مجنونه ملكت قلبي❤

الفصل الرابع

-محمد خلص تليفون ورايح لمازن... وشايف بنت بس مش عارف يميز مالامحها كويس عشان مازن كان مغطيها... اول ما وصل لقي مازن بيعرفه عليها لسه بيبص للبنت دى ويشوف مين.....

محمد: انتى!!!!!! 😲

وسام: هو انت!!!؟ 😲

مازن: هو انتو تعرفو بعض

محمد وهو بيجز على سنانه: اكيد.... عز المعرفه

مازن: وتعرفو بعض من فين

وسام: انا مش بعرف الاشكال دى

محمد: بت انتى والله لو ما سكتى ومسكتى لسانك لاكون موريكى مين محمد وليد بجد

وسام بتحدى: وهتعمل اى يعنى ولا هتقدر تعمل حاجه

-وهما بيتخانقو دنيا جات ومن بعدها نور ودعاء
دنيا: هو في اى.... في اى يا وسام.. هو اى اللى.....

-واول ما دنيا شافت محمد سكتت ومكملتش كلامها
دنيا: هو انت!!!؟ 😲

دعاء: انت بتعمل اى هنا😡

محمد: والله انا اللى المفروض اسألك السؤال دا

مازن: هو في اى انا مش فاهم حاجه... ماتفهمونى

محمد: دى الهانم اللى كبت عليا القهوة

مازن: وساام!!!! 😲

وسام بأستهزاء: بس اى رائيك فيها... ملحها كان مظبوط مش كدا

اسر: محمد.. في اى.... اى دا انتى بتعملى اى هنا

مازن:ثوانى عن اذنكم يا بنات

-مازن وقد سحب محمد واسر بعيدا عن الفتيات

محمد: ممكن اعرف انت ازاى عزمتها

مازن: مكنتش اعرف ان وسام هى البنت اللى كنت بتتخانق معاها

-وجى ادهم....

ادهم:هو في اى

محمد:الهانم اللى مورهاش شغله غيرى شرفت

ادهم:ازاى ومين اللى عزمها

مازن:انا اللى عزمتها...بس مكنتش اعرف ان هى دى البنت اللى محمد كان يقصدها

محمد: واديك عرفت... اتفضل بقا اطردها او قولى انا اطردها

مازن: مينفعش اطردها...... اطردها ازاى

ادهم: محمد مازن معاه حق.... مينفعش يطردها... دا مش من الذوق.... وبعدين هى بعيدة عنك خلاص لا انت تقرب منها ولا هى تقرب منك

محمد: ماشي اعملو اللى انتو عايزينه وانا هعمل اللى انا عايزة

-ومشي محمد وسابهم... وفي نفس وقت كلامهم وسام والبنات كانو بيتكلموا

وسام: دنيا معلش انا همشي

دنيا: تمشي فين انتى اتجننتى

وسام: زى ما سمعتى... انتى عايزة تقعدى اقعدى بس انا ماشيه