الحب واحد بس كل انسان. عنده طريقه مختلفه للتعبير عن هذا الحب بس اكثر الطرائق المعروفه هاي الطرق الخمسه، النوع الاولى، اكو شخص يعبر عن حبه من خلال الماده الفلوس يگعد يوميه يجيب ورد 🌹وكيك ومفاجئات وسهرات يخليك تحس ان من خلال هاي الاشياء جاي يعبر عن حبه الك لكن لو فد يوم صار مع هذا الشخص ظرف مادي خلصت او قلت فلوسه ماكدر مثل قبل كل يوم هدايا وطلعات ورد ودبابه قلت او تلاشت كل هاي الاشياء راح يخليك تحس انو مقصر بحبه الك كانو ما صار يحبك مثل قبل لان هو خلاك تحس انو الماده هو الشي الوحيد الي تعبر بي عن حبك! لو هذي الاشياء ما موجوده تحس ايضا حب هذا الشخص ما موجود . النوع الثاني، شخص يعبر عن حبه الك بلقوه بحيث لو يشوف شخص يباوعلك مستعد يسوي مشكله ويضرب وينضرب حتى محد يباوعلك ولو فد يوم شافج مطوخه المكياج 💄شويه وطالعه راح يضربج وبعدين يجي يصالحج يكلج اني سويت هيج لان اغار عليج. النوع الثالث، شخص يعبر عن حبه بلخوف ميخليك تطلع تطلع يخاف عليك من الناس ميخليك تمسك موبايل 📱 يخاف تشوف شخص غيره ميخليك تلبس براحتك يخاف على جسمك وطولك من عيون الناس لدرجه تحسه خانگك بس بحب بحيث هذا الشخص لو بيده يخليك بصندوق ويقفل عليك. النوع الرابع، اكو شخص يعبر عن حبه من خلال ان ما يخليك ناقص او تحتاج شي يوفرلك احلى لبس واحلى اكل واحسن معيشه يفضلك على نفسه واي شي تطلبه وتتمناه يكون موجود يعبر عن حبه بحيث ما يخليك ناقص شي. النوع الخامس والاخير، شخص بكل بساطه يعبر عن حبه بالكلمات بحيث تنام يكلك احبك وتكعد يكلك احبك وكل ما يشوف وجهك يكلك احبك وافضل طريقه للتعبير عن الحب متحتاج فلوس ورد وسهرات وهدايا مجرد كلمات بسيطه وبالتحديد كلمه احبك ❤️ منو عنده طريقه مختلفه للتعبير عن الحب خلي يشاركه ويانه 😊 فاطمه علي ❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
