تلخبطت في تنزيل الحلقه
فـي أمـل ✨
الـبـارت الـسـادس 6⃣
وفاتت الايام بسرعة بدون ما نحس وقرب موعدي وجي اسبوع العرس
وزاد الضغط والتوتر وكانت حالتي حاله مش قادرة نقسم حتى وقتي وخايفه نفس الوقت من حياتي الجديده وكيف بتكون مع سند
ونفسيتي متأزمه
مع المغرب
اماني / هيا يا ريما وين الحلويات خلي نعبوهم اني والبنات غدوة مش رح تفضي بتمشي للحمام وفي الليل السهريه
تغريد / ااي هاتي نعبوهم مع بعض
اني / تمام هي تغريد تعالي معاي خلي نجيبوهم
تغريد / هي حاضر
ومشيت للمخزن اني وياها
اني / هاك شدي الصندوق هذا واني خلي نجيب كيسه الباكوات
تغريد / ااحم ريماا عادي نسألك
اني / استغربت نعم خيرك
تغريد / تفهميش غلط بس توا انتِ حق تحبي سند وراضيه ع الزواج هذا والا مغصوبه عليه
اني نصدمت في سؤالها الحق / ،علاش تسألي
تغريد / لالا عادي مجرد سؤال يعني
اني / اهاا لا مش مغصوبه ونصيبي وارتاحي
وطلعت وهي لحقتني وحطيتهم وقعدنا نعبو فيهم اني والبنات
اماني / اوووف قداش باكو ترا
مروة / 200
اماني / تمام العدد هكي ريما والا
اني / تمام صحيتي العقبه ليكم يارب
اماني/ تبي تزوجيني تاني والا كيف
اني / الا اماني طبعا لا هادا ماناقص والله😂
روان / امين يااارب بعدك انشالله
مروة / طح سعدك ع شنو مستعجله
روان / اسكتي باللهي هو في احلى من حضن قنين في الشتي
رؤى / والله حق كلام روان
مروة / ضربتها ع راسها الستر ياربي
قطعت علينا امال هي تعالو ياصبايا خلي نجهزو الصفر للرجالة برا ناضو تغريد وروان طبعا ومروة ورؤى واحني خلي نلمو الحوسه هادي ونديرو دورة ع الحوش
ريناد / الا حقاا ريمومه
اني / نعم عيونها
ريناد / سناء وين مرت انور
اني /ما ندري عليها اكيد في حوش اماليها توتي في روحها للعرس
وداد / بارده ما حبيتهاش
اماني / وووك شن نقول اني يلي24ساعه قدام خليقتي بابي في بابها
رؤى / مابعدك الحق
ريناد / تفكيتي منها والله
رؤى / الا حق خالاتك وين خيرهم ما يجوش
اني / اصلا هما راس خالتين وحده مسافره ووحده واخده في الشرق اكيد بتجي يوم الصاله بس وعندي راس خال توا يجو يوم السهريه علاقتي بخوالي مش قويه هلبا
وداد / هي نوضو كل وحده تشد حاجه وانتم طايحين في البنت
اني ضحكت لالا عادي خليهم
ونضنا وكل وحده قعدت اتضم في حاجه وكملنا وحطو العشي وتعشينا و نضمت حوسة العشي وتينا شاهي وقهوة وحلويات
عمتي فاطمه / هي شغلو الاغاني خلي نرقصو شويه
ريناد / هى قاعد عندك جهد يا عمتي
عمتي فاطمه / طيح سعدك شن تشبحي فيا عزوز
ريناد / ااي بنمشي نخطب لعمي رزوقه امالا شنو
عمتي فاطمه / قرصتها نوضي افتحي الاغاني نوضي
ريناد وهي تتحسس في القرصه / اووو حاارة الزفت
وداد / تستاهلي
رؤى / جوها يهبل عمتي فاطمه
اماني / ااي حسيتها قنينه
روان / وخيتي ربي يحفظها مامتي
اني / ضمي فمك باه
