صلو ع النبي...
روايه حكايه ...
الحلقه الرابعه عشر...
----
معاذ ماشي فشارع طويل وليلي جايه عليه...
ليلي لبسه ترنج ولبسه شال عليها...
ليلي-نعم اتصلت بيا ليه فعز الليل كده.
معاذ-انا فكرت كتير واتوجعت اكتر علا خلاص مش هترجع هيا وابني ... انت الامل الوحيد اللي هعيش عشانه.
ليلي-وعلا؟
معاذ-لازم انساهاااا...
ليلي-انت اكيد مجنون انت السبب فأبنك.
معاذ بدموع-ما انا لو فضلت لوحدي هموت ولازم انساها والحل الوحيد عشان انساها انك تكوني معايا وجمبي
ليلي بصدمه-انا فعلا مصدومه انت بالسهوله دي بتتكلم انت عارف يعني ايه من وجعها وقهرها عملت حادث وماتت انت مريض نفسي.
معاذ -لاء يا ليلي انا مش مريض انا مغلطتش بالعكس انا ليا فالشرع اربعه الرسول(ص) اتجوز كام واحده انطقي؟
ليلي-بس الرسول اتجوزهم فالنور وعلي علمهم انت خلتني اتعلقت بيك وانا مفكراك عاذب.
معاذ -انا منستش علا ؟انا بحبها وموجوع عليها وعلي ابني انا مش ناقص لي الدرجه دي بس انا لو فضلت لوحدي من غير ما حد يصبرني هموت...خدي بالك عايز اقولك علي حاجه واحده ياريت تفكري فيها...
ليلي بعصبيه-مش عايزه اسمع منك حاجه انا غلطانه اني رديت عليك ونزلت انت غبي ومتخلف ومعندكش دم...
سابته ليلي ولسه هتمشي.
معاذ بحرقه-انا كنت بنام ليالي بحضن المخده وهيا بعيد عني عشان خايفه تخسر اهلها انا كنت بعيد بصبر نفسي بيها علي الموبايل عارفه يعني ايه راجل يعيش لوحده لو لاقي ضحكه من اي حد هيتعلق بيه انا مش غلطان في اي حاجه عارفه يعني ايه كنت بهزر مع الشركه كلها عشان عارف الحبه اللي هضحكهم في الشركه هما الحبه اللي هتصبر بيهم طول اليوم من الشغل لي يعقوب لي البيت انا كنت بتعلق بيكي مش كا تسليه كاحبيبه مش عايز اسيبها بتعلق في امل...
الراجل لو مراته بعدت عنو شهر لازم يحس بفقدان عايز اللي يحتويه ...
كمل معاذ بدموع-نور ابني انا بموت عشانه عنده قد ايه سنتين؟ علا كانت بعيد عني فيهم عشان خاطر عمها في مشاكل بينه وبين يعقوب كانت بتصبرني بي كلام الحب ...
ايوه هيا مفيش في ايدها اي حاجه وعمها كان مانعها مني بس اناا كنت بحبها واستحملت استحملت كتير لحد ما حبيتك بتلومي عليا ليه؟ ايوه مغلطتش ماتو عشان يكلمو كسري...وانتي ككمان كسرتني...
ليلي بصتلو وسكت .
معاذ-بتحبيني ولا لاء ردي لو مشيت من هنا مش هسمعلك تاني؟
ليلي بصتلو بوجع وبلعت ريقهااا وسكتت .
معاذ -ردي عليا هتكملي حياتك معايا ولا لاء انا موجوع ومعتش عندي حيل لي الكلام وصدقيني هبعد خالص...
ليلي بصتلو -لو كانت علا عايشه كنت هتعمل ايه‘
معاذ بوجع-هه مكنتش هأثر معاها فحاجه هو انتو الابرياء والمظلومين انتو وجعتوني.
ليلي-انت اناني يامعاذ هو كل واحد مراته تبعد عنو يعمل كده يعني هيا محافظه علي اسمه حتي لو في ظروف هو يدور علي حل شعره..
معاذ بجديه-تمام بي ما انا اناني معتش تعرفيني تاني..وانا مش غلطان ...
معاذ لسه هيمشي...
ليلي غمضت بوجع-م...معاذ...
معاذ وقف وهو مديلها ضهره-خير؟
ليلي-انا هكمل معاك...
