في أمل✨
حلقه12
بعد مرور عدة اشهر❤
انا الو اماني ها وينك
اماني قريب نوصل هي
انا اهااا باه وقولي ل ايمن ينزل معاك يشرب قهوة حتى هو
اماني انشالله وسكرت مني
ايمن خيرها تتصل من بكري
اماني منكده اصلا وجوها مش حلو🥺شادة فيا من امس تبيني انجي اكيد هرمونات حمل حتى هي
ايمن اهاا انتم التنين من قبل غالي عليكم النكد عااد
اماني ننننن مش حنرد عليك
ايمن قرص خشمها تعايبي فيا يا حمارة
اماني ااااي
اريام ماما نمسو حوس ايو والا
اماني صحبة انتي واية عاااد
ايمن حسيتهم ضربوها قرووب هي وياها
اماني اهاا نسجمو مع بعض
ايمن وهي وصلنا توا انزلو هي
اماني مش نازل انت
ايمن توا ننزل معاك شوية وبنطلع ونزلو وركبو فوق
************
عندي انا
سند وهو ع الباب تبي حاجه طالع انا
انا لالا غير يلي قتلك عليه تعطلش بيه بليز🥺 اماني جايه
سند انشالله مع السلامه وهو كيف فتح الباب لقي ايمن واماني كيف واصلين
سند اووو ايمن خير كيف الحال
ايمن تمام حمدالله كيف حالك انت
سند الحمدالله
اماني كيف حالك سند
سند في نعمة حمدالله هي تفضلوا وقرب قام اريام اووو الحلوة زايرتني اليوم ايه تستنى فيك من بكري امشيلها اجري وخشت اريام تجري داخل
وسلمت ع اماني وخش ايمن سلم عليا من الباب وجي طالع
سند وين ماشي خش ناخدو قهوة
ايمن لا والله صحه الولاد يستنوا فيا
انا اقعد خيرك🥺
ايمن اصلا ناازل كله كله بنسلم عليك قلت كان ما نزلتش تزعل وهي ع سبله😂
انا سلمه ياربي❤
ايمن هي السلام عليكم
سند هي حتى انا طالع وطلعوا مع بعض
اماني اوووف اووف تعرفي مشوار الدروج دهشني
انا ايي انتي توا في اما شهر
اماني ممكن في ال6
انا ااها يعني بيناتنا تلاته شهور بس ياعيني 💃
اماني اااي شن جوك انتي وشن جو سند معاك وشن الحمل وخيره جوك مش حلو
انا تنهدت الحمدالله وخلاص يوم كويس ويوم لا ومعاش قرب مني من ليلتها ولا انا اصلا حاولت الانه بجد استحقرني وحسسني جاريه عنده ولما قتله ع الحمل حسيته ردة فعله مصدوم او ممكن ما يبيش مني صغار🥺💔ندمت يا اماني يوم يلي وافقت عليه وقلت ممكن يتغير
اماني خلي عندك أمل في الله وانتي نيتك بيضه يا قلبي وتوا ربي يعطيك ع قيس نيتك❤
انا انشالله ياربي ونضت للمطبخ واما وراي و درنا سفرة قهوة وشاهي وحطيت حلويات وكيكة ورفعت كاكاو للبنات في الدار وقعمزت انا واماني نهدرزو في الصاله
انا اااي شن شن اخبر اخباركم احكيلي
اماني لا جديد عادي ناقر وانقير انا وسناء وامال كالعاده على حالها وننزلو العشيه نشربو هاديكا القهوةمع بعض وبعدين كل وحد تشد حوشها وخلاص واللهي كان مش ايمن معاي مش عارف شن صار فيا
انا ربي يحفظكم لبعض ايمن حنون من يومه
امانيح ااه محلاه وخلاص🤤🤤قوزي
انا ههههههه مهبوله
اماني والله تعرفي نحبه يا ريومه هو يلي عوضني ع كل شي في هالدنيا هو كان السند والاخ والصديق والحبيب ليا من ايام صحبتنا انا وياك وايام كنتم جيران حوش جدي كيف كان يجي كل صبح ويشوف فينا انا وحناي بالك ناقصتنا حاجه ويسأل حبيته لحنيته وطبعه الحلو وحبه ❤حتى عصبيته نحبها🙊
انا ااااه يا عوينكم ببعض🥺 قداااش ما نتمنى حتى انا سند يكون هكي قدااااش ما خاطري يعاملني كزوجه ويكون كويس معااااي ونزلو دموعي😭
اماني ريماا خلاص يعطيني بشكة ياريتني ما تكلمت
وانا نبكي مش منك نبكي يا اماني ولا من كلامك بس نبي حد يحس بيااا حد بس طول عمري عايشه غير بيش نرضيهم طول عمري عشت وانا نضحي يا اماني تعبت من وين بنلقاها من ماما يلي محملتني مووت بابا شن دخلي انا كنت سبب الحادث والا انا يلي قتلته علاش ماتبيش تقتنع انه قضاء وقدر من يوم يلي مات وانا كرهت الدنيا وهي بدت قاسيه معاااي عمرها ما جت طبطبت عليا والا قتلي يا بنتي خيرك بالك تبي حاجه والا من انور يلي كل خشه وطلعه بطريحه كسرلي عضامي تكسير💔والا من حبيبي يا اماااني والا من سند يلي حبيته حب طفولة حب مراهقه حب سنين وحتى وقت تجوز شفتي شن صار فيا ووقت ماتت مرته وجعني هو وجعني شن حس بموتتها الانه يحبها ووقت جي وتزوجني كنت متوقعه انه يعاملني كويس ما نقولكش انه يحبني الانه عارفه ومتأكدة انه مستحيل ينساها ويحبني بس اقل شي يعاملني كووويس يضحك في وجهي يبصر معااي حتى اصدقاااء راااضيه وربي رااضيه نحبه يا اماني نحبه وابسط شي منه يفرحني وهو مش حاس بهالحب وقاعد يجرح فيا يوم عن يوم ويعذب فيا داخليااا ويعذب في قلبي بتصرفاته
