كرامتي فوق كل شيء⁦❤️⁩⁦❤️⁩

الحلقة 14

خرج عمار مسبيطار لقى ولادو يستناو فيه عند الباب
امين أية وليليا: على سلامتك بابا
ليليا راحت تسلم عليه طبعها وعطاها كف مزالت الحرقة في قلبو لوكان وحدوخر في بلاصتو يقتلها نورمال ليليا كانت راح تشرحلو واش صرا مي هو محبش يسمعلها رحالها لبيتها تبكي مي مغضتهاش صفعة غاضتها لي رآه زعفان عليها ومرض على جالها 
أية : بابا ليليا خاطيها وحكاتلو واش صرا الانو ليليا حكاتلها
عمار : تشوكا مي متراجعش على قرارو تاع الخطبة الانو بنسبة ليه ليليا غلطة مكانش لازم تروح تهدر مع راجل وحدها امر كيما هذا يحلوه والدين جيهان ولا بوليس مشي ليليا
فتيحة دوخة دارتلها كي سمعت هذا الكل وهي لاخبر راحت عند ليليا
فتيحة : تبكي يا لكلبة شحال عندي ملي قتلك مدخليش روحك فناس نتي فوندام ايه اهدري جاوبيني شكون نتي باش تدافعي على زهرة روحي خدمي مع لابوليس خيير ........بعد جدال طويل متالي ليليا راكي طفرتيها في روحك بوك رآه مد كلمة لنبيل كي شاف هذوك تصاور وقلو رانا قابلين هذا درس ليك يالالة باش تتعلمي متدخليش روحك
ليليا : 😭😭😭لالا ماما تعيشي إلا زواج ياةماما انا بنتك ندلك واش تحبي
فتيحة : مكان مدخلنيي درتيها بيديك حليها بسنانك
ليليا راحت تجري عند باباها وهي تبكي
ليليا : بابا تعيش إلا زواج 😭😭😭 يابابا والله منعاود ندخل روحي فناس سمحلي  ومتزوجنيش ياك انا بنتك
عمار : مديت كلمتي ومحال ندور فيها كون خمتتي ملاول ومرحتيش تهدري مع رجال وحدك
ليليا: 😭😭😭😭
عمار : دا ملادي سمانة مخدمش
ليليا مولاتش تحب تروح للجميعة طول الوقت غالقة على روحها فل بيت صحابتها عرفو واش صرا راحو ليها لدار سياو هدرو مع يماها باش تقول لبابها يبطل مي والوا كي فات مد كلمتو مقدرش يرجع فيها كون ناس وصايي معليش اما جات في نبيل يعزو ميقدرش يتمسخر بيه خاصة كي شافو فرحان تحسب هو راح يتزوج فاتت سمانة وليليا في بيتها حست قاع أحلامها طاحو فل الماء كلشي تخيلاتو وبناتو راح تبخر
فاتت سمانة عمار رجع لخدمتو
ليليا راحت تقرا بعد محاولات عديدة من صحابتها دخلت قرات ليtd لي كوغ محبتش تدخل قعدت في بلاصة وحدها مكانت حابة تهدر مع حتى واحد  قاعدة وغايسة حتى تفكرت واش صرا بكات بحرقة كي تفكرت واش كانت رايحة تدير فل مستقبل 😭
نسيم جايز حتى شافها قلبو تقسم 💔💔 طفلة لي حبها وتبدل على جالها رايحة تزوج راح ليليا وبدأ يسكت فيها
نسيم : ليليا سيلتوبلي متبكيش متوليش شابة يارهج حبسي صايي ضرك كلش يرجع كيما مقبل علبالك بلي رحت عند محمد وزهرة وخليتهم يعتارفو بسيف
ليليا : زهرة ؟؟؟
نسيم: ايه زهرة كانت متفاهمة مع محمد قتلك عسي روحك منهم انتي متصنتيش طايحة على نيتك لي يجي تامنيه لمهم غدوة نعيطو لعمي عمار ونلاقوه بيهم باش يعتارفو تفاهمت معاهم وتبطلي لخطبة
