مجنونه ملكت قلبي❤

الفصل ال 29

لبست ونزلت تقابل يزن زى ما هى فاكرة... وصلت لمطعم... ودخلت وقعدت.. شويه ولقيت حد جى عليها
....: ياترى عامله اى انهاردا
نور ورفعت راسها للمتحدث: مازن.!!؟
مازن بابتسامه: ايوة... وحشتينى
نور بتوتر: من فضلك.. احترم نفسك وامشي عشان مستنيه خطيبي
مازن بخبث: اممم.. مش يزن برضوا... لا ما هو مش جى.... يزن قالى على كل حاجه خلاص.. وان انتو مش مخطوبين
نور: اى!!!!!!؟
مازن بابتسامه: زى ماسمعتى
نور بتوتر وقامت تمشي: عن اذنك
-مسكها مازن من ايديها
مازن: استنى يا نور
-اول ما مازن مسك ايد نور... لسه نور بترفع ايديها عشان تضربه بالقلم.. بس لقيت ايده بتمسكها
مازن بابتسامه: مش كل مرة
-سحبت نور ايديها بغضب
نور: افندم عايز اى
مازن: اقعدى الاول نتكلم
نور: اسفه... مش فاضيه ورايا شغل
مازن بحاجب مرفوع: يااسلام... وكان فين الشغل لما كنتى هتقعدى مع يزن
نور وبتهرب من عينه: احم. احم. مش شغلك
مازن وشدها من ايديها عشان تقعد: اقعدى بقا وبالاش شغل العيال دا
نور: والله لو شايف دا شغل عيال.. انا ممكن امشي عادى
مازن: ياالهوووى... اهدى شويه ابوس ايدك... سيبينى ااقول الكلمتين اللى عايز اقولهم
نور بغرور: اتفضل
مازن وهو بيبص في عنيها بحب: بحبك
نور اتكسفت وفضلت تهرب بعنيها ولسه هتقوم: خلصت... عن اذنك
مسكها مازن من ايديها وقعدها تانى: ما تتهدى بقا... اقعدى... على فكرة انا بحبك لحد دلواقتى... يعنى شوفي بقا... خمس سنين ولسه بحبك وانتى مش عايزة تدينى فرصه حتى... ما خلاص بقا... سامحى... انا عارف انك مش هتقدرى تسامحينى... ودا حقك.. بس عشان خاطرى ادينى فرصه.. ولو عملت حاجه تانى ضايقتك.. وقتها اتصرفي التصرف اللى يعجبك... هاا.. قولتى اى
نور: ممكن اروح بعد اذنك
مازن بتنهيدة وحزن: حاضر... بس ممكن تفكرى في كلامى كويس... وهستنى منك رد
نور ببرود: ان شاء الله... عن اذنك
مازن: استنى هوصلك
نور: مافيش لزوم
مازن: لاء يالا
-وصل مازن نور الاوتيل.....طلعت نور وهى ناويه على جناايه... اول ما وصلت للممر بتاع اوضتها.. لقيته جى ومبتسم
يزن: كيف كانت السهرة
نور بغضب: يزن.. سوف اقتلك حتما... هل عندك تفسير لما حدث الان... كيف تخدعنى بهذا الشكل وترغمنى على الجلوس والحديث معه... وانت تعرف ان هذا الامر لم يعجبنى.. ومع ذلك فعلت هذا.. لماذا
يزن بهدوء: انتهيتى!؟... تعالى لنجلس ونتحدث
-نزل يزن هو ونور لمطعم الاوتيل.... وطلب يزن مشاريب واكل ليهم... بعد ما الجارسون مشي... فضلت نور بصاله مستنيه منه تفسير
يزن بتنهيده: حسنا.. سوف اخبرك.. لاكن اهدئى.. لا تنفعلى
نور: حسنا
يزن: في الواقع كنت اعرف انك لن تذهبي للحديث معه.. وهو ايضا... خصوصا انه يظن اننا مخطوبان.. فكان لابد ان اخبره حتى يأخد هو اول خطوة... ويحاول التقرب منك اكثر... نور... انتى تحبيه ايضا.. ولاكنكى تكابرين وتعاندين... اعطيه فرصه نور.. وسامحيه.. يكفى ما فعلته به حتى الان... ارجوكى... اعطيه فرصه
نور بعد صمت: حسنا يزن.. سوف اعطيه فرصه.. لاكن اذا قام بأى خطأ مهما كان صغيرا.. عندها لن اتسامح معه.. ولن اقبل اى كلمه منك... اتفقنا
يزن: اجل.. والان هيا كُلى
نور: حسنا
-----------------
