مجنونه ملكت قلبي❤

الفصل ال 17

-وكلم ادهم محمد وقاله ان وسام بتكلمه واداله الرقم واخده محمد لكمال بسرعه وبحثوا عن مكان التليفون وعرفوا مكانه
كمال: كدا اللى اسمه مراد دا انتهى خلاص
محمد: طيب يالا احنا مستنيين اى
كمال: يالا
دنيا: وسام..انتى كويسه بجد
وسام: متخاافيش كويسه اه
دنيا: ياارب دايما... خدى بالك من نفسك... محمد وكمال باشا جايينلك
وسام بفرحه: بجد.... الحمد لله
-وفجأه جى صوت رجولى من ورا وسام
....: انا شايف انك واخده راحتك عندنا ومش سامعه كلام حد
وسام: مراااد!!!؟؟
-------------
دنيا بزعيف وخوف: وساام...الوو...وساام
وبعياط: وسام...مراد اكيد عملها حااجه...وساام..وساام
اسر: اهدى....وسام كويسه...مراد مايقدرش يعملها حاجه
دنيا بعيون دامعه وبتبص لاسر: بس انا سمعت مراد ومرة واحده السكه قفلت...تفتكر يكون عملها حاجه
اسر بحنان: متخاافيش...صدقينى وسام كويسه....اهدى انتى بس
------------
-مراد سحب منها التلفون ورماه على الارض واتكسر وقام ماسكها من شعرها
مراد بكل غضب: الظاهر انك مش بتسمعى الكلام كويس... بس على مين...(وبزعيق).. دا انا مراد الحديدى اللى مافيش حد يقدر يكسر كلمته... تيجى واحده زيك تكسرها
وسام بعياط وخوف: انا.. انا...
مراد واخد باله من نفسه وبهدوء: انا..انا اسف..اتعصبت عليكى...بس انتى اللى دايما تعملى عكس اللى بقولك عليه...( وبحنان)..طيب بصي..اى رائيك نتفق اتفاق
وسام بخوف:.اى..ايه
مراد: من هنا ورايح مش هزعق ولا اتعصب تاانى...بس انتى تسمعى كل كلامى...قولتى اى
وسام بعياط وخوف: ان..انا عايزة افهم حاجه واحده..ان..انت خطفتنى ليه
مراد بعد ما اخد نفس: مصرة تعرفي يعنى!؟
-هزت وسام راسها بخوف
مراد: هقولك بس بشرط
وسام بخوف: اى..ايه هو
مراد بحنان: تبطلى خوف بقا...قولنا اى
وسام في نفسها: هو ماله اتحول كدا ليه...يكون بيضحك عليا تاانى!!؟...اكيد...طيب احسن حاجه اجاريه لحد ما محمد يجى
وسام: حاضر
مراد: ممكن اشوف طيب ضحكتك اللى وحشتنى عشان اصدق
-ابتسمت وسام من غير نفس
مراد: شوفي بتبقي احلى ازاى لما تضحكى
وسام: خطفتنى ليه بقا
مراد: بصراحه...........
وسام بترقب: اى
مراد وبص في عين وسام: انا بحبك يا وسام...بجد حبيتك وعايزك ليا...ما تعرفيش انا اى اللى كان بيجرالى لما بشوفك بتضحكى معاه....وسام انا عايز اتحوزك....قولتى اى...موافقه!!؟
وسام بصدمه:...............
مراد: انا عارف انك مش مستوعبه كلامى دلواقتى...بس صدقينى عمرك ما هتلاقي حد يحبك اكتر منى...بجد هكون مبسوط لو وافقتى....انا هسيبك وقت تفكرى...بس عشان خاطرى فكرى كويس وما تتهوريش
-وسط كلام مراد وصدمه وسام دخل الحارس وهو بينهج
الحارس: مرا..مراد باشا
مراد بانتباه: اى...في اى مالك بتنهج ليه
الحارس: في بوليس جاى دلواقتى...لامحناهم من بعيد
مراد بصدمه: اى!!!...بوليس....بس عرفوا مكانا من فين!!؟
مراد وبص لوسام: انتى اللى قولتيلهم!!؟
وسام: هاا
مراد بزعيق: انتى اللى قولتيلهم!!؟؟؟
وسام بخوف: ان.انا..انا..
