كرامتي فوق كل شيء⁦❤️⁩⁦❤️⁩

الحلقة 11

كملت سمانة تاع ليليا عند جداها ورجعت لدارهم لقاتها كيما خالتها فتحت فايس مجمعة مع لجماعة تاعها روان سعيدة ادريس ونسيم لي تبدل 180درجة ولا كيما هما كل يوم يهدرو ويتمسخرو
ناضو صباح راحو يقراو تلاقات أية مع لميس فليسي لي تحولت معها كل يوم يديرو فسمير ويزعقو على ناس ويعلقو
ليليا وروان راحو كيف كيف للجميعة تفاهمو يلبسو كامل كيف كيف لميس👇



روان👇



سعيدة 👇



وصلو لافاك دخلو قراو كملو خرجو تلاقاو فجردان مع نسيم وادريس قاعدين شايخين بضحك وتبهليل وبداو يجبدو فليفديو تاع لمقالب لي داروهم مقبل يشوفو فيهم ويضحكو يتفكرو فتبهليل تاعهم ونسيم كل مرة مرة يزيد يعرف حاجة جديدة عليهم ويحبهم كثر
نسيم : كون غير عرفتكم مقبل😒😒
ليليا: كنت تعرف غير لبنات لعب لخامج مقبل 😂😂
ادريس : ليليا واقيل غرتي على نسيم
نسيم : ياعمري متغيريش نحبك غير نتي
كانو يتمسخرو مكانوش يهدرو صح وبصدفة سمعتهم امال زهرة جارت ليليا وفي نفس لوقت تبغي نسيم من النهار الاول لي دخلت ليه للجميعة لكن هو جامي شاف ليها كانت دايمن تحكي لليليا عليه وبلي تحبو وكي سمعت هكذا حست بلي ليليا خانتها وطعنتها في ضهرها
نرجعو عند لجماعة
روان : هههههههه😂😂😂 ليليا تغير واقيل هبلت ادريس راك تخلط بينها وبين سعيدة ليليا كون تجيبلها باريش اردتش (عمر تاع دفنة) متغيرشo عليه يااوليدي
نسيم: منعدمة المشاعر
ليليا: ايه هذيك لابوات تاع المشاعر درت في بلاصتها حجرة😂😂😂
سعيدة : حجرة لي تضربك لراس أن شاء الله هههه
ليليا : صايي بلعو اياو نديرو سالفييي
الصورة مع بعض ومبعد راحو كل واحد لدارهم
فشركة
نبيل عيط لعمار وقلو لي راهي عاجبتهم ليليا وحابين يخطبوها لادم
عمار : انا منصيبش خيرمنكم مي راك تعرف القرار الأول والأخير لطفلة نسقسيها ونرجعلك لخبر
نبيل : خوذ راحتك وخليها تخمم مليح ومبعد رجعلنا لخبر
فدار نبيل ⛪
مليكة : خير نبيل حكيلي درت واش قتلك
ليديا: واش قاتلك ماني تيبلي شيتولا ايه
نبيل : ايه جبتلك شيتولا ومبعد تمدهالك ماني
ايه هدرت مع عمار وقلي نشاورهم فدار ورجعلك لخبر
مليكة : أن شاء الله يقبلو ضرك نوجدو خطة باش يقبل ادم
نبيل : نتي ينخاف منك كي ديري حاجة في راسك
مليكة ايه ادم ميقدرش يقعد بلا طموبيل ودراهم دنك تقولوا يا يقبل ياا يروح كلش طموبيل ولمصروف + الورث ينساه نهدوه بلي رانا رايحين نكتبو وصية ينقسم فيها لورث على كمال ولميس 😈
نبيل: تخمي يااا كنت مطيح بيك ياا طلعتي مخ هههه
في دار عمار 🏢
تعشاو كملو راح كل واحد لبلاصتو
عمار : فتيحة ليوم خطبوني في ليليا
فتيحة : شكون
عمار : نبيل لوليدو ادم
فتيحة: امم انا معندي مانقول عليهم عجبوني ناس هاايلين ماشاء الله عليهم من عندي راني قابلة بيهم مي هذيك لمصيبة علبالي متقبلش قاتلك تحوس تكمل قرايتها وتحقق أحلامها كيما نسمة هذو قاع لكتوبا لي تقراهم فسدولها عقلها
عمار : غدوة سقسيها إذا قبلت قبلت إذا مقبلتش دبر راسها خليها تكمل قرايتها
فتيحة : كون غير تسيف عليها لمصلحتها
عمار: وقيلا هبلتي نتي زواج مهوش بسيف
فتيحة : ايه عندك صح ربي يهديها

ليليا فاتحا لفيس بوك تهدر مع جمعتها كيما لعادة
زهرة جارت ليليا تهدر مع محمد صاحب نسيم لي حكيتلكم عليه مقبل تبلى ليليا وهي خزرت فيه متحت الفوق ...الان نسيم قطع كامل علاقتو معاه وهذا على جال ليليا لي ولا يحبها وتبدل على حالها من الاسوء إلى الأحسن لكن ولا مرة بين مشاعرو لحقيقة ليليا باش ميخسرهاش نولو لموضوعنا زهرة ومحمد
زهرة : محمد غدوة كيما تفهمنا الخطة ياك دير كيما قتلك
محمد : متخميش خليها عليا عندي شحال وانا نستنا باش تنتقم على جال هاذيك رخيسة صاحبي راح وخلاني
(محمد و زهرة تفاهمو على ليليا) ف2 يحوسو ينتاقمو منها ويغير ومنها في نفس الوقت هي دايمن تضحك جامي بينت الضعف تاعها لناس
على هذاك كامل غايرين منها وحاسدينها هي وصحابتها