Avalon

Chapter 41: Right Hand Maiden

"Right Hand Maiden"

Henley's POV

"It can't be... You have powers?!" Hindi makapaniwalang sambit ni Krista.

Hindi ko siya sinagot at inihanda ko lamang ang aking sarili sa gagawin pag-atake habang inaalala ang mga katagang sinambit sa akin ni Nadia...

Oo... Siya ang nagmulat sa akin patungkol sa kakayahan ko na ito nang humiling ako sa langit ng tulong para mailigtas ko ang aking mga kaibigan.

'Henley..." Tawag ng isang magandang tinig sa akin. 

Idinilat ko ang aking mga mata at nang makita ko kung sino ang nasa aking harapan ay gulat na gulat ako sa nakita.

"B-Bakit kaharap ko ang sarili ko? Anong nangyayari?!"

Pero imbis na sumagot ay ngumiti lang sa akin ang kawangis ko.

"Henley, hindi ka basta mortal lamang kagaya ng iyong inakala. May dahilan kung bakit kayo nagkakilala ni Caileen simula nung kayo ay musmos palang.

"A-Anong... Teka sino ka ba?" Naguguluhang tanong ko sa kanya.

"Ako si Nadia, Henley. Ang iyong dating katauhan."\

"Dating katauhan? H-Hindi ko maintindihan..."

Ngumiti siya sa akin at lumapit, she held my face and as I blink my eyes parehong-pareho na kami ng kasuotan.

"Sa pagkakataon na ito ay tutulungan kita sa pakikipag laban upang maprotektahan ang iyong mga kaibigan. Pero sana ay matutunan mo rin ang ipagtanggol ang iyong sarili sa susunod pang mga laban dahil ito ay simula pa lamang."

Sa mga katagang binitawan niya ay unti-unting naglalaho ang kanyang pigura sa aking harap.

"Hayaan mong tulungan kita alamin ang kakayahan na mayroon ka, bilang gabay-diwa ng hinirang..."

Mabilis na nakaiwas si Krista at sa isang saglit lang ay nasa harap ko na agad ang babaeng kaharap ni Madison kanina. Sa kabilang dako naman ay naglalaban parin si Cael at Cooper.

"Paanong nangyari na ikaw ang gabay-diwa ni Caileen? Hindi ba't isang mortal ka lang?!"

"Yun din ang akala ko." Malamig na tugon ko sa kanya at muli kong inatake si Krista pero muli akong hinarangan ng babaeng hindi pa nagpapakilala.

"Ate Henley." Tawag sa akin ni Madison nang makalapit ito sa akin.

Napansin ko rin si Cael sa aking tabi at si Cooper sa gawi nila Krista. Pero agad na naningkit ang paningin ko ng makita kong hawak-hawak ni Cooper si Caileen sa kanyang braso.