რამოდენიმე დღეში ალექსმა მითხრა, რომ მისთვის ანის დაურეკავს. თავიდან, არ ვუპასუხე მაგრამ არ გაჩერდა და მომიწიაო. თურმე, ალექსი დაბადების დღეზე დაპატიჟა. მან კი, უთხრა " არ ვიცი რამდენად მოვალ, მაგრამ თუ მოვალ მარტო არ ვიქნები, ევაც წამოვა." - ო.
რაზეც, ანიმ ასე უპასუხა: " ხო რა თქმა უნდა, ისიც წამოიყვანე. მასაც დავურეკავდი, მაგრამ ნომერი არ ჩამაწერინა. "
ხო, ხო აბა, რა. ზუსტად ჩემი დაპატიჟება იყო მისი მიზანი. თითქოს ვერ ვხვდებოდე, ალექსით რომ მოიხიბლა, ახლა კი მის წართმევას ცდილობს. მაგრამ, ვერ მივართვი.
- აბა, რას იტყვი წავიდეთ თუ არა? - მკითხა ალექსმა ვიდეო ზარით, მას შემდეგ რაც ანისთან საუბარი დაასრულა.
- წავიდეთ. - ვუპასუხე თავდაჯერებულად.
კამერიდან ეჭვით შემათვალიერა.
- დარწმუნებული ხარ? - მკითხა წარბ აზიდულმა.
- სრულიად. - ვუპასუხე ღიმილით და თანხმობის ნიშნად თავი დავუქნიე.
- ევა, ხომ იცი, რომ ამას არავინ გაიძულებს. არც ვართ ვალდებული მის წვეულებაზე წავიდეთ.
- მე არ ვარ ის ადამიანი, რამე ძალით ან სურვილის გარეშე გავაკეთო. - თვალი ჩავუკარი.
წარბები აზიდა და ტუჩი გადმოაბრუნა.
- ვაუ.. მოხიბლული ვარ!
- სხვანაირად ვერც იქნები. შენ ხომ, თავად ევა სანიძეს ესაუბრები. - მზაკვრულად გავუღიმე.
ჩაეცინა. მეც ჩამეცინა. ორივე უაზროდ ვიცინოდით ერთმანეთზე.
- წვეულება ხვალ საღამოს 6ზე იწყება. გამოგივლი და წავიდეთ... და ხო მართლა, საჩუქარი ერთად ავარჩიოთ თუ მე ავურჩიო ცალკე?
სიტყვა " ცალკე" , რომ თქვა თვალები ლამის გადმომიცვივდა. ეგღა მაკლდა, ახლა ანის ტრაბახი მომესმინა თუ რა კარგი და რა ლამაზი საჩუქარი აურჩია ალექსმა მას.
- ერთად. ხვალ 5 ისკენ გამომიარე და წავიდეთ. - ვუპასუხე.
- კარგი.. და რა ვუყიდოთ?
- რამე ჩვეულებრივი.
- ჩვეულებრივი? - წარბები ოდნავ აზიდა.
- ჰო რა იყო? ჩვეულებრივს ჩვეულებრივი საჩუქრები უნდა აჩუქო ხოლმე... თუ გგონია, რომ ის არაჩვეულებრივია? - ცალი წარბი ავზიდე.
- არა, არა. ის ძალიან ჩვეულებრივია. სუპერ ჩვეულებრივი! - პატარა ბავშვი, რომ იფიცება შოკოლადი მე არ მომიპარავსო, ისე გამოიყურებოდა.
კვლავ ორივეს ჩაგვეცინა. შემდეგ კი, ერთმანეთს დავემშვიდობეთ.
ESTÁS LEYENDO
ბედი თუ ბედისწერა?
Historia Cortaკითხვაზე არსებობს თუ არა ბედი ან ბედისწერა, ყველა სხვადასხვანაირად გიპასუხებთ. ზოგი თვლის, რომ საკუთარ ბედს თავად ვქმნით. ზოგიც, რომ რაც გვიწერია, ის არ აგვცდება. ადამიანების ერთ ნაწილს დამთხვევების სჯერა, მეორე ნაწილს კი იმის, რომ უმიზეზოდ არაფერ...