صلو علي النبي.
روايه حكايه.
الحلقه السادسه.
----
يعقوب غمزلها-ايه اللي واخد عقلك يتهني بيه ياحلوه.
سيلا بتوتر-لاء لاء خالص والله بس معاذ بيه وليلي بره بس كانو قاعدين وبيرغو فأنا اتلخبطت.
يعقوب-اسم الله عليكي من اللخبطه معاذ وليلي بردو.
سيلا -هههه يوووه بس بقي .
يعقوب ضحك-حاضر هبس .
سيلا-هو انت اتغيرت كده ليه.
يعقوب رفع حاجبه-هو انا كنت وحش قبل كده‘ولا اي ابت.
سيلا-اممم انت شايف اي
يعقوب-الصراحه بتاعتك دي هتخليني اقوم ارزعك كف.
سيلا-واهون عليك؟
يعقوب بصلها وابتسم-لاء متهونيش ياسيلا...
سيلا ببتسامه ...
وقالت بينها وبين نفسها-ولا انت تهون يايعقوب عليا عمري ما هخلي حد يقرب منك ولا يجرحك حتي لو فيها موتي...
يعقوب-احم روحتي فين وبعدين عايز اقولك اصلا بحب والدك اوي فعشان كده مش هزعلك تاني.
سيلا -عشان والدي بس؟
يعقوب بصلها-اومال عشان ايه تاني ؟
سيلا - قول عشاني مثلا ما انت كنت حلو دلوقتي
يعقوب -هههه لو سمعتي الكلام ومعصبتنيش هيبقي عشانك.
سيلا بفرحه-وانا مش هعصبك ابدا ابدا.
يعقوب-هههه روحي قولي لي ليلي اسمه نبيل الطحال وابعتيلي معاذ.
سيلا -من عيوني حاضر .
يعقوب ابتسم وبص لي اللاب بتاعه.
خرجت سيلا بفرحه...كان معاذ ماسك ايدين ليلي.
سيلا-معاذ بيه.
معاذ حك في دماغه-يووووه بتجي في اوقات صعبه.
سيلا-ههههه معلش بس يعقوب بيه عايزك...
معاذ بتنهيده-يعني الشغل هيطير طيب ياختي هروح...
سيلا بصت لي ليلي-هو الحب بيجنن كده اوي.
معاذ-هههه اوي اوي ياختي.
مشي معاذ لعند يعقوب.
.
سيلا غمزت ليلي-الصناره غمزت اوي .
ليلي ضحكت-اسكتي ياسيلا والله هزعل منك دا كان بيحكيلي بس علي حاجه تعباه.
سيلا-هههه ياقلبي ياختي ايه اللي تعبه ما هو زي القرد اهو.
ليلي رفعت حاجبها-سيبي حبيبي فحاله.
سيلا-ياروحي ربنا يهينكم يارب وافرح بيكي معاه بس ازاي مككنش باين عليكي .
ليلي -مكنتش متوقعه ان يحبني اساسا اصله كل حاجه عنده هزار وبعدين هو فاهمني ان مفيش غيري فقلبه.
سيلا بفرحه -يااا لو اتجوزته انا هرقصلك.
ليلي ضحكت-انا بحبك اوي اوي المهم يعقوب بيه قالك ايه.
سيلا بتنهيده-يقول اللي يقوله انا مش هسيبه تاني...
ليلي-ايه ده انتي ايه غيرك انتي واقعه ولا ايه هههه ده متجوز.
سيلا-طب ما متجوز متجوز تتحرق سهر وزفت.
ليلي بستغراب-انت عايزه تاخديه منها ؟
سيلا بصتلها.
ليلي-اسفه ياسيلا مش قصدي.
سيلا-واسفه ليه؟ ما انا هاخده منها فعلا هو خساره فيها.
ليلي -معاكي حق دي خاينه .
سيلا بصدمه-ايه!!!!
ليلي بتوتر-اقصد يعني كانت بتشتغل هنا معايا وتتخانق معايا وتروح ليه تقول كلام عني عشان يبهدلني انسانه قذره وخاينه.
سيلا بتنهيده-متقلقيش جايلها يوم.
--
ساره رجعت بيتهم...
ساره -ماما انا جيت.
مديحه-طب ادخلي غيري وتعالي علي ما احضرلك الاكل.
ساره - حاضر.
دخلت ساره اوضتهااا وعقلها بيودي ويجيب ...
