في أمل✨
حلقه 11
بعد مرور فترة❤
ايمن وهو كيف مروح من الخدمه السلام عليكم وخش يدور في اماني في المطبخ مهناش لقي اريام في الصالة
اريام جاته تجري وتغمراته
ايمن باسها ع خدها حبيبة بابا يا شفشه
اريام نانا ني حوة
ايمن هههه عسل بنتي وعطاها شكلاته
اريام ثكراا بابا
ايمن عفوااا❤ الا ماما وين
اريام ماما مننيه داخل
ايمن راقده🙄ونزل اريام وخش للدار وهو مستغرب لقي اماني راقدة فتح الضي وقرب حول الغطاء ع وجها
اماني فتحت عيونها وكان واضح الارهاق عليها
ايمن حبيبي خيرك راقده لتوااا
اماني مريضه يا ايمن
ايمن خيرك
اماني يعني انت مش عارف انه في كل حمل يصيرلي هكي 🥺💔
ايمن حتى اليوم تعبانه
اماني واللهي ما رقدت الا توا من لما طلعت وانا بطني وكبدي زاهقه تعبت وحقربي وبدت تبكي
ايمن تؤتؤتؤ شوف الهبلة وجي حضنها معاش تبكي يا قلبي خلاص وبعدين كلها كم شهر ويختفي كل هذا وتجيبي بيبي حلووو صغيرون زيك هكي😂
اماني ضحكت ع طريقه كلامه كيف يساير فيها زي البيبي
ايمن خلاض هي قيمي راسك وشوفيلي اهني
اماني قامت راسها ضميري مأنبني عليك انت واريام اهملتكم هلبا واهملت الحوش🥺
ايمن انا عارفك بعذرك وعارفك تعبانه لذلك حولي الفكرة هادي من راسك وتوا غدوة تمشو للدكتورة ونشوفوها باهي
اماني هزت راسها بااه☹
ايمن باسها ع راسها هي انا خلي انووض انبدل واندير حاجه ناكلوها🤦♂️زهقت من الجاهز
اماني انت بتدير الغدي😳
ايمن ياعيني عندك شك في الشيف ايمن انتي
اماني حبيبي قاعدة نبي مطبخي انا عفكرة
ايمن هههههه قتلك نعرف انا😎 والا دار لقطة العضلات😂و مشي بدل حوايجه وغسل اطرافه وطلع شور المطبخ
اما اماني ناضت ودوشت حتى تصحصح ولبست توته شتويه لونها وردي في الابيض ومعاها خف حوش لونه ابيض في الوردي حتى هو ودارت عطر
وطلعت لقت اريام في الصالة غيرتلها وبدلتلها وعطرتها ومشت هي وياها للمطبخ لقت ايمن حايس في روحه ويطيب جبدت الكرسي وقعمزت
ايمن تلفت مش قتلك ارقدي انااا
اماني هئه هكي تبي نتفرج عليك انا
اريام هئ بابا تيب
ايمن هههههه بابا تيب صار
اماني اااي شفتي بابا دير ممه
ايمن ابتسم وكمل يلي يدير فيه
اماني ااي شن اتدير
ايمن بندير مكرونه الفريدو
اماني 🤤🤤اممممم
ايمن عارفك تحبيها هذا علاش درتها اصلا
اماني حطت يدها ع خدها وتشوفله امم نحبك ع فكرة يعني❤
ايمن شافلها وشاف ل اريام بنتك موجودة كان هذا وريتك فعل مش بس كلام😉
اماني هههههه نطلعها باهي
ايمن ههههههه 🤷♂️عادي هو انا ورايا حاجه
اماني 💋بعتتله بوسة في الهواء
ايمن وين نحطها زعما😂
اماني وين ما تحب
اريام ماما جعنانه ني نبي ممة
ايمن مفسدة اللخظات الحلوة بنتك ب بطنها😂
اماني جايك مفسد تاني وتي روحك وتلفتت ل اريام تعالي باه نعطيك زبادي والا تبي كيكة
اريام دارت ب يدها2
ايمن مفجووعة بنتي🤦♂️
اماني زي بوها غير هو ما يطلغش عليه وبنتي يزيدو شدوقها هههههه وقعدت توكل في اريام وايمن يدير في المكرونه
(محلاه ايمن🤤🤤)
***************
سناء ااا انور
انور ها نعم
سناء وهي تحط في الغدي وتكلم فيه امس امي كلمتني قتلي على دكتورة كويسه وهكي يعني خلي نمشو نشوفو عندها بالك ربي يرزقنا 🥺
انور قتلك الموضوع هذا سكريه وتوا ربي يرزقنا لا دكتورة لا دكتور
سناء يا انور به ل امتى واحني هكي خلي نمشو نعالجو نشوفو دكتورة كويسه نبي بيبي انا نبي عيل يديرلي حس في الحوش كرهت الشقه كيف فاضيه هكي واللهي مليت
انور مسح ع وجهه الموضوع في يد الله استغفري ربي وادعي انه يرزقك وصفي نيتك علي نياتكم ترزقون❤
سناء كملت ماكله وهي ساكته وتفكر كيف تقنع انور بالدكتورة ومش معدله ع كلامه هذا طبعها من يومها مسمومة🤷♀️ وما تحبش الخير لحد وطول عمرها تعبي في راس انور حتى لما ربي يهديه وبيتغير هي ترجعه اسوء من قبل وطول عمرها تمشي فيه ع كيفها وزي ما تبي وهو الانه يحبها كان يسمع في كل شي تقول فيه صح او غلط كذب او حق^ فاهم الحب غلط الاخ^
