ناضو صباح كيما العادة نفس روتين تلاقات مع صحابتها قراو قدو مقصرين ومبعد جات زهرة
زهرة : ليليا معليش تجي معيا نسحقك
ليليا: اوكي راني جاية
وراحو كيف كيف
زهرة : ليليا لازم تعاونيني علبالك بلي معنديش صحباتي فل جميعة غير انتي
ليليا: ايه بيان سوغ نعاونك حبيبتي واش تسحقي
زهرة : تعرفي محمد
ليليا شكون محمد؟؟؟
زهرة : لي كان صاحب نسيم تشفايلو
ليليا: أاا هذاك رخيس
زهرة ايه
ليليا: واش درلك
زهرة : بيراطالي لفيسبوك تاعي ودا تصاوري وراه يهدد فيا بيهم وضركا عيطلي وقلي ارواحي مور لونفي باش نتفاهمو وانا راني خايفة منو تعيشي روحي ليه انتي يخاف منك انا كيما درت معاه مقدرتلوش
زهرة علبالها بلي ليليا قلبها حنين وتوافق بكل سهولة
ليليا: صايي متخافيش زهرة ضرك نهدر معاه وإذا مفهمش ساهل انا نشوف كيفاش ندير ونرجعلك تصاورك خليها عليا متتقلقيش قوليلي وين رآه برك
زهرة وراتولها وتخبات
محمد👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
محمد: واش ليليا واش جابك عندي
ليليا: توحشك فيقورتك
محمد: ااو والله مام انا توحشتك جيتي في وقتك
ليليا: شوف جيت نقلك 2 كلمات تمحي هذوك لي فوطو تاع زهرة لي راهم عندك ولا تندم
محمد : هااهاااهاا شكون يندمني واقيل انتي يالبينازة
ليليا: راك غالط فيا
محمد جبدها من يدها وطبعها على الحيط ودار يد من ويد باش متهربش وفي هذا لوقت زهرة راهي تصور ودارت فيديو
محمد قرب باش يبوس ليليا وليليا تضربو بكوتبي فل منطقة لحساسة بكامل واش عندها طاح في الارض ولا يسب يالقح*********والله غير نمدتك ياليليا
ليليا زادت ضرباتو بركلة وهربة وجها حمر وخائفة وتجري ملقاتش زهرة فطريقها بيان سوغ كانت هربت لالة زهرة صحبات ليليا تقلقو عليها عيطولها مريبونداتش مل خوف معرفتش واش دير باقية غير تجري شافها ادريس عيطلها: ليليا حبست
وادريس غير شافها هكذاك عرف بلي كاينة حاجة اول مرة يشوفها هكذا
ادريس : واش كاين ليليا
ليليا: ادريس راني رايحة
ادريس : وين وين مكاش مروح حتى تحكيلي
وهما هكذاك شافوهم لجماعة زادو لحقو عليهم
روان مل بيعد :الكلبة بدلتينا بل خامجة تاع زهرة روان غير وصلت شافت وجه ليليا ويدها لي ترعش مل خوف
نسيم : ليليا وشبيك
سعيدة: ليليا
ليليا: 😶😶😶
ادريس مدلها لماء وقعدها في كورسي ليليا شربي لماء وريحي وهدري غير بلعقل
ليليا قعدت وحكاتلهم واش صرا
سعيدة وروان: نتي واش دخلك فل كلبة تاع زهرة طيح فل بحر هي ثان مشي قليلة
نسيم ناض مقلق وجهو حمر راح يجري يحوس على محمد
سعيدة وروان خزرو في ليليا تاع بلاك نسيم حب ينتقم
إدريس لالا ميديرهاش
سعيدة: ملا وين راح
روان : اياو نتبعوه
ناضو كامل راحو مور نسيم لي لقاوه طايح على محمد بضرب خسرلو وجهو راح ادريس سلك مابيناتهم حتى لقاو سعيدة وروان طايحين عليه بركالي هههههه
ليليا : خليكم منو رخيس
راحو عيطت ليليا لزهرة وين فتليفون بسكو ملقاتهاش
زهرة : وي ليليا سمحلي ماما عيطتلي رحت ساع
ليليا: اسمعي هديه بلابوليس قلو رحعلي تصاوري ولا نروح لابوليس
روان : مزلتي تخمي فيها 😒😒
سعيدة: ايا نروحو ناكلو حاجة جعت
ناضو راحو شراو لي دونات كلاو نساو واش صرا ورجعلو لدار
فدار نبيل⛪
مليكة هدرت معاهم على الخطبة
نبيل : ايه وقتلهم خمو مترجعوليش لخبر ضركا هذاك هو باش يكون عندنا وقت باش نقنعو ادم
مليكة : أن شاء الله ليوم نهدر مع ادم
في دار عمار 🏢
ليليا : سلاااااام راااني جووعااااناااااا
فتيحة : نتاجاتك راهم بولادهم وانتي مزلتي نهار وطول ونتي تتبهلي فالحة غير فل جياحة