مراد: الظاهر انى اتسرعت معاكى
-مراد ومن غير تفكير طلع ازازة و قام رش منها في وش وسام
وسام: اى دا
وسام وابتديت تفقد الوعى: هو... هو.. اى ال.....
مراد للحارس بعصبيه:.. جهز العربيه بسرعه
الحارس بخوف: حاضر يا فندم
- شال مراد وسام على كتفه ونزل بيها بس سمع صوت البوليس
-في الناحيه التانيه....
كمال: محمد خليك هنا... وماتتحركش
محمد باصرار: هو انا جى هنا عشان اتفرج عليكم!!؟... انا جى معاك
كمال بعصبيه: هو انا رايح دريم بارك... اى اللى جاى معايا... دى مش لعبه وممكن تخسر روحك فيها
محمد ببرود: موافق... ممكن نتحرك بقا
كمال: يا حول الله يارب
كمال عشان ما يضيعش وقت: ماشي...(وللضابط).. جهزه
-جهز الضابط محمد ولبسه البدله المضاده للرصاص واتحركوا بكل حذر....في الوقت دا مراد طلع من ورا الفيلا وركب العربيه وحط وسام على الكنبه اللى ورا وساق هو والحارس قعد جمبه....
ضابط: مافيش حد جوا يا كمال باشا
محمد بعصبيه: مافيش ازاى...دور كويس اكيد مخبيها
كمال: اهدى يا محمد...مش كدا..( وللضابط)...مافيش ازاى
الضابط: محدش جوا... الفيلا فاضيه
كمال: اكيد حس بينا وهرب
محمد بعصبيه: طيب وهنعمل اى!!؟...هنسيب وسام مخطوفه كدا ومانعرفش عنها حااجه
كمال: يا محمد اهدى...اكيد هنعرف مكانها...ما تنساش ان ميار معانا
محمد ماردش وحاول يتحكم في اعصابه:......
كمال: انا عارف انك قلقان عليها...بس متخافش....وسام هترجع...اصبر انت بس وسيبها على الله
محمد: ونعم بالله
-رجع محمد الاوتيل وهو في قمه حزنه عشان حاسس بالعجز انه شايف وسام مخطوفه ومش عارف يعملها حاجه ولا حتى يساعدها....رجع الاوتيل وحكى لصحاب وسام عن اللى حصل والبنات زعلو وعيطوا والشباب هدوهم وقلولهم لو عايزين اى حاجه يكلموهم وادوهم كل ارقامهم ومشيوا عشان ماينفعش يفضلو معاهم...
------------
يوم جديد يا ترى شايل اى من مفاجأت واحداث....
-صحيت من النوم لقيت نفسها على سرير في اوضه كبيرة معموله بطريقه طفوليه جميله...السرير لونه ابيض والمفرش لونه بينك والحيطان بينك ومرسوم عليها ميكى وفي دبدوب ميكى كبير في ركن الاوضه........صحيت وهى دايخه واول ما فتحت عينيها غمضتها تانى من شدة الضوء....اول ما صحيت اتفجأت بديكور الاوضه اللى عحبها وهى بتتفرج بانبهار على الاوضه....
