Concealed Love

CHAPTER 2

KANINA pa hindi makatulog si Jason at kanina pa siya nabibingi. Hindi dahil sa katahimikan kundi dahil sa stereo sa kabilang kwarto na pinapatugtog ni Sheila.

Nang hindi na makatiis ay bumangon na ang binata at lumabas ng kwarto. Kinatok nya ang pintuan ng kwarto ng dalaga. Pero walang nangyari, bakit ba hindi nya naisip iyon? Wala naman talagang kwenta ang mga katok nya dahil masyadong malakas ang stereo para marinig sya ni Sheila.

Napakamot ito sa ulo, dahil sa realisasyong iyon.

Bumaba ito at kinuha ang susi sa kung saanman ito naroroon at umakyat.

Sinusian nya ang pinto at binuksan ito. Dire-diretsong pumasok sa loob si Jason at agad na binunot ang plug ng stereo.

"Ano ba?!" bulyaw rito ng dalaga na agad na napabangon ng makitang pumasok ang binata sa kwarto nya ng walang pakundangan.

"Linya ko yan!"

"Anong linya ka dyan? Aking linya yon." ani Sheila na ang tinutukoy ay ang isinigaw nya rito kanina nang makita ito.

Hindi pinansin ni Jason ang sinabi ni Sheila.

"Hindi ka ba nabibingi? Kung ayaw mong matulog, wag mo kong idamay!" anito saka lumabas ng kwarto ng dalaga.

Napahalakhak naman si Sheila, nang umalis si Jason. Matapos alisin ang nasa tainga ay ibinato nya ito sa lamesa malapit sa kama nya.

"Ba't naman ako mabibingi? Eh, may earplugs ako?" muli itong tumawa.

KINATOK ng binata ang pinto ng kwarto ng dalaga.

Nang pihitin nya ang doorknob ay nabuksan nya ang pinto.

"Hindi pala naglalock ng pinto ang babaeng 'to."

Nakita n’yang natutulog pa ito kaya hinila nya ang kumot nito at sinigawan.

"Hoy! Gumising ka na. Mag-aalmusal na daw."

Napamulat ang dalaga dahil sa ginawa nito.

"Kaaga-aga ang ingay-ingay ng bunganga mo." saad nito sa binata saka bumangon at pumunta ng Cr para maghilamos.

Bumaba naman si Jason para mag-agahan.

HABANG nag-aalmusal ay di maiwasang tumingin ng masama ni Sheila kay Jason, Hindi naman ito pinapansin ng huli. At nang matapos ay tumayo sya at sadyang binunggo ang umiinom na binata. Dahilan upang matapon ang iniinom nito sa damit.

"Oops.." ani Sheila na kunwang napahawak sa bibig.

Nakita nya pa ang panlilisik ng mga mata ni jason bago nya ito talikuran at dire-diretsong umakyat ng hagdan.

DI NAGTAGAL ay naisipan ni Sheila na bumaba ng hagdan. Pumunta sya ng sala at kusina, nakita nyang wala ni isang tao ang nanduon. 

Pumunta sya sa malawak na hardin ng mansyon.

Nakita nya si Jason, habang pinapaliguan ang alaga nitong aso.

Nilapitan nya ang mga ito.

"Anong breed nyan?" nalimutan ata nang dalagang kaaway nya ang tinatanong.

Napalingon ang binata sakanya saka muling itinuon ang atensyon sa aso.

"Beagle."

Akto sanang hahawakan ni Sheila ang aso, Nang bigla itong nagwiwisik ng tubig galing sa mabuhok nitong katawan. Parehong natalsikan sina Jason at Sheila.