معاذ بصلها بصدمه-ايه‘؟
---
سيلا بعد ما كريم مشي ...طلعت اوضتها وهيا بتعيط بقهر...
سيلا لنفسها بصوت مسموع-لو تعرف يا يعقوب بحبك قد ايه مش هتبصلي كده انا بعمل كده عشانك انت اها ياربي...
.
ولسه بتفتح الباب وبتدخل لاقيت يعقوب بيشدها فحضنه وبيقفل الباب...
سيلا متعلقه فحضنه وهيا مصدومه-يعقوب حبيبي انت هنا دخلت ازاي... انت مش مشيت يعقوب هفهمك...هقولك اللي حصل يعقوب انا...
قطعها يعقوب ببوسه طويله بعشق واشتياق طول بعدها عنو وهو ماسك وشها بأيديه الاتنين لحد ما بعد عنها حبه ياخد نفسه ورجع شدها فحضنه تاني...
يعقوب بتنهيده طويله مسك ايدها الاتنين فاتحهم وباسهم-اهدي ياعمر يعقوب اهدي خالص متعيطيش انا فاهم كل حاجه من غير ما تحكي ...
.
سيلا بتنهج.-فاهم ايه ؟
يعقوب هة-سيلا انا سمعتك انتي وليلي سمعتكم وانتو بتحكو كل حاجه وانا خارج من المكتب اناا مجتلكيش هنااا قصاد كريم من فراغ...
سيلا بصتلو بستغراب-يعني ايه ؟؟
يعقوب بتنهيده راح قعد علي السرير بتاعها وشدها علي رجله...
سيلا بكسوف-يعقوب ابعد...
يعقوب-لو قومتي من علي رجلي هرزعك كف اعوجلك وشك...
شدها يعقوب علي حضنه ...
يعقوب غمض عنيه-وحشتني .
سيلا غمضت عنيها وابتسمت بفرحه وهمس -وحشتني اكتر ووحشني كل حاجه فيك....بس قولي سمعت اي.
يعقوب -ياحبيبي اناا عارف ان كريم قالك لو متجوزتنيش هيقتلني وعارف انك هتضحي بحياتك عشان بتحبيني.
سيلا حضنته وعيطت-معنديش حل غير ده ياحبيبي اهم حاجه ان ميحصلكش حاجه...حتي لو هخسر حياتي.
يعقوب بصلها وابتسم بوجع-قد كده بتحبيني.
سيلا بدموع-اكتر من عمري كله.
يعقوب-ششش اهدي خالص انتي مش مع عيل انتي مع راجل....هتشوفي لسه...لسه اهدي بس بدل ما اقوم امشي؟
سيلا بلهفه-لاء خليك...
يعقوب-كريم علي نار بارده لسه مش هاديه...
سيلا بصتله بستغراب-انت عرفت منين ان كريم جاي؟
يعقوب-والدك كلمني وفرحان اوي اسم الله عليه بيه عشان كريم قريبي...
سيلا-ايوه بس انا مفيش في ايدي حاجه اعملها غير كده...
يعقوب بصلها -الاول لمااا اخلص طاري مع سهر وكريم الخيانه اللي انتي خبيتها عليا وكدبتي...دي مش هعدهالك بس انا بعديلك عشان اتاكدت من حبك ليااا....
بس هحسبك لسه علي انك كدبتي عليااا
سيلا بدموع-انت عرفت مكنتش عايزه اجرحك ؟
يعقوب بضحك-طبعااا.
سيلا-وهتعمل ايه؟
يعقوب قرب من شفايفها باسها برقه وسندها علي المخده وبين كل دمعه منها كان بيقرب منها اكتر وبيمسح دموعها بشفايفه-اهدي خالص‘
سيلا بضعف-يعقوب ابعد.
يعقوب اتملك اعصابه-ما انا هبعد عشان هقولك تعملي ايه.
سيلا بتاخد نفسهاا ...
يعقوب شدها فحضنه-اهدي واسترخي خالص‘...
سيلا بصتله وهيا فحضنه وهزت دماغها...
يعقوب-انتي هتنفذي الخطوبه من كريم...
سيلا بصدمه-ايه ازاي.
يعقوب-وانا هرجع لسهر اساساً
سيلا بصدمه اكبر-ايييه...
يعقوب -اسمعي بس بدل ما اديلك علي وشك...
سيلا قامت وقفت-ترجع لي ست زفته دي ليه.