دنيا و هادى: ايه!!؟؟
اسر لهادى ببرود: مثل ما سمعت...هل هناك مشكله
هادى بصدمه: كيف... بالتأكيد لاا... لا يمكننى تصديقك.. بالتأكيد هى تفعل هذا لأبعاادى... لكن صدقينى دنيا... لن ايأس.. وسوف اعود مجددا
اسر بغضب: عندما تتحدث.. حادثنى انا.. ولا تتجرأ على نطق اسمها امامى هل تسمع... واحذرك ثم احذرك.. ان تقترب منها مجددا... هل تسمع
هادى بغضب: سوف نرى
-مشي هادى من المكتب متعصب... واول ما خرج زقت دنيا ايد اسر اللى على كتفها
دنيا بغضب: اى اللى انت هببته دا... انت ازاى تقول كدا
اسر بابتسامه: ليه.. هو انا قولت اى
دنيا: اى اللى قولت اى!!؟... انت ازاى تقوله انك خطيبي
اسر باستفزاز: ليه... كنتى حاباه ولا اى
دنيا: طبعا لاء.. يتحرق بجاز.. بس برضوا ازاى تقول حاجه زى دى من غير اذنى
اسر: مش مهم
دنيا: افندم... هو اى دا اللى مش مهم
اسر بلامبالاه: اذنك
دنيا ووصلت لقمه غضبها: من فضلك اتفضل اطلع برا مكتبي عشان ما اتهورش عليك
اسر: هتعملى اى يعنى😏
دنيا بزعيق: اطلع برااااا
طلع اسر وهو بيضحك على منظر دنيا: ههههههه.. خلاص يا مجنونن اهدى طالع
دنيا: اى الاشكال دى بس يااربي
اسر ورجع تانى و دخل راسه من ورا الباب: هههه.. بس اعملى حسابك هرجع تانى
دنيا بزعيق: براااااااا
اسر وهو بيمشي: هههههههههههه
-----------------
وسام: شكرا لك حنين
حنين بابتسامه: على الرحب وسام
وسام بمرح: اخيرا اعترفتى انه وسام
حنين: ههههههه... اسفه لكن على الذهاب الان... فالدى عمل اقوم به
وسام: حسنا... اراك لاحقا
-مشيت حنين تشوف شغلها و سابت وسام بعد ما اديتها التليفون بتاعها
وسام: اممممم.. نبدأ بمين الاول
..............
وسام بفرح: نقول مبروك لعروستنا
دعاء بغضب وزعيق: فينك يا هانم مختفيه كدا ليه... بنرن عليكى وتليفونك مقفول... قلقتيناعليكى يا حيوانه.. ممكن اعرف قافله تليفونك ليه
وسام: ههههه... اهدى طيب الاول... اى كل دا
دعاء: وسااام... تليفونك كان مقفول ليه
وسام بكذب: اصل تليفونى اتكسر و جبت واحد جديد
دعاء: تقومى تتأخرى كل دا
وسام: معلش بقا مش قصدى.... المهم عروستنا وعريسنا عاملين اى😉
دعاء: ثبتينى.... بس الحمد لله كويسين
وسام: بس اى يا دعاء... مالقيتيش غير ادهم... دا انتى على كدا تشكرينى على المخدر اللى حطتهولك يوم الحفله.. هههههنن
دعاء: دا كان يوم اسود ومهبب..(وبأستغراب).. وصحيح انتى عرفتى من فين انى اتخطبت.. لاء وكمان لادهم
وسام بتوتر: هاا.. لا.. انتى مش عارفه انا مين ولا اى... انا مافيش حاجه تستخبي عليا
دعاء: هههه... مكشوف عنك الحجاب انتى.. هههههه
وسام: ههههه.. من يومى
دعاء: ههه.. لا بس بجد.. عرفتى من فين
وسام: مش مهم عرفت من فين... المهم هفرح بيكى يا حبي
دعاء: هههه.. عقبالك يا اختشي
وسام بخضه: هاااا.. لا لا بعد الشر.... كفايه انتى
دعاء: ههههههه.. ماشي يا جزمه... وهستنااكى تيجى عشان تساعدينى
وسام: دا اكيد.... لازم طبعا ااقف جمب اختشي... عقبال فرحها بقا ياارب
دعاء: ههههه... مااشي... اسيبك بقا عشان ادهم بيرن
وسام: فعلا من لقي احبابه... نسي صحاابه
دعاء: ههههههه امشي يابت
وسام: هههههه... حاضر... باي
دعاء: باي
وسام: ارن على دندون دلواقتى...