ساره لنفسها-هو معقول ارتبط بصحبتي عشان انا قولتلو لاء وعشان يعرفني ان انتمتي ماتت عليه....طب انا مالي ما يرتبطو.
بس منار ذنبها ايه هو مبيحبهاش طب انا لو روحت قولتلو هيرد بي ايه انا مش عايزه اقف معاه ...احسن حاجه اجيب رقمه من علي صفحته وابعتلو مسدج واتس اب واكلمه واقوله يبعد عنهاااا وبعد كده اعمله بلوك...هو ده المظبوط!
.
مسكت ساره موبايلهاا واخدت رقم الواتس من علي صفحته شويه وقعدت تتفرج علي صورو...
سجلت الرقم عشان تبعتلو...
ساره لنفسها -يالهوي ده متصل الان قذر قاعد بيضحك عليها.
ساره بعتتلو شات...
-ازيك يامهاب
مهاب-مين ؟
ساره-انا ساره .
مهاب بشك -ساره مين؟
ساره-اللي حضرتك عرضت عليها الارتباط .
مهاب-هه اها ازيك .
ساره-تمام الحمدلله بص يامهاب مش معني اني رفضتك تضحك علي انتمتي.
مهاب بغيظ-رفضتي مين؟انتي مش في دماغي اساسا كنت هرتبط بيكي نتسلا مش اكتر لكن انا حابب منار
ساره-كداب متكسرهاش معندكش اخوات انت عشان تضايقني ارتبطت بيها.
مهاب-اضايقك ليه هو انا عشان عرضت عليكي وخلاص مرتبطش هيا عاجبني انتي فظيعه.
ساره-فظيعه؟ ايه انت ملاقتش غير منار انت بني ادم فاشل وبتضحك علي عقلهاا حرام عليك دي في 3 يعني المفروض تزاكر حضرتك مفكر تسليه البنات دي حاجه حلوه.
مهاب-لو ذودتي استفزاز فيا هعملك بلوك.
ساره-يا استاذ مهاب يا محترم ابعد عن منار.
مهاب-وارتبط بيكي انتي :) ؟
ساره بصدمه-انا مش هقدر ارد غير بي انك انت عديم الاخلاق فعلا ويارب لو اذتها يعقدلك كل ده انا حزتك سلامم...
---
فشركه سوليم.
يعقوب وهو بيشتغل في اللاب- علي فكره مش ضروري تيجي تصلحني علي سهر عادي اي زوج ومراته بيحصل بينهم كده شايلك لي التقيله..
معاذ بستغراب-اصلحك عليها ازاي مش فاهم.
يعقوب -مش هيا كلمتك بالليل عشان تصلحنا علي بعض.
معاذ بستغراب- كلمتني لا انا وسهر متكلمناش ثم سهر مش معاها رقمي ولا انا معايا رقمها اسااسا وبعدين انت صاحبي بس مليش ادخل بينك وبين مراتك.
يعقوب بصدمه-انت متاكد ؟
معاذ-اها طبعا يابني ليه فيه حاجه.
يعقوب بتنهيده مش مفهومه -لاء مفيش حاجه متشغلش بالك انت انا يمكن فهمت غلط.
معاذ بتنهيده-ماشي المهم في موضوع مهم لازم اتكلم معاك فيه.
يعقوب -عن الشغل.
معاذ-لا بعيد عن الشغل .
يعقوب-اتكلم طيب.
معاذ-طب حرج عليهم حد يدخل علينا.
يعقوب بصلو -قد كده الموضوع ده مهم.
معاذ-بالظبط.
يعقوب-تمام...
رفع يعقوب السامعه -ليلي متدخليش حد علينا انا ومعاذ.
ليلي -حاضر يايعقوب بيه.
.
يعقوب-ها اتكلم ايه الموضوع.
معاذ بجديه-انا متجوز.
يعقوب-ايه؟ متجوز؟ هههه لا حلوه.
معاذ-وعندي ابن عندي نور.
يعقوب -انت اهبل انت وعي بتقول ايه جواز ايه وابن ايه انت شارب حاجه هههه ضحكتني ‘
معاذ بتنهيده-استني بس انا اتجوزت علا حمدان في فرنسا وخلفت منها مش بهزر والله.
يعقوب بصدمه-علا حمدان معقوله وبتخبي عليا علي صاحب عمرك يامعاذ.
معاذ -يايعقوب جت علي طول انت كنت في مشاكل مع عمها اتجوزنا وحتي محدش يعرف من اهلي وعندي منها ابن مكنش ينفع اخبي عليك اكتر من كده.
