في أمل ✨
حلقه 🔟
سند
ما نعرفش شن كنت نفكر في لحظتها كل يلي يجي في بالي كيف احمد يشوفها من غير حجاب ويشوف شعرها عصبتني الفكرة ومعاش نشوفي في شي قدامي ومديت ايدي عليها بدون ما نحس بس يلي صدمني لما انهارت وبدت تعيط وتحلف وكيف تتكلم وبين كل كلمه وكلمه تغلبها البكيه وقتها استاقضت ع نفسي وشنو قاعد اندير وطلعت من الدار وقعمزت في الصالة ونسمع فيها تبكي
وقعدت نفكر ليش نعامل فيها هكي بهالبرود ليش ما نحاولش نتقرب منها ونعيشو عادي ونكونو عيلة متفاهمه ليش ما نحاولش نفهمها ونغير اسلوبي معاها رغم انها طول هالشهر وانا ما شفتش منها شي غلط وكنت ديما يلي نتعمد اندير المشاكل معاها وانا وسط هالافكار بسرعه مع بعدتها وجت بدلها الافكار السودة
هه اكيد بس تثبت في نفسها وتبيني نوثق فيها فقط لا غير وجنس حواء كله كدااب كل همهم المظاهر وبس وكلهم في البدايات يعيشو في دور البراءة وبعدين تبان ع حقيقتها ٠👊 وخداني النوم وانا نفكر🤦♂️
صباحاا🌅
نضت الصبح لقيت روحي في مكاني نفسه🤦♀️وراسي صدااع بيتفجر سندت روحي ع الحيط ونضت شفت الساعه لقيته بكري قاعد خشيت للحمام حشاكم اتدوشت وتوضيت وطلعت لبست حوايجي وصليت وفتحت باب الدار بشوية لقيت سند راقد في الصالون بدون غطاء مشيت وجبت بطانيه وغطيته وخشيت شفت ايه واتجهت للمطبخ خديت حبتين بنادول حتى يخفف عليا الصداع و اتجهت للدار مرة تانيه و طلعت شفت فوني لقيت مكالمه من اماني امس في الليل اكيد بتقصقص😂شن صار في يومي تفكرت يلي صار امس
صدمتي في سند كانت قويه🥺يعني انا يلي كنت نظن انه خلاص ارتحت من انور وجيت ل سند يلي بيكون احن منه عليا وبيدافع عليا وبيصوني يجي حتى هو ويمد يده عليا من جديد ليش مكتوبلي الشقى طول عمري ما نعيشش مرتاحه والكل يستغل في ضعفي🥺وفي سكوتي يلي سلبلي كل حقوقي وتنهدت بقوه ااااه ياربي وخلاص💔 وحطيت راسي ع المخده وغلبني النوم مرة تانيه
نضت ع صوت سند وهو يتكلم في التلفون ومش عارفه كم ساعه فاتت اصلا وانا راقده قمت راسي والصداع قاعد ملازمني ونحس في روحي صقعااانه لقيته بحوايج الطلوع مشي في باله انه كيف بيمشي
انا صبااح الخير
شند تلفتلي ورد عليا بعد ما سكر من المكالمه قصدك مساء الخير يا انسه وين كل هالنوم لافطور لا غدي لا حتى حاجه
انا كيييف ليش الساعه كم توا ونطيت من السرير شفت التلفون لقيتها 4العشيه
اووف راحت عليا نومه اسفه والله بس نحس في روحي مستمرضه اليوم
سند ما ردش ع كلامي ودار روحه يطلع في حوايجه
انا مصحه غالط ويستكرد 🤦♀️سند ايه وين حققق انشالله فطرتها
سند نستنى فيك امالا رفعتها بكري ل امي وانا طالع للخدمه ومعاش نبيها تتعاود اللقطه هادي من جديد تسمعي فيا والا