وسام بمرح: دندووووون
دنيا بغضب: انتى خليتى فيها دندوون...فينك يا زفته..تلات ايام بحالهم ما نعرفش عنك حاجه
وسام: تعرفي انك وحشتينى فيهم
دنيا: اولا مش بتثبت...ثانيا..انطقي...كنتى مختفيه فين
وسام: كنت بلعب استغمايه ومستنياكم تدورو عليا...بس محدش عرف يلاقينى..هههههههه
دنيا بغضب: نفسي تبطلى برودك دا ولو ثانيه واحده...واخلصي قولى كنتى فين
وسام: مافيش بس التليفون بتاعى اتكسر واخدت وقت لحد ما اجيب غيرة
دنيا: طيب كليمينا وطمنينا...اى كل دا
وسام: سورى
دنيا: المهم انتى عامله اى...طمنينى عليكى
وسام: كويسه الحمد لله..متخافيش
دنيا: عرفتى ان دعاء اتخطبت..!؟
وسام بمرح: قصدك اتخبطت في دماغها عشان تعمل كدا... ههههههه
دنيا: هههههه...انا ماكنتش مصدقه لما قالتلى
وسام: ههههه...للاسف لازم تتقبلي الوضع الجديد
دنيا: وادينا بنحاول...كلمتى دعاء ونور صحيح ولا لا
وسام: كلمت دعاء..نور لسه
دنيا: احسنلك تحلقي وتكلميها بسرعه..لحسن هى مسحلفالك اوووى
وسام بخوف: ربنا يبشرك بالخير
دنيا: ههههههه..يالا روحى كلميها عشان عندى عمليه دلواقتى وبينادونى
وسام بخضه: انتى هتعملى عمليه!!؟
دنيا باستغراب: ايوة..وفيها اى
وسام: عمليه اى
دنيا: زرع كبد
وسام: اى.!!!..من امتى....وازاى ما تقوليليش...كنت اديتك حته من كبدتى وولا همنى😭😭...يعنى انتى دلواقتى داخله عمليه وانا مش هكون جمبك...ازاااى
دنيا وهى هتموت من الضحك: ههههههههههه...يا مجنونه اهدى...انا اللى هعمل العميه
وسام: ما دا اللى بقوله😭😭
دنيا: ههههههه..يا غبيه...انا الدكتورة اللى هتعمل العمليه للمرض...يعنى انا اللى هعمل العمليه...مش هتتعملى..هههههه
وسام براحه: ما تقولى كدا من الاول...حرام عليكى😪...قطعتى قلبي...لدرجه انى كنت هقطع حته من كبدتى دلواقتى وابعتهالك
دنيا: هههههه...لاااا دا انتى مجنونه رسمى...اقفلى يالا هتموتينى من قبل ما اعمل العمليه
وسام: هههه..ماشي...سلام
دنيا: هههه..سلام
وسام: اممممم.. نشوف تؤامى اللى وحشتنى بقا...
على الناحيه التانيه...
نور: لا كنت افضلها مشويه
يزن: لا اعتقد ذلك...هكذا افضل
-هنا تليفون رن ونور اول ما شافت الرقم اتفجأت...