يعقوب -وخير يعني عايز ايه؟دلوقتي مني!!
معاذ بضيق-مش عايز ياصاحبي بحكيلك.
يعقوب-هو بعد العيد بيفتو الكحك؟
معاذ-انت اخويا وانت عارف كده.
يعقوب بضيق -واضح.
معاذ بتنهيده ضيق -طيب هسيبك دلوقتي.
يعقوب حس انه عايز يقول حاجه...
يعقوب بتنهيده-اقعد يالا يلااا كمل هتقول ايه بدل ما اقوم اطبق وشك.
معاذ-ما انت هتضيقها عليا همشي.
يعقوب بعصبيه-انت متخلف يعني صاحب عمري جاي يقولي متجوز وعندي عيل اقوله مبروك ياحبيبي واخده فحضني.
معاذ-لا ياسيدي متقولش ...انا بحب .
يعقوب-ما تحبها حد قاالك متحبهاش ما هيا مراتك وبعددين انا افرحلك.
معاذ- ايوه بحب مراتي بس بردو انا بحب ليلي.
يعقوب بصدمه قام وقف-ليلي مين.
معاذ-اللي بره دي.
يعقوب بنرفزه-وحيات امك انت بتستعبط يالا اتنين بتحب اتنين اتجننت.
معاذ-حط نفسك مكاني والمشكله اني بحب دي وبحب دي يعني مش هقدر اتخلي عن واحده فيهم اتعلقت بي ليلي فالشغل اعمل ايه وعلا مكنتش هنا بس بردو انا بحب علا.
يعقوب لاقه بي الملف اللي قصاده-امشي يامعاذ من وشي اطلع بره ومتدخلنيش في حوارتك دي...كتك القرف عيل ملزق وخد بالك القلب ميشلش اتنين.
معاذ قام وقف-طيب همشي بس لو انت ظهرتلك واحده علي سهر ولاقيت نفسك بتحبها هتقدر تتحكم ازاي في قلبك...
سابو معاذ وخرج‘
يعقوب فاللحظه دي جه فبالو سيلا وسرح لبعيد وفجاه اتفكر معاذ وهو بيقولو سهر مكلمتنيش امبارح
.
مسك يعقوب الموبايل واتصل بيها.
يعقوب بغموض-انتي فين؟
سهر-فالبيت ليه؟
يعقوب-متخرجيش عشان هرجع بدري تمام؟
سهر-ماشي ياحبيب....
قفل يعقوب قبل ما تكملهااا ...
خبطت سيلا ودخلت.
سيلا ببتسأمه-تأمرني بحاجه يايعقوب بيه‘
يعقوب ابتسم-لاء ليه هتروحي؟
سيلا -يعني زي ما تحب.
يعقوب-سيلا .
سيلا-نعم.
يعقوب-اوعي تبطلي ابتسامتك دي بتشيل هموم كتير ماشي.
سيلا بكسوف-كده هتخليني اتغر فنفسي.
يعقوب-ههههه.
سيلا -ممكن اسال حضرتك سؤال ؟
يعقوب-ايوه؟
سيلا-انت اتغيرت ليه؟
يعقوب بص فعنيها-ما قولتلك عشان والدك.
سيلا بمكر -مش مصدقاك.
يعقوب-انتي صح مش عارف بس اول مره اتشد لواحده كده.
سيلا بمكر اكتر -بس انت متجوز؟
يعقوب-ما دي االمشكله وبحب مراتي بس اتغيرت لما ظهرتي انتي.
سيلا بصتلو وابتسمت بفرحه.
دخل عليهم كريم ووراه ليلي.
ليلي بخوف -واالله يايعقوب بيه قولتلو ميدخلش غير لما ادي حضرتك خبر مسمعنيش.
يعقوب -روحي انتي ياليلي.
كريم بعصبيه-انت عرضت علي نبيل الطحال صفقه من امته؟
يعقوب قعد علي كرسي المكتب وشبك ايديه فبعض -طب وده يهمك في ايه؟
كريم بعصبيه-‘وانت مش عارف اني بشتغل علي الصفقه دي من فتره عشان اعرضها عليه واسااساها معاه.
يعقوب ببرود-؟معلش مكنتش اخد بالي...تعيش وتاخد غيرها.
كريم -متخلنيش ادخل في حرب معاك يايعقوب انا لسه باقي علي اننا اهل.
يعقوب بتريقه-لسه باقي انا بيوصلي كل كلامك عليا اساساا...انت لو صافي من ناحيتي مش هتعمل كده.
