعد قدامي واحد شفت فيه صبتو جواد
جواد: هكا تعجبيني مام باباك ماراهوش زعفان عليك ضرك بالعكس فرحان خلا موراه طفلة فمقام راجل
لميس: ماغسي
جواد:وقت ماحبيتي تجي للخدمة ارواحي ،براحتك
لميس(بالعياط): باش تغتصبني ولا باش نبات عريانة فحضنك ولا باش تفرغ شهوتك فيا ولا باش تستغلني ااا قوول بصح ضك ماعندي مانخسر شرفي وخسرتو بابا خسرتو تسما الفيلا تاعك مانزيدش نعتبها من اليوم..