انا انشالله وطلعت وخليته خشيت للحمام التاني غسلت وجهي اكتر من مرة بميه مصقعه وانا نحس في روحي صقعانه خدودي حمر شكلها حرارة مش وقتها المرضه🥺وطلعت وخشيت للمطبخ بندير الغدي وانا نتحرك بالسيف طلعت الحاجات من التلاجه وقلت اندير مكرونه اسهل شي بدت نقرض في الحاجات ونحط ودورة دورة اتجيني زي الدوخه حطيت الطنجر ع النار
وقعمزت ع الكرسي وسندت راسي ع يدي
ااخ ياربي شن هالوجع💔
سند من الدار ريمااا ريما وين التوته الكحله الزفت
انا مش قادرة حتى نرد عليه
جي سند ووقف قدام المطبخ لقاني متكيه ع الطاولة ومنزلة راسي
سند نكلم فيك خيرك ما ترديش
انا بصوتي واطي مريضه سند مش قادرة نوقف وقرب مني وقاملي راسي لقي خدودي حممر وعيومي ذابلات حط يده ع جبتهي وانا في هاديكا اللحظه نسيت المرض وكل شي❤ وقعد يشوف في حرارتي
سند اوووف وجهك ناار انتي كيف ساكته هكي من بكري
انا مش عاارفه نضت الصبح حسيت روحي تعبانه😞 نحسابه ارهاق بس ورقدت مرة تانيه
سند نووضي نرفعك نعاينك شوفي روحك مش قادرة حتى توقفي
انا لالا فيش داعي
سند قتلك نوضي انا هيا
انا امبااه وجيت بنوقف ما قدرتش شديت يده وهو شبحلي وشدني وسندني عليه
انا طفي ع الطنجرة خير ما ننسوها
سند به
وخداني للدار لبست عبايتي والشاربه وبدل هو وطلعنا طول جيهة المستشفى ونزلت ونزل معااي وقعدت نستنى في دوري وخشيت عاينت وقتلي حرارتي مرتفعه دارولي مخفض و عندي هبوط كذلك وركبولي التغذيه
سند ما بين ما كملت التغذيه انا ماشي ل دكتور صاحبي اهني شويه وجااي
انا هزيت راسي وهو طلع
ولا كأني مريضه ووقت صحابه هو بدل ما يقعمز جنبي
******
سند طق ع باب المكتب
مهاب قام عيونه لقاه سند اووو بو الرفيق شن الجو ووقف سلم عليه
سند شن الاخبار ووين
مهاب انت يلي وين من يوم تزوجت نسيتنا😉
سند ع اساس مش عارف يعني
مهاب انت مصعبها على روحك يا سند🤷♂️والموضوع في يدك تقدر تتأقلم وتنسى وتعيش حياة طبيعيه
سند انشاالله انشالله
وقعدو يهدرزو ممكن ربع ساعه
مهاب الا ما قتليش شن سر الزيارة اليوم
سند والله المدام مستبردة شوي جيت نعاين فيه قلت نطق فيك
مهااب انشالله لاباس عليها
سند لا يوريك باس هي توصي ع شي
مهاب سلامتك هي نتشابحو غدوة انشالله
سند انشالله وطلع لقاني مكمله خديت الوصفه وطلعت وانا شاده في يده وقريبه منه بجد شعوور يهبل وريحة عطره يلي دوختني وقربه وكل شي فيه قلبلي كياني❤🥺نحبه يا ناااس ونموووت فيه ونتمنى انه يحس بيا حتى شوي💔
قعد واقف بيا في نص البركيدجو ويلف يمين ويسار
انا سند خيرك
سند حك راسه من الخلف نسيت وين درست السيارة
انا ضحكت وسط تعبي هههههههههه
سند شبحلي ببرود تضحكي
انا لالا🤐وطبست راسي اما هو رسم ابتسامه بسيطة ع وجهه
انا مش حطيتها قدام الباب بكري
سند ضرب جبهته والله حق عليك دوووخه هي تعالي وجي بيفك يدي
