كرامتي فوق كل شيء⁦❤️⁩⁦❤️⁩

الحلقة 7

دارت ليليا لبقلاوة وسيقت مع فتيحة وراحت  تقرأ في رواية (ابنة الشيطان) لمعاذ جهاد فتليفون مطلوب مطلعتها  pdf
فتيحة : نهار وطول ونتي حاطة راسك في هذاك تليفون
ليليا: ماما هذا وين مسيتو كي نكون نسيق ونغسل .... متشوفينيش تشوفيني غير كي نمس تليفون
فتيحة : بلعي بلعي كلهم
ليليا: راني رايحة عند ماني سمانة لجاية منقراوش  وتريحي مل هم 😌⁦✌️⁩⁦✌️⁩
فتيحة : مانك خصها هم وقيل باش تروحي ليها
ليليا: ايه هي عيطتلي وقاتلي ارواحي توحشتك 😛
فتيحة : 😒😒
جاز نهار عادي وادم كاره حياتو فل خدم ولاة سكرتارية تاعو داخلة وخارجة ليه بلعاني بسكو عجبها وعلبلها بلي مشي متزوج ونبيل لاحظ هذا شيء طول لوقت وهو عاس ادم  وادم قاعد يكونيكتي
نبيل عيط السكرتارية تاعو قلها عيطيلي لاحمد قلو يجي نسحقو
احمد : سلام مسيو نبيل سحقيتني
نبيل : تفضل وليدي نسحقك في حاجة ولي هي ادم انت رزين وعاقل وتعرف للخدمة راني باغيك تفهم ادم فل خدمة مليح وتوقف عليه وتكون انت لمعلم عليه
احمد : مكاش مشكل
نبيل : مذا بيك تبدأ مليوم وإذا شفتو غلط في أي حاجة متترددش وحاسبو كيما هو كيما الموظفين لخرين
احمد : ان شاء الله نكون عند حسن ظنك🙂
كملت لخدمة وكمل نهار وجا ليل الوقت المفضل عند ليليا و آدم
عند ليليا باش تقرا روياتها وتقرا لكرونيكات لي فل فايسبوك
وعند ادم باش يسهر مع صحابو لكن كي نقطع لمصروف رآه يسهر مع مليكة وليديا  بنت خوه  صح صغير مي لسانها منشار  وفليل مع تليفون وناتفليكس
نرجعو ليليا لي قاعدة تهدر مع روان فل فيس بوك ويتفكرو فتبهدايل لي داروهم فطريق ويضحكو
ليليا : روان راهي سماطة راني حابة ندير حاجة😈
روان : نتي كي تقولي حها نعرف لي باغية ديري مقلب على من راكي معولة هذي لخطرة اهدري
ليليا: على سعيدة 😈 هااهااهااها ضحكة شريرة
روان : صح تستهل على جالها جرينا لبارح هههههه
ليليا: صح ملا هيا فكري معيا واش نديرولها
روان : راني نفكر واش رايك لوكان نديرولها لقاطو هي تحب لكاب كيك لي ديريه 
ليليا : هذا مقلب😒😒 ولا مفاجأة
روان : هاو بلعي ازبل خليني نكمل ندير لها خاتم تاع فيونصاي بلاكيوغ هذوك لي ينباعو فطوابل نتي كان عندك واحد كنت ديريه باش ميتبلاوكش😂😂 احم احم لمهم ونمدو لادريس يمدلها لكايك كي تاكلو تلقى خاتم نشوفو رد الفعل تاعها 😈😂
ليليا : اوو صح فكرة شابة
ملا غدوة نشرو وحدا كاب كيك ونحطو فيها لخاتم ونقولولو يغلفهالنا بلحمر 😂😂 انا نروح نحوس على الخاتم 😂😂
روان : ايا اوكي بنوي لحلوفة
ليليا: بنوي لكلبة
وسعيدة تهدر مع حبيبها تفاتنو مي كيما لعادة يتفاتنو ويرجعو خيرمن مقبل بسكو يحبو بعضاهم بزاف ادريس عندو 25سنة يقرا ويخدم عندو حانوت صغير تاع تليفونات ادريس حاب يكون روحو ويكمل دار لي رآه يبني فيها ويخطب سعيدة بسكو يحبها وناويها الحلال صح هذا هو ادريس