يزن باستغراب: ما الامر...من هذا
نور بفرح: انها وسام
يزن: حقا...اجيبى عليها اذن
نور وهى بتقوم من مكانها: عذرا يزن...دقيقه فقط..لن اتأخر
يزن: حسنا
نور: الو
وسام: الو
نور بصوت واطى وغضب: يا جزمه يا حيوانه يا زباله ياللى ماشوفتي يوم واحد تربيه... فينك ياهانم بنرن عليكى... تليفونك مقفول ليه
وسام: ههههههه... اهدى طيب.. وقوليلي (وبصوت واطى زى نور)... موطيه صوتك ليه
نور بنفس نبرة الصوت: اصلى مش في اوضتى... انا برة مع يزن في المطعم في الاوتيل... وانا بعيدة عنه شويه
وسام: يعنى على اساس انك لو زعقتى فيا او شتمتينى هو هيفهم!!؟... هههههه
نور: تصدقي صح....(وبغضب).. ما تغيريش الموضوع... كنتى فين... بنرن عليكى تليفونك مقفول.. اى الحكايه
وسام: اصل تليفونى اتكسر واخدت وقت على ما جبت غيره
نور: والله حرام عليكى قلقتينا
وسام: متخافيش كويسه...خصوصي بعد خبر خطوبه دعاء..هههه
نور: ههههه..انا نفسي ما صدقتش لما قالتلى
وسام: والله ولا انا...خصوصي ان العريس ادهم..هههه
نور: انتى كلمتيها ولا اى
وسام: اه لسه قافله معاها.... المهم انتى فين حاليا.. اصل كل يوم في مكان شكل... فينك انهاردا
نور: ههههه.. مش هتصدقي انى انا ودنيا في مكان واحد حاليا
وسام: بجد.. يعنى انتى في واشنطن دلواقتى
نور بنفي: لاء... دنيا نقلت مكان شغلها
وسام: امال فينكم
نور: احنا حاليا في كاليفورنيا
وسام بفرح وتلقائيه: اى دا بجد!!؟... دا انا كمان في كاليفورنيا دلواقتى
نور بفرح: بجد!!؟... طيب انا لازم اشوفك عايزة اتكلم معااكى في حجات كتيررررر
وسام وانتبهت هى قالت اى: اى!!؟
نور بإكمال: دا غير انك وحشتينى اووى... لازم اشوفك بكرا... نتقابل في (....)..على الساعه 10 عشان نقضي اليوم سوا... وهكلم دنيا ونتقابل احنا التلاته
وسام بتوتر: مع. معلش يا نور مش هقدر.. عشان عندى شغل و..
نور مقاطعه واصرار: ماليش دعوة... يتأجل الشغل... اعملى حسابك هنقضي اليوم سوا بكرا...تمام.. يالا سلام عشان سايبه يزن لوحده..وهبقي ارن عليكى تانى بليل... باي
-قفلت نور من غير ما تسمع رد من وسام
وسام بخوف وقلق: يالهوى عليا وعلى سنينى السودة... كان لازم اقع بلسانى واقولها وانا كمان... هعمل اى دلواقتى... محمد مش هيسيبنى اخرج نهائى...(وبغضب).. وانا اسمع كلامه ليه... كان من بقيه اهلى وانا معرفش... تلاقيه مش عارف يمشي كلمته على موظفينه جاى يمشيها عليا... اوووف
----------
دعاء: الو
ادهم: عروستى عامله اى
دعاء: هههه.. كويسه الحمد لله.. وانت اخبارك اى
ادهم: تمام الحمد لله... احهزى عشان نص ساعه وهاجى اخدك... هنخرج شويه
دعاء: اوك ماشي
-لبست دعاء وجهزت وشويه وادهم وصل واخدها ونزلو
ادهم وهو بيسوق العربيه: هاا.. تحبي تروحى فين
دعاء بتفكير: اممم... مش عارفه... اى مكان عادى
ادهم: اوك.. يالا
- وصلو لمطعم في منتهى الجمال ودخلو وقعدو و ادهم طلبلهم اكل وفضلو يتكلموا....لحد ما خلصو وجم يمشوا... لسه هيمشو... دعاء شافت عيل صغير بيعيط... جريت عليه..