انا🥺 سند وين ماشي نتحرك بالسيف انا ^وهو بصراحه عجبني قربه ومسكت اليد 😍الباقي التغذيه صحصحتني شويه قادرة نمشي عادي
سند قاعد وين بنمشي هي تحركي بسرعه
وركبنا للسيارةوانا فرحانه ب اهتمامه وقربه اليوم❤ وتحركنا وشوي ووقف قدام صيدليه ونزل بيجيب الدواء وشويه وجي ركب
سند هاك شدي ومكتوب ع كل دواء قداش مرة في اليوم
انا تمام
سند بنخطم بناخد عشي شن تبي تاخدي اليوم قعدنا من غير ماكله
انا اسفه والله خليتك هكي اليوم☹
سند ما ردش عليا شن تبي
انا ااا... عادي اي شي ع ذوقك
سند حتى انا الفاضي نسأل فيك اصلا ونزل للمطعم
انا وااك عليك اسلوب يا ربي الناس كلها اسلوبه يجنن معاهم الا انا الا انااا دون عباد ربي🤦♀️ في نص افكاري ورن فوني لقيتها اماني رديت عليها وبدت تسأل فيا ع كالعاده
اماني حي كان ما تطلعي حامل يا بقرة
انا تي حامل شنو حتى انتي واحني من يوم العرس معاش صار شي واصلا لو في شي راه طلع في المعاينه
اماني اااي صح😂
انا صدق ايمن يوم سماك غبيه
اماني كخكخكخ بااه تلاقو عليا انتي وياه
انا ااي كيف حال ايمن استااحشته هلبا وين جنبك
اماني كويس حمدالله لالا طالع ينسرف مع صحابه و حتى هو فاقدك في كل تقعميزت عشيه يقول ناقصه ريما ناقصه ريما
انا تي صقع عليك يا قلبي حتى انا ريماااا😎 هي طيري سند جي توا
اماني ايوا احني جو راجلي جيي😂
انا ااي ع اساس يعني
اماني تمام حبي نتلاقو وقوليله يجيبك الاسبوع الجاي خلي نشوفوك
انا حاضر انشالله بااااي
اماني بااي وسكرت
وركب سند كان جايب بيتزا وسكالوب وكيسه فيها شكلاطات وعصير
انا شكراا
سند عفواا
انا بنخطمو نجيبو ايه والا
سند ااي انشالله ما نبيش نعودها ب بالبيتان برا الحوش
انا امم تمام باه
ومشينا حوش عمتي ونزلنا لقيناهم ملتمين في الصالون عيلة ناجي وسارة وايه قالبين الدنيا هما وصغار نوال🤦♀️وعمتي تساير فيهم وعمي يهدرز هو وناجي جلسه عائليه حلوة ولحظات لا تعوض واوقات نحرمت في حوشنا لازم في كل قعده زي هادي تنتهي ب نكد ومشاكل ويكون كل حد فيهم مش طايق التاني💔
سند السلااام عليكم خير يا عليه
وردو عليه كلهم السلام بأصوات متباعده
وقربت انا نسلم عليهم
عمتي خيرك مصتصفرة اليوم
انا متمرضه شوي
سند كنت بيها توا في المستشفى اصلا
عمي انشالله لاباس عليك
نوال بالشفي انشالله❤
سارة انشالله لاباس وغمزتلي😉
انا لا يوريكم باس😊
عمتي بالك حاامل عاااد
انا&سند😳 وتلفتنا لبعض
وانا وجهي راح احمر الله يهديك يا عمتي حدفت الكلمه هكي قدامهم عمي دار روحه لاهي وناجي ع اساس ما سمع شي
سارة امي خيرك عاااد
عمتي وشن قلت انا
سارة شوفي البنت كيف وجهها احمر هكي قدام بوي
عمتي ياودي سألت انا بس
انا ااحم لالا عمتي مش حمل بس بردة بسيطه
عمتي اهااا انشالله لاباس عليك
انا سلمك
