كرامتي فوق كل شيء⁦❤️⁩⁦❤️⁩

الحلقة 15

ليليا: ماما قولي لبابا هذا لويكاند نروح عند ماني نريح شويا ونرجع
فتيحة : أن شاء الله ومترجعيش ميبسة راسك يرحم باباك
ليليا : أن شاء الله
لحق ويكاند راحت ليليا لدار جدتها لي ترتاح عندها ثم تنسى كلش وصلت ليليا شافتها جدتها مشي مليحة عرفة لي بيها حاجة رغم لي هيا حاولت تخبي لحزن تاعها مي مقدرتش كرطقت بل بكا في حجر جداتها وحكتلها ليها ولنسمة واش صرا
نسمة : كيفاش كيفاش هبل باباك واقيل كيفاش هذي يزوجوك مزالك صغيرة واشبيهم هاذوو 😡
صبيرة جدتها: نسمة بلعي فمك
ليليا: بابا رآه مريض معندي حتى حل كامل الاحلام لي كنت بانيتهم راحو كامل الخطط لي درتهم راحو 😭😭
صبيرة : ليليا بنتي في هذي دنيا كل واحد يدي واش كتبلو ربي تعيااي تخطي وتطلعي وتهبطي وذا مكانش ربي كاتباك هذيك لحاجة متديهاش فهمتي نتي راكي حاطة هذا شيء مشي مليح وتعرفي باي لعلى في شر خير
متعرفيش ربي واش رآه مخبيلك حتى وإذا هاذي حاجة مشي مليحة وصراو صوالح مشي ملاح ممبعد ربي عندو حكمة من هذا شيء ربي كي يمدلنا حاجة ميغلطش وتكون لصالحنا ولا راني غالطة؟؟
ليليا: لالا مسحت دموعها وباست جدتها وراحت رقدت ريحت كي سمعت هدرت جدتها هي لي تريحها كي تكون في مشكلة دايمن ودارت في بلها بلي أي حاجة راح تصرا تصبر ومتضعفش وتكمل طريقها كيما كان الحال فات لويكاند رجعت ليليا لدارهم ومفاجأة جديدة بقات سمانة ويجو يخطبوها
فاتت سمانة وهما يوجدو للخطبة لي لوالدين فرحانين ولولاد حزنانين  ليليا وروان وسعيدة خرجو يشرو حوايج للخطبة وصلتهم نسمة عند بوتيك تاع صحبتها مي مقعدتش معاهم الأنها مهيش قابلة هي ضد هذا العرس هي ضد انو طفلة تزوج صغيرة وزيد بسيف لمهم شراو حوايج واكسسوارات وميك اب دوزان تاع القاطو ... ورجعتهم نسمة لدار بعد ماكملو راحو لديارهم ليليا وصلت لقات خالتها وولاد عندهم يعونو في يمها يديرو معها فل الميناج فاتت سمانة ميناج وقاطو وقضيات وروان وسعيدة كل يوم يروحو ليليا يشوفو كشما خصها سورتو روان بحكم هي لي تسكن قريب ليهم وصل نهار الخطبة
مليكة  : يااصارة بعثيلي حوايج ليديا  وعيطي لكمال يجيب واش قتلو
نبيل : راني رايح نجيب يما باش تروح معنا
مليكة : متبطاش
نبيل: متخافيش متتقلقيش ياك مشي اول مرة تخطبي
عند ليليا
سعيدة: روان روحي لداركم جيبي لفار تاع سخون تاع ليليا معجبنيش
روان : اوكي
ليليا: متشقايش روان ندير بتاعي
سعيدة: تاعك راهي لاسقة فيك بلعي فمك
ليليا 😒😒
فتيحة : بنات غاولو علبالكم بلي يجو على 2
سعيدة: طاطا كشما نعاونك
فتيحة : لالا كملت كلش انا ونسمة كملو ورواحو تفطرو
ليليا: منكلش منيش قادرة
فتيحة : ربع ساعة نصيبكم قاع فل كوزينة
سعيدة: ليليا ماماك صح دولة 😂😂😂
ليليا: مغلطتش كي سميتها هكذاك
روان : جيييت
راحو فطرو مشطو شعورهم لبسو وجدو كلش كانت 1:20 قعدو يتصورو حتى سمعو عمار يهدر فتليفون وصلتو هما غير سمعو كلمت وصلتو قلعت روان وسعيدة لتاقة يقرعجو
روان : يااا جاو عرش واقيل عرس
سعيدة: جاو دفاعة 😂😂😂 3 طموبيلات واقيل ليوم يدوك 😂😂
ليليا خايفة غير سمعو دقديق ولاو يطلو مثقبة تاع المفتاح
روان : سعيدة بعدي ولا نقول الادريس يارب راكي براجلك خليلنا لينا شويا
سعيدة : انتي كل يوم مكراشية على واحد احكمي واحد وهنينا
ليليا: اسمتو ضرك يسمعوكم وديجا خرجو قعدو معاهم
سعيدة: ايا باي انا نروح باش نتعلم ندي لخبرة باش كي يجي ادريس نكون دايرة ستاج مقبل 😂😂
ليليا روان : 😒😒😒
روان: ليليا إياي نروحو للكوزينة