#في_أمل
حلقه18
الولد بإسم فلان ال....
ايمن نصدم متأكد
الولد ااي متأكد
ايمن منور بو حميد صحيت
الولد ولو تفضل في اي وقت هي توصي ع شي
ايمن سلامتك وسكر
بنت الذين هادي دااارتها فرخة ال. . يعن... وبدي يخبط ع الدومان وربي لما انوريها
وخطم ع قهوة خدي قهوته وكمل طريقه لخدمته
************
عندي انا
نضت الصبح ع صوت ارين تعيط
تلفتت لقيت البنات راقدات نضت درتلها حليبها وشربتها ورجعت اتكيت مديت يدي وخديت فوني لقيتها الساعه11لقيت مسج من سند
عندما أحببتكِ أيقنت بأن السماء أمطرت فرحا والأرض أزهرت بالأمان عندما أحببتكِ كان الأمر حاسما بأنك أنتِ الأولى والأخيرا بصدري وقلبي دُمتِ لروحي عمرا ودُمتِ لحياتي هواءً ونفساً❤
ابتسمت وانت نقرا فيها وخشيت شفت مدة المكالمه قريب ساعه يعني قعد معاي لين رقدت❤اااه محلاه ياربي احفظهولي وما ترحمنيش منه وكنت فرحانه داخلياا وكلني طاقه ايجابيه
ونضت خشيت للحمام حشاكم وغسلت وجهي وتوضيت وطلعت لبست وصليت وطلعت فتحت روشن الصاله وكنستها وخشيت نوتي في سفرة الفطور ونوضت اماني وقعمزنا
اماني صبيلي نسكافي ريمو
انا الا تي كيف يا اماني بتقعدي عايشه غير ع المنبهات ركزت عليك حتى العشي امس ما كليتش تبي تقتلي روحك
اماني ريما باللهي عليك ما تزيدنيش
انا شكله جايك مرض النفاس والا شني شوفي وجهك كيف اصفر وحالتك حالة انتي توا في مرحلة لازم تتغذى كويس
اماني 🥺انشالله
انا ااه ربي يهديك وخلاص
اماني اممم به خلاص ااي شن رايك بعدين نكلمو امال اتجي ونشربو قهوة العشيه مع بعض
انا تمام وتوا ندير انا كيكه
اماني تم ولو ناقصة حاجه قولي ل ايمن يجيبلك
انا اوكي تمام
وكملنا فطور وقمنا الاماعين مع بعض وضمينا المطبخ وضميت الحوش والغدي قتلي ماما توا اندير الغدي خشيت للمطبخ وخليت اماني بتدوش🤷♀️
طلعت نشوف في المقادير لقيت ناقصين كم حاجه خدين تلفوني وشرينت ع ايمن
ايمن الوو هاا شن تبي
انا الناس تقول مساء الخير
ايمن مساء النور مش فاضي اختصري
انا ديما وانت مطلوقة فيك الناار المهم اماني والا
ايمن بنطه خيرها اماااني شن فيها
انا بالرااحه😂مافيها شي خاطرها في كيكتي ومالقيتش مقادير نبيك اتجيبهم
ايمن تنفس براحه بااهي ابعتيهم في مسج معاش تخلعيني مرة تانيه هي طيري
انا حااضر بااي وسكرت و بعتتله المسج وطلعت للدار شفت اية واريام يلعبو
انا حبيباتي برو لعمتي امال قولولها تعالي اشربي القهوة العشيه وشوفو حتى حنينه باهي
ايه حااضر هي وناضو مشو ل امال
**********
امال هي مني وفتحت
اية عميمة قتلك ماما تعالي عشيه خودي قهوة معانا
امال حااضر انشالله
اريام ايوبه عميمة وين
امال ههههههه ايوبه داخل خشي تلعبي معاهم
اية لالا قلتش لماما توا بعدين نلعبو
امال خشو عادي
ايه لالا نقول ماما قبل باااي عميمة
امال باااي وسكرت الباب
اسلام وهو طالع من الحمام وينشف في شعره مني جي
امال هادي اريام واية قالولي تعالي العشيه
اسلام اهااا
اماال مقنينها بنت سند وتحسها منسجمه مع ريما
اسلام ااي حتى ريما طبعها هادي وتحب الصغار
امال ااي ربي يسعدها
اسلام واحني امتى دورنى😉
امال تستغبى في شنو
اسلام قرب عليها شن في شنوو
امال ووخر اسلام توا يطلعو ايوب والا ادم
اسلام ويطلعو يعني
امال اسلاااام عادي
اسلام تي بع به بعدين توا نتفاهمو😉 وباسها 💋❤
امال ههههههه توا نتفاهمو عااادي نمشي نحط الغدي انا تماام
اسلام تمام نلبس وانجي انا والصغار🖤
*********************
ايمن وهو خااش بالكيااس ريمااا ياااريمااااااا🗣
انا ها خيرك تعيط
ايمن تي هاك الكياس شوفيهم كاملات
انا ترا نشوف ا okوخيتي سلم وخيي ياربي
ايمن ااي لسني وغمزلي اماني وين
انا ههههه هي الغمزة اماني ليها ساعه اتدوش تعرفها انت كان خشت للحمام تموت غادي
ايمن ههههههه ياباردة خلي نخش نشوف ارين انا امالا
انا تمام وخش ايمن للدار وانا قعدت في المطبخ اندير في الكيكة