عمتي ردي بالك من روحك عادي الشتي ع الابواب
انا انشالله❤
سند وقف هي تصبحوا ع خير يا عيله هو هداكا احني هيا ايه بنروحو بابت
سارة وين كيف جيتو
سند لا والله خاطم بنروح ب ايه
عمتي تصبحو غ خير ليلتكم سعيدة
انا وليلتك انشالله هي ايه حبيبتي تعالي نلبسلك جاكيتك وجتني ايه وقربت مني لبستبها وقامتلي يديها تبيني نقيمها
سند تعالي بابا خلي عميمة مريضه
اية الا ابي عميمه انا سفتهاس اليوم
انا مش ثقيله عادي خليها
سند ما عدلش عليا وكلم ايه هي بابا شوفيها في الحوش وقام ايه وسلمنا عليهم وطلعنا وطول الطريق احني ساكتين ونستمعو ل ايه وهي تحكي شن صار معاها اليوم وسند يساير فيها ومرة مرة يضحك ع طريقة كلامها وانا نتفرج عليهم ونبتسم مع ضحكته❤ ووصلنا الحوش نزلت انا واية وهو نزل الاكياس وركبنا فوق وفتح الشقه وخشيت شور الدار طول بدلت وغسلت وجهي واطرافي ولقتيه هو وايه في الصالون
انا سند خش بدل ما بين ما بدلت انا ل ايه وحطيت العشي
سند تمام وناض للداؤ
وخديت انا ايه بدلتلها وجهزت العشي ع الطاولة وقعمزنا نستنو في سند شوي وجي وتعشينا ولميت الحوسه
سند ما تنسيش تاخدي دواك بعدين
انا حااضر
سند هي تصبحي
انا اا سند ارقد في الدار ليش ترقد برا ظهرك اكيد يوجع فيك من الصالون
سند لالا ميه ميه غير اشقي بروحك انتي بس
انا في داخلي الحق فيا خايفه عليك نستاهل/ لو تبي نفرش حتى تحت لو ما تبيش ترقد جنبي🥺او نرقد جنب ايه بس مش تطلع وتخلي دارك
سند قرب مني وبصوت واطي بطلي تلعبي دور البريئه الطيبه وخليك في حالك افضل وتخطاني وخش خدي بطانيته وطلع من الدار شبحلي من فوق لتحت وعطاني بظهره وتكلم
معطله انتي واقفه والا شنو خودي ايه ورقديها طفي ضي الصالون بنرقد
انا طفيت الضي بدون ما نتكلم وخديت ايه
واتكيت جنبها ع السرير ونمشي في يدي ع شعرها وفكري مش معااي ابداا مشي اتجاه تصرفات سند معاي وكيف متناقض بشكل يوم نحسه قريب ويوم نحسه بعيد يوم نحسه حنون ويوم لا ونفكر في معاملته ليا ول امتى بيستمر الوضع هذا🥺معاي توا قريب شهر ومعاه وانا هكي
سند
غمضت عيوني انا نفكر في تصرفاتها معاي وكيف ناضت وتتعامل معاي ولا كأنه صار شي امس وكيف كانت قريبه مني بكري وكيف تضحك بعفويه وكيف تبتسم رغم مرضها والحزن يلي مسيطر على عيونها
يعني معقولة هي تكون هكي شخصيتها مش تمثل عليا به كيف قدرت تفوت لقطه امس ومدت يدي عليها بالسهوله هادي والا مجرد تمثيل حتى فعلا تثبت نفسها🙄وليش به ما نسمعش كلام مهاب وفعلا نعطي فرصه لنفسي وليها حتى ع خاطر بنتي حتى تعيش وسط اسرة مترابطه بس نفس الوقت مش قادر نتقبل وجودها معاي ووجود مرا تانيه في حياتي💔
وقعدت نفكر نفكر حتى مشيت في سباااات عمييق😴
......
..يتبع
تحياتيjeje❤
رأيكم يهمني اكيد