يعقوب-بت هو انا لما قولتلك طلقتها دي فرحتك ومرضتيش تقولي علي خيانتها وانا اقسم بالله لسه هحسبك فسكتي واسمعيني.
سيلا-اسمع ايه بقي ان شاء الله
يعقوب بمكر-هتسمعي ولا ابوسك يعني؟
سيلا -بوسني.
يعقوب انفجار من الضحك.
سيلا-يووووه اقصد هسمعك
يعقوب-كلمه الحق بتطلع في الاول.
سيلا-غبي ورخم .
يعقوب شدها باسها من خدها وقعدها علي حجره...
يعقوب-بصي ياعمري سهر دلوقتي بتحب مين؟
سيلا-كريم؟
يعقوب-وكريم عايز يخطب مين؟
سيلا-يخطبني انااا
يعقوب غمزلها-ما بالك لو كريم خطبك ايه هيحصل لسهررر الانتقم احنا هنعمله بس من غير ما ايدينا تكون فيه.
سيلا عوجت بوقها- والله دلوقتي هتلمسك...
يعقوب غمزلها-المسيني انتي طيب.
سيلا بعصبيه-يعقوب لم نفسك...
يعقوب-انا اللي هلمك بس اطفي النار اللي في قلبي اول.
سيلا لفت ايدها حولين رقبته-وهتتجوزني‘؟
يعقوب همس فودنها-وهعملك فرح....
سيلا بصتله وضحكت-انا بحبك...
يعقوب-اللي كان هيموتني اكتر عن خيانه سهر ليا انك مبتحبنيش.
سيلا قربت من وشه-ششش متقولش كده انا روحي فيك...
يعقوب-سيلا اوعي تكسري ثقتي فيكي اوعي تفكري فيوم**
سيلا حطت ايدها علي بوقه-انا عمري ما كنت سهر يا عمري...
سهر دي تربيه ناقصه لانك انا بنت اصل...
يعقوب-اللي مصبر قلبي اني هعمل فيهم اللي ميعملش.
----
علا كانت قاعده علي السرير شايله ابنها ...
علا بوجع لنفسها-ليه افضل قاعده عن العالم كده بدل ما كنت انام فحضنك...ليه جرحتني انا اخترتك عن عمي وعن اهلي وكسرتني وقلبي الخايب لسه بيحبكك ياتري هتعمل ايه هتحزن عليا وهتبعد عن كل حاجه...
(فالدنيا انا شوفت بي عيني اللي مشفهوش ولا حد...كان في اساله جوايا لا جواب ولا رد من ضمنها ليه مبقااش في حد بيحب بجد)...
ليلي دخلت من الباب ...وعينها جت في عين علااا...
ليلي بلعت ريقها-انتي لسه صاحيه.
علا-اها كنتي فين ؟
ليلي-كنت عند صحبتي
علا-اها ياحبيبتي...طيب
ليلي-شكلك معيطه؟
علا ابتسمت بوجع-يعني بعد كل اللي حصلي ده وهضحك...
ليلي بتنهيده غامضه-ربنا يعديها علي خير
علا بصتلها-انتي يا ليلي اللي هتجبيلي اخباره انتي رغم اللي هو عملو فينا بس انا واثقه فيكي...
ليلي هزت دماغها-اها طبعا ان شاء الله
علا-هو انا ليه حاسه انك فيكي حاجه؟
ليلي-لاء خالص بس مصدعه وعايزه انام.
علا -طيب نامي ياحبيبتي معلش صدعتك.
ليلي-لاء لاء متشغليش بالك انا بس هنام شويه.
علا ابتسمت نص ابتسامه-تصبحي علي خير.
ليلي-وانتي من اهله.
علاا مستغربه ليلي لما كانت بتتكلم مكنتش كده...
علا نامت علي السرير...
علا لنفسها بدموع-يارب خليك جمبي ومتكسرنيش...انا مبقتش فاهمه اي حاجه بقيت حاسه اني تقيله علي كل حاجه...
---
نهار جديد...
يعقوب قاعد علي السفره الفطار هو وابوه وسهر.
يعقوب لصالح بخبث....
يعقوب-بابا مكلمتش محمود بيه العيران.
صالح-لاء والله بقالي مده ليه؟
يعقوب-سيلا بنته هتتخطب.
صالح ابتسم-بجد وازاي ميقوليش دي زي بنتي.
يعقوب-اكيد هيقولك لان هينسبك انت.
