ناهار جديد اخر نهار قبل العطلة لي راح يدوها راحت (العطلة تخص تخصص لي تقراه ليليا وصحباتها يعني لغات فقط) راحت ليليا لفاك وصلت روطار على الكوغ وهذا شيخ مستحيل يخليها تدخل قعدت برا ومبعد راحت شرات شيبس وجو وقاطو كانت هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلت لكورسي قعدت وربعت رجليها وحطت ساشي وبدأت تاكل ويجي مسيو نسيم محبوب لفتيات فل جميعة مكاش لي متحبوش من غير ليليا الانو تعرفو كيفاش داير كل يوم مع طفلة وزيد يتمسخر بيهم ويقيسهم فل حقيقة هما لي يجرو موراه هو طفلة كي تعجبو يخزر ليها برك وهي تروح ليه لحلابات طبعا مشي كامل لبنات كيف كيف هذا نسيم👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ضرك نحيكلكم قصة نسيم وليليا مرة محمد صاحب نسيم عجبتو ليليا خلط فيه مقيمتوش زاد خلط فيها خزرت فيهم مل فوق لتحت وراحت وخلاتهم من ثم نسيم حلف يطيحها فيه وكيما سيا مقرش يروح ليها كل يوم مع صباح ولحقت حتى وين يجيبلها لورد وشيكولا وهو دار هذا لكل بلعاني باش يطيحها فيه ويروح يخليها يعني ينتقم لكن ليليا كانت دااايمن تقزعو وعلبالها علاش رآه يدير هكذا حكولها لبنات لي يحبو تعرفو لهدرة متتخباش فل جميعة الاخبار ينتاشروا ثم ثم وهو ستسلم الانو ولا يحبها صح قلك من حفر حفرة لأخيه وقع فيها هكذا صرا لسي خونا نرجعو للحاضر قاعدة ليليا تاكل حتى يجي نسيم صباح لخير ليلي ليليا: قتلك متزيدش تقلي ليلي وزيد لي صبح على وجه وش من خير يجيه يرحم باباك نسيم : ايه ايه طارلك تصبحي على واحد كيما انا وتزيدي تتقلشي مل فوق 😒😒 ليليا: رنك عليا نسيم : منرنكش حاب نولو ديزامي ليليا: اففف هاذي خطة جديدة باش تتنتاقم ياك 😒 نسيم : مل عام ليفات نزلتي شادتها ليليا: يااس لازم نشدها 😇😇 نسيم : يرحم باباك نحيها من راسك كامل رومركاو بلي تبدلت منيش منيش نخرج مع صحابي تاع مقبيل ومام لبنات منيش نريح ونخرج معاهم كامل ليليا: شكون قلك تبدل انا قتلك مقتلكش ملا علاش جاي تقلق فيا خليني ناكل في عقلي يرحم باباك نسيم : لمهم الحمد لله لي راكي بخير جيت برك نشوف اذا راكي مليحة وهاه راكي تبانيلي كي لعود الله يبارك ليليا: 5 في عينيك ارهج نسيم : ياو قلنا الله يبارك راح نسيم وقعد في كورسي مقابلها ليليا تاكل حتى جا ادريس وسعيدة ادريس سعيدة :صباح لخير ليليا ليليا صباح نور قعدو قصرو ومبعد جبد ادريس من جيبو شوينقوم ومد لسعيدة حبة وغمزلها ليليا: وانا 😡 ادريس : هاكي متكليناش برك فتحاتو وكلاتو مضغت مرة زوج وتنوض تعيط وتصوطي ايي ااااااا حاااار حااار الله يعطيكم موت مصيبة كلاب .... وتعيط وادريس وسعيدة يضحكو ويصورو فيها كيما دارتلهم هي (حياتهم كامل مقالب وانتقام) ادريس وسعيدة كانو متفاهمين مقبل على هذا المقلب وبنسبة لشوينقوم مدولو صاحبو لي جابو مفرنسا صاحبو من عشاق الحار والاكولات الحارة بأنواعها تسوطي وتحوس على الماء حتى يجي نسيم لي غير شافها هكذاك راح شرالها قرعة ماء وباطة شيكولا ميلكا 😍 نسيم : هاكي شربي وبركاي متعيطي شربت لماء وضرباتو ليليا: حارحار حار نسيم : وانا علاش تضربي فيا يا لهم ياك هما لي دارولك لحار وراحو خلاوك دارت تحوس عليهم ملقاتهمش ليليا: عرفتها داروها لكلاب نسيم: ؟؟ واش دارو واش كاين ليليا: راحو يديرو لحار لروان ،😂😂😂 نسيم : تضحكي ليليا: لالا نبكي ههه تفكرت لحار عاودت شربت لماء نسيم : حبسي حبسي وكولي هاذي شيكولا تنحيلك لحار ليليا: صحيت نسيم : مي علاش دارولك لحار نتي وروان ليليا: حكاتلوا واش صرا نسيم : ميى تستهلو والله وقليل فيكم لحار متكبروش ؟؟ ليليا: قلقتك واقيل واش دخلك نكبر ولا نصغار نسيم : صايي صايي رجعي كيما كنتي تهدري ساع كنتي مليحا ليليا : 😒😒 جات روان تجري عند ليليا ونسيم وتعيط لحار لحار وهما يضحكو عليها ليليا: قتلك يديرها الكلاب نسيم : والله لا مهابل هههههه روان رفدت لقرعة تاع لماء شربتها على نفس وزادت خطفت شيكولا من عند ليليا ليليا : بلعقل لاتاكلينا معاك نسيم : ههههه شح فيك باش متزيديش تديري مقلاب خزرو فيه فزوج سكت ليليا: مشي كنت حاب تولي امي تاعي كون جيت امي تاعي يصرا فيك هكذا كل يوم مقلب حتى تكره حياتك ههههه نسيم : نولو ديزامي مي لمقالب مكالاه منحبهمش ليليا: منقبلش 😒😒لي زامي تاعي لازم يكونو مهابل كيما انا وانت كي تهبل وتكون واجد أرواح داكوغ 😇😇 نسيم: اوكي راني قابل ليليا: اووو بلخف قبلت هبلت بلخف نسيم : ايه روان: ليليا رآه لوقت تاع td روان ليليا: باي نسيم لمهبول نسيم : اوو علاش مهبول روان ليليا: لالا لجواب غالط لازم تقول بااي لمهابل ههههه ليليا: واقيل نبطل منخليكش تولي امي معنا نسيم : ااو بسياسة عليا راني جديد معاكم ليليا : اوكي باي ومبعد راحو يقراو ومبعد كي كملو خرجو وروحو لديارهم فات نهار ولحق ليل دخلت ليليا الفايس بوك اكسيبتات نسيم لي عندو قرن ملي بعثلها انفيتاسيون ولقات جمعتها مدخلينو فل قروب ويجمعو معاه قصرو وتبهلو حتى رقدو ناضت ليليا صباح على 9 دارت ميناج مع يماها وجدت لفطور فطرو وراحت للجامع هي وروان وعمار صلاو لجمعة ورجعو كيما كل جمعة جازت هذي لجمعة سبت ناضت ليليا باش تروح لجداها لي جايا ساكنة في منطقة ريفية خارج لمدينة
