صلوا علي النبي...
روايه /حكايه.
الحلقه الخامسه
--------
يعقوب خرج عليها-ده مين ده اللي تشوفيه.
سهر بصتلو بخوف وتوتر...كريم كان سمع صوت يعقوب قفل الخط بسرعه.
يعقوب-ما تردي مين ده.
سهر بندفأع-معاذ.
يعقوب بستغراب-معاذ وتشوفي معاذ ليه؟
سهر بتوتر-اممم اقرب حد ليك ويصلحني عليك.
يعقوب-واحنا من امته بندخل اي حد حتي اقرب صاحب ليا في خصوصياتنا‘
سهر بخبث واصطناع حزن-ما انت كارهني ومش طايق تبص فوشه وانا حامل وحاسه بتعب اساسا.
يعقوب بتنهيده-هكرهك ازاي هو انا عشان بفهمك الغلط ابقي بكرهك وبعدين في حد بيكره مراته ...
سهر اتعلقت فرقبته وباسته -انا قولت برضه مش هتيجي عليا عشان بنت سوقيه زي دي
يعقوب بضيق-سهر متجبيش سيرتها بقي نقفل السيره خالص ماشي؟
سهر -ماشي ياحبيبي انا من ايدك دي لي ايدك دي.
يعقوب-ماشي.
سهر -مش هتصلحني وتقولي بحبك.
يعقوب-لاء انا تعبان ياسهر وعايز انام لو بتحبني متزوديش عليا النهارده انا مخنوق ومش طايق نفسي.
سهر بغيظ-ليه ميكونش زعلان عليها؟
يعقوب بزعيق-سهر فيه ايه ازعل علي مين هو لو هزعل فعشان خاطر ابوها عزيز عليا لاكن هيا مين عشان ازعل عليها فوقي لي الكلام اللي بتقوليه.
سهر-افوق ايه ما ياما حصل مشاكل بيني وبين ليلي كنت بترجع البيت عادي اكن مفيش حاجه وكنت بتكون مبهدلها كمان اشمعنا دي يعني .
يعقوب بصلها بنظرات مخيفه-قولتلك اصحي لي الكلام اللي بتقوليه .
سهر-ولو مصحتش يعني هيحصل ايه؟
يعقوب بزعيق -انتي بتردي عليا ده اللي ناقص كمان ايه مالك اتعدلي بدل ما اعدلك ‘ولا انتي مفكره بي الحمل ده هتلوي دراعي ...مش يعقوب سوليم اللي يتلوي دراعه ياهانم .
قام يعقوب اخد لحاف ومخده وخرج ينام علي الكنبه بره.
سهر لنفسه -استحاله ده يكون يعقوب استحاله.
---
عند معاذ نايم واخد علا علي صدره.
معاذ ببتسأمه-ياااا اهي دي احلا مفاجاه انتي عملتيها اساسا.
علا بتلعب فشعره-ما انا كنت هتجنن خلاص لحد ما قولت كفايه كده مفيش حاجه اهم منك ياقلبي.
معاذ-حبيبتي احنا هنأسس حياتنا هنا وابني يتربي تحت عيني.
علا-اكيد ياحبيبي لان انت الفتره اللي كنت بتجي فيها كانت بسيطه اوي.
معاذ باس بطن ايدها-مش هيحصل تاني.
علا بضحكه-ماشي ماشي...الا قولي
معاذ -نعمولي.
علا- يعقوب عامل ايه.
معاذ-عامل عمايل وحياتك.
علا-هههه لسه بيتخانق مع دبان وشه
معاذ-هههههه علي طول ده الاساسي يابنتي.
علا-عارف؟
معاذ-ايه!!
علا-يعقوب لو حب هيتغير خالص.
معاذ رفع حاجبه بستغراب-ازاي يعني طب ما متجوز سهر وبيحبها.
علا-تؤ مستحيل يكون بيحبهاا فاكر واحنا ففرنسا لما كنت بشوفه معاها مكنش دي نظرات حب...
بس قولي صحيح انت عرفته اننا متجوزين ومخلفين صح؟
معاذ حك راسه-تؤ لسه.
علا بحزن-ليه يامعاذ طيب انت لا عرفت يعقوب اقرب صاحب ليك واستنيت لما رجع مصر هو وسهر وانت عرضت عليا الجواز ولا راضي تعرفني بحد من اهلك لي الدرجه دي انا وحشه.
معاذ باس دماغها وايديها-لاء ياعمري متقوليش كده بس انتي عارفه عمك كان في خناق علي شغل بينه وبين يعقوب وانا بحبك انتي عشان كده محبتش اعرف اي حد...بس انتي مراتي علي سنه الله ورسوله وبعد كده كله هيعرف بس اديني وقت ياحبيبي.
علا-ماشي ياقلبي.
معاذ بضحكه-فين الحضن والابتسامه الحلوه لي حبيبك.
علا ضحكت،-عيوني الاتنين انا بحبك اوي يامعاذ ربنا يخليك ليا.
معاذ ابتسم -ويخليك ليا ياقلبي.،
----
فبيت ليلي...
ماسكه موبايلها بتتصل بسيلا بعد دقايق.
ليلي -الو .
سيلا بصوت مبحوح-ايوه ياليلي ازيك.
ليلي-ايه ياحبيبتي صوتك مالو انتي معيطه.
سيلا مسحت دموعها-لاء لاء يمكن اخدت حبه برد او حاجه انتي عامله ايه ياحبيبتي.
ليلي بفرحه-فرحانه بس زعلانه فنفس الوقت.
سيلا-خليني في فرحتك اوي ...احكيلي .