صالح بستغراب-هينسبني ازاي.
يعقوب بص لسهر بخبث...
يعقوب-ما هو كريم هيخطب سيلا‘
صالح -كريم ابن خالك؟
يعقوب-ايوه اتقدم لسيلا امبارح .
سهر مكنتش عارفه تتملك اعصابه شالت كوبايه االميه وبتشرب وقلبها ولع....
ويعقوب مراقب كل تصرفاتهااا.
يعقوب-سهر سيلا عزمتني لو كده ابقي اخدك ونروح ياحبيبي...
سهر بتوتر-ما انت عارف ياحبيبي اني متخانقه معاها.
يعقوب-لاء هصلحكم علي بعض وبعدين سمعت ان كريم بيعشقها ده هجبلها فيلا علي البحر وجايبلها عربيه اخر موديل وجايبلها شبكه بفلوس كتير وهيكتبلها مليون جينه مؤخر كان هيبوس رجلها عشان توقف.
سهر بتتنهد بغل مكتوم ومش قادره تنطق...
سهر ليعقوب-ليه هيا سيلا دي تطلع مين عشان يعملها كل ده...
يعقوب بستفزاز-لاء متقوليش كده ده محدش جه عندي الشركه غير لما اعجب بيها وكله هيموت عليها...
سهر بصتله بنظرات مش مفهومه...
ويعقوب ضحك لابوه وبصلها بغموض وكمل اكل...
سهر قطعت الحديث بقهر-يعقوب هو الخطوبه دي امته...
يعقوب بغموض وابتسامه-الاسبوع الجاي ياحبيبتي...
--
ليلي كانت خرجت من بيتهم قبل ما تشوف علااا...وخرجت راحت لبيت معاذ ...
معاذ كان قاعد فبلكونه البيت وساند خدو عليهااا...سرحان وحزين وتايهه مش عارف هو بيعمل ايه ولا بيفكر ازاي صوره علا مبتفرقش خياله...
بيقول كلام وقلبه بيوجع بكلام تاني...
ليلي دخلت -صباح الخير.
معاذ بصلها-صباح الخير‘
ليلي-جيت اشوفك انت من امبارح ماشي تعبان.
معاذ -الحمدلله ياحبيبتي‘
ليلي مسكت ايده-انا مش هسيبك صدقني اناا بفكر طول الليل ووصلت لحل ...
معاذ بصلها-حل ايه؟
ليلي -انا هتجوزك يمعاذ.
معاذ بصلها بصدمه-تتجوزيني؟
ليلي-علا لازم تموت من حياتنا وتتنسي خاالص... علا لو عايشه وهيا مكاني مش هتكسر بي قلبها عشاني انا ليه اضيع الحب اللي قلبي نبض بيه ...وانت لازم تنساها‘
معاذ بوجع-حتي لو بقيت معاكي وحتي لو اتجوزتك انا مش هقدر انساها لا هيا ولا نور انا لسه بفكر وانا قاعد لو عايشه كان حالي هيكون احسن من كده.
ليلي اخدته فحضنهاا-انا معاك ومش هخليك محتاج لاي حاجه...بس لازم تنسها عشان احنا نعيش.
معاذ بوجع-هنساها هيا وابني ازاي...
ليلي-انت قولتلي بالليل لازم تتنسي.
معاذ-انا مش عارف انا بقول ايه انا تعبان انا مخي هيقف من التفكيرر...
ليلي موبايلهااا رن كانت ...
ليلي بتوتر بصت لمعاذ ..
معاذ -مين؟
ليلي-يعقوب بيه عايزاني اكيد عشان الشغل.
معاذ-ايوه انا كمان لازم اقوله علي اجازه لا هرجع الشغل.
ليلي-ارجع ياحبيبي...
ليلي عملت الموبايل سايلنت وعلا بتتصل عليها تاني... بتحط الموبايل في الشنطه بتاعتها ايديها ضغطت علي فتح الصوت...
ليلي لمعاذ-انا هسامحك يامعاذ لاني انا بحبك اوي بس انت لازم تبقي كويس عشاني.
معاذ حضنها-انا الحمدلله كويس ياحبيبتي لانك معايا وانا كمان بحبك يا ليلي.
ليلي باسته من خده وابتسمت-ادي بوسه اهي تخليك تتفائل ...انا همشي بقي ارجع البيت اجيب حاجات واروح الشغل.
