غدوة جا هدر مع خالي وهنا ماما زاد دخلها الشك في تاع سمانة والعرس شغل حابة نستر روحي المهم حاولت نتلفلها الموضوع
وخرجت شريت حوايج خفاف بيجامات ونويزات وقنادر خفاف والسبابط المهم حوايج عاديين جداا
.
.
من نهار خطبني وانا نحسب في ليام واخيرا جا البوم الموعود نضت 5:30 صليت و دوشت وخرجت رحت للحفافة مشطتلي وانا نقصر مع جواد ويقولي راني نحفف راني ندير المهم حتى كملتلي لبست لاغوب بلونش وجا داني خالي لدارنا ماما وخالاتي وعماتي بالزغاريت وصحباتي ثاني جاو المهم ماشي عباد ياسر معلوم انو الفقير يمشيولو غير حبابو المهم رحت لشمبرتي وانا فرحانة حتى تفكرت بابا طاحو دموعي منبعد تفكرت بلي جواد قالي لازم تكوني قوية مسحت دموعي وقلت هذا نهاري لازم نفرح..