ليلي بفرحه-معاذ بيه طلع بيحبني وعرض عليا الارتباط.
سيلا ببتسأمه-بجد فرحتني والله وانتي بتحبيه.
ليلي بكسوف-بصراحه انا معجبه بيه اساسا بشوفه بتلخبط.
سيلا-هههه الله الله دانا بقينا بنحب وعسل اهو.
ليلي-هههه يوووه بقي ياسيلا دانا غلطانه اللي اتصلت بيكي.
سيلا-هههه لاء ياحبيبتي طب قوليلي ايه مزعلك طيب.
ليلي-عشان انتي سبتي الشغل والله يعقوب بيه طيب اوي اوي لو عرفتيه اكتر مش هتفهميه كده ما هو بيزعقلي ديما ياسيلا بس بعدي لان انا عارفه هو جواهه ايه.
سيلا بتنهيدده -وجواه ايه؟
ليلي-خير والله لو احتاجتيه في اي حاجه ممكن يعمل المستحيل عشان يجبهالك اما مراته دي زباله سيبك منها كانت بتعمل فيا من ده كتير.
سيلا-بس انتي اتقبلتي منها انا مش هتقبل يا ليلي دي فيها كرامتي.
ليلي -وحياتي عندك لا ترجعي الشغل .
سيلا-يووووه ياليلي بس انا اشتغلت في مكان تاني.
ليلي بستغراب-فين؟
سيلا -هقولك بس توعديني بينا.
ليلي -اوعدك
سيلا-عند كريم ابن خالو
ليلي بصدمه-كريم الجملي انتي اكيد اتجننتي سيبي الشغل عنده فورا ده احقر بني ادم علي وجهه الارض.
سيلا-هوب هوب هوب ليه كل ده انا قبلته علي فكره مش زي ما انتي ويعقوب بيه بتتكلمو عنو انسان كويس علي فكره وقبل يشغلني
ليلي -هههه؟ كويس طب انتي قولتيلو انك كنتي بتشتغلي عند يعقوب سويلم وسبتي الشغل صح
سيلا-ايوه قولتلو.
ليلي-شغلك عشان كده عشان بيكرهه يعقوب بيه وحياتي عندك ما تروحي الشغل وترجعي الشغل تاني...وانا هخلي معاذ يدخل يقولو ويرجعك الشغل.
سيلا-معاذ مين يعقوب بيه جه النهارده اعتذر مني وانا رفضت.
ليلي بصدمه-ايه يعقوب بيه جالك ورفضتي ده عمره ما عملهااا ياسيلا .
سيلا-هه تلاقيه عملها كتير انتي ايش عرفك انتي مفكر يبهدلني قصاد كله عشان برستيجه ويجي عندي يصلحني بيني وبينه وانا كده اوافق.
ليلي -استني بس اقسم بالله عمره ما راح لحد ولا حتي معاذ لو زعل انا معشره من سنين طب اقولك زعلني كتير عمره ما صلحني.
سيلا سكت شويه وبعدين رديت عليها-يعني ايه؟
ليلي-يعني ارجعي الشغل لان عمره ما عملها ولو عملها معاكي متندمهوش انه جالك دي كبيره فحقه وانتي متوصتيش بردو.
سيلا- اممم هشوف كده.
ليلي-انا هنام دلوقتي عشان شغلي بكره واياك متجيش.
سيلا-طيب ماشي متقلقيش.
---
يوم جديد....عده وقت كبير...
في شركه كريم.
كريم وصل الشركه...عنيه في كل حته بيدور علي سيلا بس مش موجوده.
كريم لي السكرتيره-سيلا مجتش؟
السكرتيره-سيلا مين يافندم.
كريم-اللي كانت هنا امبارح جت تقابلني عشان شغل‘
السكرتيره-لاء مجتش.
كريم بضيق-طب مسبتش رقم تلفونها اي حاجه.
السكرتيره -لاء خالص خرجت من هنا مشيت علي طول
كريم-طب اول ما تيجي دخليهالي فورا.
السكرتيره-حاضر علي فكره في واحده بتستني حضرتك جوه‘
كريم-مين دي؟
السكرتيره -مش عارفه .
كريم-ماشي هدخل اشوفها وانتي اول ما سيلا تيجي دخليها.
السكرتيره-حاضر.
كريم دخل مكتبه...
كريم بصدمه-سهر اكيد اتجننتي جايه الشركه هنا افرضي حد شافك.
سهر-كان لازم اشوفك.
كريم-ومروحتيش الشقه ليه ...
-
جت سيلا بره
سيلا-صباح الخير.
السكرتيره-سيلا صباح الخير ادخلي لي كريم بيه قال اول ما تيجي تدخلي علي طول.
سيلا-ماشي انا جايه اساسا عشان اقوله علي موضوع كده.
السكرتيره-طب ادخلي.
راحت سيلا ناحيه الباب كان موارب لمحت سهر..
سيلا بصدمه-سهر...
.
سهر -ياحبيبي شقه ايه بقولك يعقوب متغير معايا بقي بيتصعب من اقل حاجه.
كريم-ما انتي غبيه بتكلميني وهو في البيت كنتي هتكشفيني ياهبابه.
سهر-لاء متقلقس وبعدين ياريت اخلص منو ونتجوز بقي ياكريم ونربي ابننا سوا.
كريم-سهر انتي شربه حاجه علي الصبح اكيد اتهبلتي ابن مين هو لو يعقوب عرف قولتلك فيها موتك قبل موتي.
سهر-ييووووه انا اتخنقت منوا اساسا.