معاذ ابتسم-ماشي ياحبيبي.
.
علا فالوقت ده كانت بتسمع كلامهم والصدمه ثبتتها فالارض ودموعها نازله بنهيار.
علا بصدمه-حتي انتي ياليلي كسرتني...انا وثقت فيكي...
شالت علا ابنهااا واخدت شنطتها وفتحت الباب من غير ما مديحه تشوفها وخرجت...
---
فشركه يعقوب.
سيلا واقفه مع يعقوب جوه االمكتب... رن موبايلهااا.
سيلا بضيق-يوووووووه
يعقوب-مين ؟
سيلا بعصبيه-زفت االطين
يعقوب شدها علي رجله وباس. خدها-هه معلش وحياتي ردي زي ما اتفقنا لو عايزه راحتي...
سيلا بنرفزه -طيب
يعقوب-اتنرفزي ما انتي قاعده علي كنبه
سيلا-هههه انا مش تقيله
يعقوب-هههه صح ياختي طب ردي قبل ما الرنه تخلص.
.
سيلا ردت-عايز ايه؟
كريم-وحشتني فمانع قولت اكلم خطيبتي حبيبتي‘
سيلا بغموض-انت مش مكفيك انك كسرت قلب يعقوب امبارح كان متصل بيا.
يعقوب شددها فحضنه وقاعد يبوس فخدها ويضحك...
.
كريم بفرحه-ما يتكسر دي حاجه تفرحني.
سيلا-طيب عايز ايه مني انت مش خلاص هتخطبني.
كريم-الكلمه دي عدلت مزاجي.
سيلا-طب غور بقي وحط فدماغك اني بكرهك فاهم.
كريم-هتحبيني برضاكي او غصب عنك ولا هتروحي تعزي فيه.
سيلا بعصبيه-اخرس يلا غور ...
قفلت سيلا فوشه السكه...وراحت معيطه.
يعقوب-ششش ايه حبيبي اهدي ما انا معاكي اهو هدفعه تمن كل كلمه.
سيلا بصتله وهيا بتعيط-عايز يأذيك بي اي شكل.
يعقوب-ما هما القرايب عقارب اهدي خالص وكل حاجه هتبقي كويسه.
سيلا بصتلو -مش هتسبني؟
يعقوب مسك وشها بأيديه الاتنين وبوسه برقيقه-وحيات البوسه الحلوه دي ما هسيبك.
سيلا-انا بحبك اكتر من اي حاجه.
يعقوب لسه هيتكلم...
لاقي الباب بيخبط سيلا قامت وقفت من علي رجله...
يعقوب-ادخل.
سيلا بصدمه-علااا.
يعقوب-علااااا؟
سيلا بصتلو -انت تعرفها؟
يعقوب-طبعا علا تعالي اتفضلي عامله ايه.
علا ماسكه دموعها-يعقوب انا محتاجلك.
سيلا قربت منها -مالك ياقلبي انتي مقولتليش انك تعرفي يعقوب وبعدين مالك معيطه ليه جوزك عمل فيكي حاجه.
علا بصتلها بحزن-هحكيلكم ...هحكيلكم كل حاجه.
.
بدات علا تحكي لسيلا تعرف يعقوب منين وبدات تحكيلها مين جوزها واللي حصل معاها من لما اتجوزت لحد ما رجعت تاني...
بعد فتره طويله من كلام علاااا وعياطهااا.
سيلا بصدمه-انا مش مصدقه وداني جوزك ابو نور معاذ واللي عملت فيكي كده ليلي حتي بعد ما عرفت الحقيقه...
علا بقهر-انا اتدمرت ياسيلا ادمرت.
يعقوب-ادمرتي وانا موجود وحياتك هاخد حقك انا منساش وعمك كان بيضيعني انتي اللي كنتي بتساعديني...انا مبنساش فضل حد انتي غاليه عندي يا علا.
سيلا اخدتها فحضنها-اهدي ياعلا اهدي انتي طول عمرك اختي مش صحبتي يعقوب هيشوف حل.
يعقوب-انا هرتبط بيكي ياعلااا وانتي هتظهري تاني.
علا وسيلا-نعم ...
يعقوب لنفسه بغموض-جه الوقت اللي احسبك فيه يا ليلي علي الكلام اللي وجعتني بيه واوجعك واكسر قلبك علي معاذ...جه الوقت اللي هنتقم منك...
---
توقعات