ليليا: متنسايش نعرف ندير لقاطو
فتيحة : تعرفي لقاطو وخاربتها فصوالح لخرين 😒😒
ليليا: مزلت صغيرة اااااا
بدلت حوايجها صلات ودخلت للكوزينة كلات
فتيحة : ارواحي عاونيني نسحقك
ليليا: اوو مكاش قاع كيفاش عندي بحث راح نكتبو ضرك نبعثلك أية
ليليا: أية تكلمي ماما
راحت ليليا جبدت ادواتها دارت كيتمان تسمع في عقيل الله يرحمو ونتاثرة تقول كان عندها رجلها وراح وخلاها (العشق لي كان عمره مامات .....)كتبت ومبعد حكمت تليفون تكونيكتي
فتيحة : ايااو تتعشاو
ناضو تعشاو
فتيحة : ليليا نسحقك اقعدي غسلي لماعين
ليليا : اوكي الدولة
كي راحو كامل وبقات غير ليليا وفتيحة حكات فتيحة ليليا على لخطبة
ليليا: الدولة من نيتك تسقسي فيا هاااباينة بااينة واش حنجاوب
فتيحة : ليليا منيش نتمسخر وراجل رآه يستنا في باباك يرجعلو لخبر
ليليا : وانا ثان منيش نتمسخر مستحيل نتزوج منقلبش لالالالالالا قلو هكذا وهذا سي ادام خلاصو قااع لبنات جا ليليا زعما ميعرف حتى طفلة من بين بنات العالم الكل ختارني انا 😏😏 متدخلش فراس دولة على كل حال منقللللللشششش بااي
فتيحة : انا نجاوبوش ضركا زيدي خمي ومبعد رجعلي لخبر
ليليا: حتى سمعي نفس الجواب ضركا ولا ومبعد كيف كييف
زهرة في هذا الوقت راهي تمونطي فل فيديو وتصاور باش طبق الجزء الثاني مل الخطة تاعها هي ومحمد
عند مليكة
ادم سلام الام
مليكة : ادم وليدي نسحقك أرواح نهدر معاك انا وباباك
ادم : انتي وهتلر تاع راجلك نهار كامل وانتوما تخطو على راسي ياك راني نخدم واش تسحقوو ثاان
مليكة : لفايدتك ياوليدي
ادم : جيبي متالي لعجوز
مليكة : منيش عجوز 😡 قول يما
ادم : ايه ايه انا عجوز اهدري برك هههه
مليكة :لقيتلك عروسة😇😇
ادم : كيفاااش هههههه راكي تتمسخري بركاي يما رانا في أي قرن رانا ياااو مزالتو تامنو بهذو لخرافات تاع لقيتلك عروسة ؟؟؟
مليكة : نو ستنيتك تجيب طفلة ونزوجك انت مجبتش وزيد اذا عندك كاش طفلة في حياتك قلي غدوة نروح نخطبهالك
ادم : معندي حتى وحدة في حياتي وننتزوجش
مليكة : شدت في رأسها زعما زعما دوخة
ادم : وشبيك يما
مليكة : والوا برك لاطونسيون رحت لطبيب صباح قلي ملازمش تتقلقلي ضرك نشرب دواء تتريقل
ادم : علاش مقلتيليش
مليكة : انت لي راك مقلقني ياوليدي ربي يهديك طفلة راني خيرتها انا وباباك ومستحيل تلقى خير منها
ادم : ايييه مليح ديجاا راكم خيرتو
دخل نبيل : ادم لالا راك غالط رانا خطبنا مشي خيرنا ورانا نستناو فيها توافق برك
ادم : والله غير مليح هاذي هايلة والله كيفاش تخطبولي بلا متقولولي في أي عصر رانا حنهبل انا
نبيل : وليدي هذا شيء درتو لمصلحتك وانا منيش حنسيف عليك طفلة اذا عندك شكون في حياتك نروحو نخطبوها وطفلة لي خطبتها نطلب سماح منهم
ادم : معنديييش شكون في حياتي ومراحش يكون
مليكة دارت روحها نغمة وطاحت نبيل بدأ ينوض فيها. وادم خايف ويقالها نوضي سمحيلي يما
نبيل : نحي يدك عليها هذا قاع بسبتك لميييس جيبي لمفتاح تاع طوموبيل ندو يماك لسييطار
لميس : تبكي ماماماما نوضي
نبيل : فتحي طوموبيل وسكتي
مليكة صح طلعتهلها لاطونسيون بسك هي مريضة عندها لاطونسيون ولاكتغوز داوها لسيبيطار شافها طبيب قلهم بلي ملازمش تتقلق ولازم تشرب دواء في وقتو
ادم : ندم وقلهم سمحولي راني قابل
راني نشوف بلي مكان حتى تفاعل إذا معجبتكمش القصة قولولي باش نحبسها منضلش نعيي في روحي ونكتب
أنت تقرأ
كرامتي فوق كل شيء❤️❤️
Humorقصة جزائرية مشوقة فيها الحب والكوميديا وبعض الحزن وفلاخير تتوج بتاج السعادة ❤️❤️