ليليا: بابا علبالو كلش مستحيل يبطل ميرجعش في كلمتو
نسيم : صحا واش رايك لوكان نجي نخطبك انا وقلو نحب نسيم ونسيم يحبني
ليليا : تتمسخر بيا واش نربح شعر ياك زواج زواج
نسيم غاضتو عمرو مي عفس على قلبو وكمل هدرتو
نسيم : لالا مشيى كيف كيف كي ننخطبو انا وياك تقدري تبطلي ومبعد ونقولولو متفاهمناش
ليليا : يااااا صح زعم يوافق بابا
نسيم : علاش يلقى خير مني
ليليا: زواخ أن شاء الله يقبل بابا
نسيم : ايه هكذا ضحكي تولي شابة وانا حشيا نروح نهدر مع بابا باش يهدر مع باباك اوكي
ليليا : يا بلخف
نسيم: لالا نخلي حتى يديك هذاك لي ميتسماش
ليليا: هههه لي يسمع يقول صح راك رايح تخطبني بسك تحبني
نسيم حب يعترف قبل ميفوتو تران مالقري رآه روطار بزاف
نسيم : ايه نحبك
ليليا:😦😦أاا بركا ماتتمسخر
نسيم : والله ماراني نتمسخر علبالي بلي تحبيني ك صديق برك مي الله غالب انا مل عام ليفات وانا نحبك وتبدلت على جالك
ليليا:😶😶مشوكيا كل يوم صدمة جديدة
سعيدة وروان: ليليا علاش مدخلتيش كنا نستناو فيك 😡😡
نسيم : مشي وقتكم قاع
سعيدة: واشن
نسيم : قتلكم جيتو في وقتكم 😒😒
روان: اياو نروحو كشما ناكلو
ليليا: ايه مذابيكم حتى انا منيش قاع ناكل وفطريق نحكيلكم على الخطة لي درنها انا ونسيم
راوحو كلاو وهدرو الخطة ورجعو لديارهم 
فليل عيط بابات نسيم لعمار
بابات نسيم : الو مرحبا سي عمار  راك مليح
عمار : الحمد الله معليش نعرف شكون معيا
بابات نس..: ايه **** عيطتلك باش نتلاقاو نسحقك
عمار : أن شاء الله مكاش مشكل غير خير
****خير خير عيطت على جال ذراري وليدي راهي عاجبتو بنتك ورانا حابين نجو نخطبو لولاد راهم يعرفو بعضاهم يقراو كيف كيف
عمار : سمحلي **** خويا طفلة راني مادها
**** : متقدروش تبطلو ؟؟؟
عمار : لالا سمحلي مديت كلمتي منقدرش نرجع فيها
نسيم حب يبكي كي سمع هذي الهدرة خرج مدار بلا ميهدر مع حتى واحد وخلا مساج فل فايس ليليا بلي باباها مقبلش
ليليا تحطمت بعدما رجعليها الامل ورجعت لحالتها لقديمة وكل دقيقة تصلي وتدعي في ربي باش يبطلو
فتيحة : ليليا سكتي راكي تعذبي في روحك وفينا وراكي تقتلي في باباك وين راكي حابة توصلي علبالك بلي طبيب قلنا بلي لمرة لي فاتت قريب تعوق
ليليا:😢😰 (ليليا مكنتش عارفة واش قلهم طبيب)
فتيحة : علبالك بلي قلنا لوكان يعاود يتقلق قادر تحكمو جلطة وقادر يموت مشي غير يتعوق
ليليا: بعيد شر
فتيحة : ملا سكتي وحاولي متبينيش لحزن تاعك قدامو هو ثان مراهش راضي بهذا زواج وكان حيقولهم لالا وكي صرا واش صرا متقلاق مد كلمة ومراهش قادر يتراجع
ليليا: صايي ماما😢😢 اصلا ماالاول نعرف زهري كي داير 😔😔
فتيحة : نوضي تتعشاي
ليليا: منيش قادرة راسي رآه يوجع
فتيحة : على جال باباك
ليليا: راني جاية