ايه رقدو وناضو صباح مفعم بل حيوية بنسبة ليليا وروان باش يديرو مقلب لسعيدة
ومليكة باش تشوف ضيافها ملي ناضت وهي فل كوزينة تطيب وحدها وليديا حذاها
نرجعو ليليا و روان وسعيدة لي دخلو يقراو 2 td  ومبعد خرجو يفطرو ومبعد ليليا ناضت قتلهم ضرك نجي نشري اتي ونجي نلقاكم فجاردان راحت ليليا شرات لكيك دارت فيه لخاتم ومدتلو غلفولها وعيطت لادريس قاتلو وين راك
ادريس:راني قدام لافاك علاش
ليليا : توحشتك ارهج ناس يقولو واش راكي يقولو علاش بلع راني جاية ليك طييط كوبات في وجهو
ادريس : حمارة ليوم نقتلها
ادريس حنون سعيدة مي امي بغوووش ليليا وروان ودايمن واقف معاهم دايرهم كيما خواتاتو رغم لي مهبلينو بتبهليلهم وهما ثان ديرينو كيما خوهم ميخبو والوا على بعضاهم
تلاقات ليليا بادريس
ادريس : مشي قتلك متزيديش تكوبي في وجهي اوحد لكلبة
ليليا : واقيل انت راك تفليكسيلي باش منكوبيش في وجهك 😒
ادريس : مصيبة انت
ليليا: الله يسلمك انا مصيبة وسعيدة لعسل علبالي 😂😂
ادريس : ايه عسل واش. سحقيتي باين درتي كاش مصيبة نتي وهذوك لموصيبات
ليليا : أاا درك ولات مصيبة مشي كانت عسل ههههه لمهم خلينا انا جبتلك هذا الكب كيك لي تحبو سعيدة شفتها تبان زعفانة قلت نمدلك ندولها
ادريس : ؟؟ زعفنة علاش وهذا علاش مغلف هكذا تقول 14 فيفري
ليليا : علاش 14 فيفري واش فيه ياك مشي عيد ميلادها
ادريس : عيد الحب الحابسة
ليليا: ايه نسيت 😂😂 صايي بركا متعلق مدولها ولا جيب نمدولها انا 😒😒
ادريس : صايي مشي وبلعي وين راهي قاعدة
ليليا: فجاردان
راحو كيف كيف كي وصلو شافتهم سعيدة فرحت وروان كي شافت صاشي في يدو وزادت غمزتلها روان بتسمت الابتسام تاع الخبث 😈
روان: حنا مصباح رانا معاك قاعدة مشنفة وهو غير شفتيه ضحكتي حتى ضرسة العقل بانتلك 😒😒
سعيدة: وينتا شفتني مشنفا😒
ادريس : تضلو هكا كذراري   هاكي سعيدة ( مدلها صاشي تاع لكب كيك )
وليليا شادة تليفونها تصور تاع صونصمير دايرتلهم فيديو
سعيدة: اووو كاب كيك نحبو وبدأت تاكل
ادريس : بلعقل نتي تموتي
روان تطرطق بضحك مقدرتش تشد روحها دايمن تفضح كلش مي هما مفهموش سعيدة وادريس دارو فبالهم ضحكت على هدرت ادريس وهما في هاذي لحالة حتى سعيدة تنطق : أوووو كاين حديدة خرجتها من فمها حتى لقاتها خاتم ناضت تسوطي وتطير تعنق ادريس وقاتلو ايه ايه نقبل نقبل نموت عليك نحبك وباستو في خدو 💋💋💋
روان وليليا متمرغين في الارض بضحك ودموع يسيلولهم مقدروش حتى ينطقو ويقولولها كميرا كاشي
ادريس : 😰😰😰؟؟؟!!!؟ مشوكيي مفهم واالو
ليليا ناضت سقمت روحها وقاتلهم كميرا كاشي باعلى صوتها وهربت وروان مزالها طايحة وتضحك
سعيدة : ...... نحات سصابها وقايست ليليا ودارت لقات روان رايحة تهرب زادت نحات صباط ثاني وقايستها بيه جاها في رأسها
ادريس معرف يضحك معرف يهرب
سعيدة : وانت نتعرفني منعرفك
ادريس : وين وين انا واش دخلني مكنت عارف والو وحكالها واش صرا
سعيدة: اااا صار هكذا ليوم نقتلهم استنا تشوف إذا مخلفتهالهمش
ادريس جابلها صباطها وقلها لبسي ومبعد نعاونك ونخلفوهالهم كيف كيف ننتاقمو
ورجعو كامل لديارهم ادريس وسعيدة يخمو في خطة وروان مزال حاكمها لفورير هي وليليا