فـي أمـل✨
الـبـارت الـرابـع 4⃣
سند / انتي عارفه كل شي عليا من الكبير للصغير لكن مقدمة التعارف عمري32 سنه ونشتغل مهندس والحمدالله حالتي مرتاحه وعندي حوشي اهني والباقي
اني / .......
سند / وانتِ
اني شفتله كل شي تعرفه مش محتاج نتكلم
سند / تمام
اني / اااي
سند / ماعندكش شروط
اني / .وقت سألني ماعرفتس شن نرد السؤال هادا ينسأل لبنت عايشه حياتها تطلع وتخش وتسوق وتخدم اني اني ع شنو بنتشرط اذا كنت24ساعه في الحوش لذلك التزمت بالصمت ....
سند / خيرك ساكته
اني / لالا عادي بس ماعنديش شروط عادي
سند / اها من شنو متخرجه انتِ
اني / مختبراات
سند / تخدمي
اني / لالا بس نتمنى نخدم
سند س اهااابالنسبه ليا عادي تبي تخدمي مش مشكله ندورلك مكان كويس وتعيين وتبي اي شي اني حاضر تبي تسوقي حتى هو عادي واني نبي المرا يلي تخدمني وتسمع الكلام ونروح نلقا كل شي 10ع10وتربي بنتي احسن تربيه
اني / من داخل فرحت انه ماعارضش ع السواقه او الخدمه لانه بجد خاطري نخدم ونسوق ونعيش حياة طبيعيه
سند / شنوو متفاهمين
اني هزيت راسي وهمست /انشالله
سند / تمام
وشويه وخش انور واسلام اما اني طلعت وقعمزت جنبهم وقعدنا نهدرزو لعند ما اتصل تلفون عمتي وقالت انه سند قاللهم هي
عمتي امينه / هي في امان الله وربي يكمل ع خير إنشاء الله
امي / مزال بكري خيركم
عمتي / لالا وقت مرة تانيه انشالله
امي / انشالله وزي ما اتفقنا علي موعد الدفع والفرح
عمتي / ااي انشالله
عمتي / هي بسلامه يا عروستنا
اني تحشمت / بسلامه عميمه وبوسيلي ايه
ساره / ههههههه عليك جو بنت زوجي من توا
اني / التزمت الصمت
عمتي / هي اطلعو فكوني من سند
وطلعو
امال / عسل عمتك
اماني / ااي عمتي امينه ديما هكي جوهاا
امال / ااهاا اني مش محتكه بيها هلبا
سناء / انتي اصلا ديما في حوشك
اني / هادا اسمه هدووء يا عمري وكافيه خيرها شرها المسكينه ولاهيه بحوشها مش بالناااس
سناء / شن قصدك انت ولا تلقحي
اني لا اله الا الله من جي شورك توا خيرك متحسسه
سناء لا اني مش صغيرة وغير يجي خوك عندي معاك كلاك
اني نضت / قولي والا ملحي طززز فيك
ونضت نضم في المطبخ لحقتني امال واماني
امال / عليك موقف سامحيني ريومه
اني / ههههههه علاش ماصار شي اصلا ديما مدرهتلي كبدي
اماني / وتي روحك للهبك
اني / اسلام وايمن اهني مايقدرش
امال / انشالله
وقعدنا نضموا في الحوش والحوسه لين دورة سمعنا صوت دوشه وانور يعيط
اني / شرف الهطبوول
اماني تضحك نعنجد الهطبول هههههههههههه
اني /1 2 3
انور / رييييما ياكلبه
امال / حي ححي ينادي
اما اني غسلت يديا وطلعت نمثل في البرود وداخلي خاايفه بنموووت
اني / ننن عم
انور / حق يلي تحكي فيه سنااء
انا / شنووو
انور / بلا استعبااط وقدم جيهتي
اني / سكتت
انور مسكني من شعري وهزني تكلمي
اني حسيت شعري تقطع بين يديه/ ااااااه حول يدك حوووول
اسلام وهو خااش / انووور حول كسرتك عليها وفكني منه
انور / والله نربيها هالف....
اسلام / احترم نفسك وحسن الفاظك
ايمن / تي خيرك ياراجل تي كلام نساوين تتدخل فيه انت
انور / انت ضم فمك
ايمن / لا هلبا هكي وقرب منه شده من سوريته
امي / اايمن خلااااص
ايمن/ توا ايمن خلاص ويلي يضرب فيها مش بنتك
امي / خلاص انور وليدي خود مرتك واركب
انور / لكن
امي / خلاص كلام نساوين هادا معاش تخش فيه
انور / خدي سنااء وركبو
اسلام تلفتلي / خيرك ياريما شن صااار
اني / هي مراته تقلل في ادبها ومش محترمه حد في هالحوش وتلاطع في الكبير والصغير زي العيله وهو كيف الهطبول وراها يلي تقوله ينفذه هالشكل حرام فيه كلمة راجل هالعيل انور تي مفروض يبدلو الادوار هي الراجل وهو المرا هادا يلي فالح فيه اصلا خاش يضرب طالع يضرب راهو يشدها شي يوم يكسر راسها هالعقرب الكلبه و سكتت وعرفت روحي شن فلمت نظراتي خوتي
