فـي أمـل✨
الـبـارت الـخـامـس 5⃣
وطلعت وخليتها نوضت اريام ودوشتلها وبدلتلها
وطاب الغدي ونزلو خوتي وتغدينا
ماما / قتلك يا ايمن نبيك تبدا اتطلع ريما واماني
ايمن / انشالله حاضر❤
سناء / وعلي شنو مستعجله ماصدقت شورها مازال بكري
امي / بكري من عمرك هو هاداكا شن مازال
أني / عن إدنكم شبعت
أمال / ربي يهديك سناء ديمه تحطي كلمتك ماغير ماتحسببيها وتزعلي فيها
سناء / سمله عليها وشن قلت اني
أماني / لا ماقلتي شي سلامتك
أيمن فنص فيها
وناضوو أمال وأماني يعاونو فيا في الكوجينه وسناء ركبت حوشها وأمي قعدت تتفاهم هي والأولاد علي حاجات العرس
عمتي أمينه / علاش العفوو أهي شقتك فوق خوك واتيه شطبها بس
سند / لا يا أمي أني نبي نستقر ونبي نستقل بروحي هادا لاش شريته الحوش
عمتي / براحتك ياوليدي
ساره أخته / ووين حوشك بعيد
سند / مش بعيد هلبا باهي
ساره / باش نمشو نضموه ونديرو عليه دوره
سند / الحوش واتي بفرشه وأتاته قبل يوم العرس تو نرفعكم تحوسو فيه شويه وخلاص
نوال مرت خوه / السلام عليكم
عمتي أمينه / وعليكم السلام
سند / أيه راقده قاعده
ساره / اي راقده
سند / باهي مالا طالع اني
نوال / خيره سند جوه معاش عاجبني
عمتي أمينه / ياميمتي علي ولدي أمتى ولا جوه باهي هوو
ساره / ربي يتمم عليه ويهنيه مع ريما ويرجع احسن من قبل
طلع سند ركب سيارته وهو هموم الدنيا كلها علي كتافه ولع سيارته ومشي للقهوه يفكر بينه وبين نفسه
سند / تو بنت الناس شن دنبها لي خديتها وبتنضلم معاي إنت عارف روحك ياسند مش حتقدر تنسى ماضيك ولاا حتحب بعدها علاش موافق بس اخخخخ ياااااارب
صاحبه / تيي وين سرحان بس لي واخد عقلك
سند / خليها في القلب تجرح
عبدو / شن في
سند / شن بنحكي ولا شن
عبدو / مادامك مش مرتاح هكي فوته موضوع الزواج خير ماتظلم بنت الناس
سند / وأيه ياراجل وأيه خلاص البنت بدت تكبر لأمتى بتقعد من حد لي حد لازم تستقل
عبدو / ربي يقدم لي فيه الخير
سند / يااارب
أما عندنا ضمينا حوسه الغدي وطلعنا سيقنا الجنان أني وأماني وأمال قعدت توتي في التارت وماما اتكت رقدت وخوتي كلهم لي مشي لي شغله والي رقد
فرشنا اني واماني الجنان ووتيناه وخشينا درنا قهوه ونسكافي وحطت امال التارت وطلعنا للجنان
أمال / محلاها تقعميزه العشيه في الجنان
أماني / اي والله هالنسمه لي تهفهف ترد الروح
أمال / مش كان نوضنا عمتي قعمزت معانا
أماني / ناضت طلعت هي وأيمن بتاخد حاجات
أمال / والله ماحسيت بيها لهيت في الكوجينه بالتارت
أماني / ايي يهبل جاك زي العسل مفلحك فيه
أمال / صحتين وانتي ريوم عجبك
أماني تلفتتلها / هادي مش معانا بكل
أمال / وين سرحانه
أني تنهدت / نفكر في حياتي الجديده كيف بتكون وشنو المصير لي يراجي فيا🤷🏻♀
أماني / توكلي علي ربي ومعاش تفكري سند ولدعمتك وماشاء الله عليه حيحطك في عيونه
أمال / وإنتي طيبه وبإدن الله ربي حيعطيك علي قيس نيتك
أني / إنشاءلله
أمال / مدامنا مقعمزين مقعمزين والصغار طلعو مع بوهم جيبي نديرولك قائمه نوتوها باش ماتحيريش
أماني / اي صح فكره ماتتعبيش
أني / هي خلي انوض نجيب مدكره وبيرو
وقعمزنا هما يسمو واني نكتب
