نهار جديد ثلاثاء ليليا متقراش عندها كور واحد متحبش تشقا علاجالو صبحت راقدة ناضت 9 خملت سيقة مع فتيحة وراحت جابت ورقة وستيلو كتبت كامل واش تسحق دوزان تاع قاطو وعيطت لروان ليليا: روان لحلوفة تخرجي معيا نشري روان : نروح وين تبغي لمهم نخرج مدار بلاك كشما نصيد ولا نشلل عينيا ليليا : هذا واش تعرفي 😒 غوالي لبسي وهبطي راني خارجة روان : الخرا هاو هذا وين تقولي لي ليليا : ضرك نبدل رايي ونروح وحدي روان : صايي صايي دقيقة نكون عندك كملو لبسو وخرجت ليليا وقعدت تسنا في روان عند لبلوك بسكو يسكنو في نفس الحي لكن كل وحدة وبلوكها خرجت ليليا هكذا 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
راحت لابوست باش تخرج لابورس ومبعد يروحو يشرو واش خصهم نروحو عند ادم ناض 11 دوش شرب لقهوة ومو عند راسو مليكة : انت وينتا ناوي تستعقل ونشوفك كيما كمال تخدم مع بوك وخوك وتزوج وتجي لدار كيما ناس راني نشوفك مصباح لصباح ياوليدي ادم : يما خلينا من هذي لهدرة صباح ربي تعيش لعجوز لوكان تعطينا شويا مصروف خيرمن هذي الهدرة والله مليكة : صار هكذاااا ملا نقلك والله ماتدي الف راك من عندي كي ولات هدرتي متعجبكش راح ادم باسلها رأسها وقلها معليش لعجوز وجهك خير وراح خرج ادم ركب فطومبيل ديركسيون لابوست باش يخرج دراهم بسك كملولو ويماه وحبتش تمدلو وصل لابوصت لقى لغاشي لتم ودالة لحقة عند ليليا لي قعدت عااام وهي تستنا ليليا : واخيرا جات دالتي حتى يجي ادم هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وجاب معاه لمرة لي تخدم ثم باش تفوتو هو الأول امرأة لي تخدم ثم : مدموزال معليش تبعدي تخلي مسيو يخرج دراهمو رآه مغسوب ليليا: خزرت فيهم فزوج مل فوق لتحت قاع رانا اون غجونس وزيد مصباح راني نستنا دك نخرج ويخرج هو ادم : متفهميش نتي واقيل ليليا : ايه وطبعت لكاررت تاعها وخلاتهم يهدرو وحدهم كتبت لكود *** وخرجت دراهمها وخلاتهم يغلو وراحت روان : مي نتي حمارة والله هذاك زل قاااع درتيلو هكذاك علبالك انا كي شفتو لساني نشل مقدرتش نهدر والله ماقدرت نتي تاع صححح مشي بنادم 😒😒 نبقا معاك نبور ليليا : هذاك بنادم ايه داير كلخرا كي هو كي هي جايين يتنفخو عليا ادم ملقاش دراهم فل كونت تقلق بزاف خرج وراح لشركة عند باباه وصل طلع لباباه دخل البيرو ادم : صباح الخير بابا نبيل : قصدك مساء الخير ادم : كيف كيف نبيل : ايه عندك لحق ليل ونهار كيف كيف عندك ياك انا علبالي علاش جيت على جال دراهم ولكونت تاعك رآه فارغ ومراحش نمدلك حتى تسقم روحك ادم : كيفاش هاذي نبقا هكذا نبيل : دبر راسك بغيت دراهم اخدم على روحك كيما خوك ادم : نهار كامل وانتوما خوك هوك وين نروح خوك وخرج وخلاه نبيل رآه عارف بلي ادم ضرك يرجع لكمال ويماه باش يجيب من عندهم دراهم وصاهم كامل باش ميمدولوش ولي يمدلو ميرحموش راح ادم كما هو متوقع عند كمال على جال دراهم ومكاش لي حب يمدلو لا كمال لا يماه وبما انو معندوش دراهم رجع لدار بكري بسك مكاش وين يسهر بلا دراهم ومعندوش حق لمازوت ليليا : بعد مكملت لقضيات هي وروان دخلو لدار يتمايلو بصشيات حطوهم وقعدو ريحو ومبعد ليليا خملت لقضيان وراحت تتفرج هي وروان مسلسل انت في كل مكان مسلسل تركي تتفرجو فليوتيوب ( مسلسل رااائع جداا ننصحكم تبعوه مهوش طويل) كملو لمسلسل رجعت روان لدارهم كمل نهار ولحق ليل ليليا حكمت رواية كتاب قعدت تقرا فيه رواية " احببتك اكثر مما ينبغي" كملت تكسلت وقعدت تتفكر واش صرا معها ورقدت
