🔥🔞"لعبة إنتقام"🔞🔥

الحلقة 1

-اوووف تالين وين ندخل نلقاك تبكي ومهبطة علينا كبي كل ملا عيشة فها دار
-ما ياخي ماتحسش مكش ترى في بابا قاعد يضيع منا قاعد يموت
-ياخي اذكا ربي شكتبلو ياخي باش نجيبولو عمر جديد
-ما يعيشك بابا محتاجنا ناقفو معاه نتلهاو بيه حس بيه نقص من سهرياتك وخرجاتك عيشك ما
-اوووه فك تالين منيش ناقصتك بوك اهوكا قدامك اتلهى بيه انت و اعتقني كرهتوني فيها دار انت و بوك وباش نروح مخر عندي عشاء خدمة باش متقعدش مارجتني بتاليفونات
خرجت عفاف وسكرت باب وراها بقوة تتافف من وضع الي هي فيه عفاف مراة مزيانة لاهية بروحها و ببرستيجها تحب لفلوس و مظاهر برشا معرسة بماهر راجل اكبر منها ب 15 سنة خذاتو على فلوسو هو رجل اعمال تونسي عندو سلسلة مطاعم و مزارع في بريطانيا بدا من صفر كون روحو وولا عندو اسم و مكانة في بريطانيا اول ما شاف عفاف في حفلة عجبتو برشا منجمش ينحيها من مخو عمل مستحيل باش تحبو و تعرس بيه
عفاف ديما تتصيد في رجال مخلات لامعرسين و لا عزاب تنحيلهم فلوسهم حتى الي تعرفت على ماهر وقررت انها تعرس بيه كان ليها فرصة كبيرة جات ليدها متتعوضش راجل بفلوسو اكيد باش يعيشها ملكة كانت توهم فيه بالحب و مبعد عرس اكتشف حقيقة انها عمرها ماحبتو وخذاتو خاطر طامعة فيه لكن هو كان راضي المهم تكون معاه مينجمش يعيش من غيرها وزيد جاب منها بنية تالين اغلى ماعندو في دنية مزيانة برشا كيف امها والا ازين ممكن تشبه لمها في زين لكن مش كيفها طالعة حنينة و متواضغة لبوها و قلبها ابيض وكبير تموت وتفنى على بوها كان كل شي بنسبة ليها بوها وامها و خوها و صاحبها....