ناض وخلاني روحت للدار لقيتهم روحو كامل بقيت نحكي مع ماما ونصبر فيها حتى قاتلي
الام: ويكتاه تروحي للخدمة يا بنتي
لميس: علاه ماما ماشي كنت نخدم علاجال بابا وضك لاه نروح
الام: وانا مانغيضكش!
لميس: لالا حاشا اكيد نرجع علاجال ميمتي
الام: ربي يحفظك
لميس:امين
*
طلعت لشمبرتي نخمم في هدرة ماما والجحيم لي راح نوليلو يا ربي راني تعبت خسرت بابا خسرت شرفي خسرت كرامتي ،حيائي تربيتي يا ربي كون تفوق ماما تزيد تلحق هي ثاني بابا وانا مع شكون راح نبقى..
غدوة منذاك نضت الصباح لبست فطرت مع ماما ورحت للفيلا دخلت لقيتو خارج
جواد:صباح الخير
لميس: حبيت نرجع نخدم مكانش شكون يصرف علينا
جواد: وي تفضلي
وراح، دخلت وخدمت شغلي كي العادة منبعد لحق الليل..
