فـي أمـل ✨
الـبـارت الـسـابـع 7⃣
يوم السهريه (يوم الحنه)
مشيت للحمام الصبح وروحت للحوش لقيت اماني جايبه مزينه في الحوش استلمتني من تنظيف وقص شعري خليته على لونه الطبيعي والحنه في الليل طبعا🤷♀
مع العشيه
انور / امييي يا امييييي
طلعتله اني / نعممم خيرك
انور / درقي خليقتك شن طالعه هكي بلا وشاح
اني / مافيه حد الجنان ها خشيت ورا الباب ها خيرك شن تبي
انور / امي قالت تبي حاجات ما حاجات موصيين عليهم اعطيني الواصل خلي نجيبهم
اني / قعدت امبلمه فيه انت بتمشي تجيبلي حاجاتي مش ايمن بيمشي
انور / علاش مستغربه مش عرس اختي حتى اني وايمن مش فاضي🙄
اني / اه لا ااي صح صح دقيقه هي
وخشيت واني مصدومه من وين جي الحن يلي نزل فجأة ومشيت جبتله الواصل وقعدت مقعمزة في الجنان ما خاطريش في الدوشه يلي داخل وحطيت راسي بين يديا
فجأة حسيت بحد واقف على راسي
تغريد / خيرك اهني
اني / لالا شي بس دوشه هلبا داخل
تغريد / يسألو عليك داخل ويتسهوكو يحسابوك مدايرة موعد مع سند مساكين😂
اني / علاش مساكين
تغريد / ما يعرفوش انكم ما تبوش بعض
اني / ومن قالك انتي انه ما نبوش بعض
تغريد / كيف
اني / سلامتك وهذا شي بيني وبين سند معاش تفتي فيه
تغريدس مش قصدي شي
اني / ولا اني قصدي وخشيت وخليتها
عمتي /وين كانت عروستنا اااه
اني / كنت في الجنان نكلم في انور
ماما جت من وراي / وصلت الخيمه والا مازال
اني / علاش خيمه مش هلبا المعازيم
ماما / معازيمنا احني وعمتك مش العرس مشترك يا همي الاحرف
اني / اااي حق
ماما / غبيه من يومك ومشت
عمتي / خيرها فاصله🤦♀
اني في داخلي هييي كان تعرفي بس/اكيد واحد من خوتي مرقيهالها
عمتي / ممكن هي تعالي خلي نلبسلك الردي الانه شوي وبيبدو يجو الناس معاش وقت ع المغرب خلي نحزمك من توا
اني / مازال بكري والا
عمتي / لالا هو هداكا مفروض من بكري هو
اني /هي
ومشيت معاها للدار يلي حاطه فيها الردي وحاجات الحنه
جو عماتي ال2 وماما يلبسو فيا واماني تصور باللقطه ويغنو
لبس البودري محلاه كله بنيه تتمنااه🌸💗
لبس البودري محلاه على غاليتي يا محلاه💗🌸
لبست البودري وتهنت هذا وين عروس تسمت🌸💗
اللي محرمته كيف رداه نعاهد نفسي ما ننساه💗🌸
لبست بودري يا حنه هذا وين تسمت كنه🌸💗
كملولي اللبس ولبست سواراتي وساويت روحي❤
وجابت عميمه المبخرة وعطتها لماما تبخر فيا كانت تشوفلي وعيونه مدمعه بس تكااابر 🥺بس يالله المهم حسيت انها حاسه بطلعتي من الحوش
عمتي / الله يبارك عليك ربي يهنيك انشالله
اني / سلمك عميمه
طلعو عماتي وقعدت اني واماني
اماني / محلاك طالعه
اني / عيونك الحلوة
اماني / خيرك نحس فيك مش فرحانه
اني / هههه لا عادي
اماني / ترا عيني ف عينيك
اني / اماني باللهي عليك ما تفكرينيش انتي عارفه انه من يوم المستشفى معاش شفته ولا اتصل ولا قام عليا تليفون قصدي لو ما يبينيش علاش بياخدني
اماني/ وسعي بالك وما تنكديش ع روحك وعيشي لحظتك وكان ع الحب انتي بعد الزواج تقدري تخليه يحبك ويتعلق فيك ومعاش تفكري في شي خليه على ربي
اني تنهدت / انشالله الا بنقولك تصدقي وحكيتلها ع موقف تغريد
اماني / مصح وجها ما حبيتهاش الفرخه هده توا عندك مروة و روان وريناد قنينات الا هي تحسيها من تحت لتحت
اني / مش عارف بس تغريد كويسه
اماني / وربي الا انتي يلي نيه اطلعي قدامي لا يقولو ابصر شن تقرم هي ومرت خوها
اني / ههههههه واحلى مرت خو هاتي بوسه