....: كنت عارف انها هتعجبك
وسام بخضه: مراااد
- مراد كان قاعد جمب السرير على الكرسي بس بعيد شويه عنها بحيث انها مالاحظتهوش
مراد: ههههه..اه مراد...اى..شوفتى عفريت ولا اى
وسام بخوف: ان..انا فين
مراد بمرح: اولا...احنا مش قولنا نبطل خوف بقا ولا اى...صدقينى انا عمرى ما اأذيكى...يمكن اذيتك في الاول بس كان غصب عنى...وبجد اسف على كدا...ثانيا بقا..احنا فين....احنا في بيتى..والاوضه دى انا عملتهالك مخصوص...والحمد لله شكلها عجبتك
وسام في سرها: معقوله يكون بحد بيحبنى....لان لطفه دا مش طبيعى...دا حتى ما زعقليش عشان كلمت محمد وعرفته مكاانى...هو اى اللى غيره كدا....طيب اسأله ولا لاء!!؟؟
مراد وبيطلع وسام من شرودها: ويسووووو...روحتى فين
وسام: هااا...لا مافيش سرحت شويه
مراد: بعد كدا السرح دا ممنوع..(وبمعاكسه)...الا اذا كنتى هتسرحى فيا انا وبس😉
وسام: ههههههه
مراد: يااااه... اخيرا ضحكتى بقا والضحكه طلعت من القلب... ياشيخه انا كان جالى اكتئاب من كتر ما وحشتنى
وسام بخجل: ههه...متشكرين
مراد بهيام: العفو يا قلبي
وسام بتردد: مراد.. هو... هو ممكن اسألك سؤال وتجاوبنى بصراحه
مراد بحب: اكيد يا قلبي.. اسألى في اى وقت واللى انتى عايزاه... خلاص انا من هنا ورايح هعرفك كل اللى انتى عايزاه
وسام بفرحه: اوك.... اولا انت اتغيرت ازاى... قصدى ان دا مش مراد اللى ضربنى اول يوم وشدنى من شعرى... اى اللى غيرك
مراد بحزن: انا بجد اسف... واوعدك انى هنسيكى كل اللى عملته دا... واتغيرت ازاى... انتى اللى غيرتينى... انا فعلا ما كنتش كدا... بس انتى غيرتينى... انا بجد بتمنى ان ايدى كانت تتقطع من قبل ما امدها عليكى... بجد اسف
وسام: خلاص اللى حصل حصل
مراد: بجد اسف وهعوضك
وسام بتفكير: طيب يعنى انت اتغيرت خلاص... وندمان على اللى عملته
مراد باستغراب: اه... ليه
وسام بفرحه طفوليه وهى بتقوم من على السرير وتقعد على ركبتها: يعنى خلاص هتيبنى اروح
-مراد وملامح وشه اتغيرت وحاول يتحكم في اعصابه
مراد بغضب مكتوم: حاجه كمان.... طلوع من الفيلا هنا ممنوع.. عايزة تتمشي حوالين الفيلا اوك... الفيلا كلها تحت امرك.. انما تقوليلي بابا ماما... هنشوف الموضوع دا بعدين
وسام بخوف: حا...حاضر
مراد واخد باله من خوفها: اسف..انا عاارف انى بتعصب بسرعه ومن اتفه حاجه....(وبتفكير)...اى رائيك لو تكبي عليا ميه كل ما اتعصب عليكى...لانى بصراحه مش عاايز اخوفك منى
وسام بخوف: از..ازاى...طبعا لاء
مراد باصرار: انتى مالك...انا اللى بقولك....كل ما اتعصب كبي عليا ميه...تمام
وسام: حاضر
مراد: انا لازم امشي دلواقتى..وهبعتلك فطار مع الخدامه...يبقي خلصيه...ولو احتجتى اى حاجه....اطلبي انتى بس
وسام بإيماء وخجل:حاضر
مراد وهو بقرص وسام في خدودها: شطورة حبيبتى بتسمع الكلام
وسام: ههههه
مراد: يالا بااى
وسام بتردد: مر..مراد
مراد: اى يا قلبي
وسام بخجل: طي.. طيب انا... كنت عايزة هدوم غير اللى اتبهدلت دى
مراد بتفهم: متخااافيش الدولاب مليان هدوم ليكى...يالا باي
وسام: باي
-قامت وسام نواخدت شور وطلعت فتحت الدولاب لقيت هدوم كتير وكلها على مقاسها طلعت اول حاجه جات قدامها... طلعت تي شيرت ابيض على شورت جينز وفوقيهم لبست بالطو كافيه وجزمه بيضه