دعاء: مالك يا حبيبي بتعيط ليه
الولد بطفوله: المصاصه بتاعتى وقعت
دعاء بضحك على طفولته: بس كدا... طيب تعالى معايا
-شالت دعاء الولد ودخلت بيه سوبر ماركت وادهم واقف مش فاهم حاجه.. شويه وطلعت والولد في ايديها وفي ايدة مصاصات وشيكولاتات ولبان
دعاء وهى بتنزل لمستواه: مبسوط
-هز الواد راسه بفرح
الولد: شكرا يا طنط
دعاء بزعل: لا انا ماليش دعوة انا عايزة حضن وبوسه عشان اقبل الشكر
- حضنها الولد بفرح وباسها على خدها ودعاء كمان باسته.. ودعته وراحت لادهم اللى لقيته متعصب
دعاء باستغراب: اى يا ادهم.. مالك
ادهم: اى اللى حصل دا
دعاء بعدم فهم: هو اى اللى حصل
ادهم بغضب: ممكن افهم انتى ازاى تحضنى وتبوسي واحد غريب
دعاء: ههههههههههه....(وقرصته في خده).. انتى غيرانه يا بيضه
ادهم بغضب مكبوت: بس بقا.... وبعدين كيس جوافه جمبك انا
دعاء: هههههههه... انت غيران من عيل صغير ما كملش 4 سنين.. ههههه... يالهوى عليا وعلى سنينى السودة.. هههه... يابنى دا طفل
ادهم: طفل ولا تفل... ماليش فيه.. انت ليا انا وبس... يعنى حتى عيالك مش هخليكي تبوسيهم
دعاء: لااااا.. دا انت مجنون رسمى.. هههههه
ادهم بهيام: مجنون بيكى
-اتكسفت دعاء...
دعاء: مش يالا بينا بدل ما احنا واقفين في الشارع كدا ولا اى
ادهم: هههههه... مااشي يالا يا اللى مجننانى
------------
- عدى الوقت... خلصت شغلها طلعت من المستشفي مستنيه تاكس
دنيا: كان لازم ما اخدش العربيه انهاردا يعنى
....: هل تريدى توصيله
دنيا بخضه: هادى...( وبغضب)... لا شكرا... واذهب من هنا الان... كى لا افضب عليك
هادى بابتسامه: كنت اعرف انكى تخدعينى لابتعد عنكى فقط... وانكى لستى مخطوبه
....: ومن قال لك هذا
- دنيا وهادى بص للصوت اللى وراهم عشان يتفجأو بأسر اللى بيبص بغضب لهادى... دنيا فرحت لما شافته بس ما حبتش تبين
اسر بغضب وهو بيمسك هادى من قميصه وبصوت هادى ومرعب: لن اعيد كلامى مرتين.... اذا رأيتك تتعرض لحبيبتى.. لن يكون مسيرك غير.. الموت
- همس اسر في اخر كلمه عشان يترعب هادى منه ومن شكله اللى مش ناوى على خير ابدا.... هز هادى راسه بسرعه وبخوف... عشان يسيبه اسر بغضب.. ويجرى هادى من قدامه
اسر لدنيا بهدوء عكس اللى جواه: اركبي العربيه يالا هوصلك
دنيا بغرور وبتبص الناحيه التانيه وربعت ايديها قدامها: شكرا... هاخد تاكسي
-اتنفس اسر بغضب ومسح وشه بأيدة... وقام ساحب ايد دنيا ومركبها العربيه
دنيا بزعيق: اى... انت ما بتفهمش... مش عايزة منك حاجه
اسر بهدوء: اربطى الحزام
دنيا بعناد: مش هربط حااجه.. ووسع عشان انزل
-بصلها اسر بغضب وقام مقرب منها... دنيا خافت وبقيت ترجع بخوف لحد ما ضهرها بقي على الباب
دنيا بخوف: اى.. اى.. يا جدع انت... مالك... في اى
-ثانيه ولقيت اسر بعد تانى... واتفجأت انه ربطلها الحزام
اسر: عنوانك فين
دنيا: وانا اقولك ليه
اسر وعلى صوته شويه: عنوانك فين
دنيا بخوف: فندق (....)
-اتحرك اسر وسط هدوء دنيا... ووصلها للاوتيل
اسر قبل ما دنيا تنزل: بتنزلى شغلك امتى
دنيا باستغراب: ليه
اسر: عادى
دنيا: طالاما عادى يبقي مش مهم اجاوب.. عن اذنك
-مشيت دنيا من قدامه بعدها اسر اتحرك بعد ما اتأكد انها دخلت الاوتيل..
اسر بابتسامه: اوعدك انك مش هتكونى غير ليا يا دنيا
-------------
ساندى (السكرتيرة) : استاذ محمد.. هناك شخص يريد مقابلتك
محمد باستغراب: من هذا
ساندى: لا اعرف... لاكنه قال انه امر مهم
محمد: حسنا ادخليه
محمد وعينه على الورق: ادخل
-سمع محمد صوت جاى من قدامه بغضب مكتوم
...: فين وسام يا محمد
محمد اول ما شافه ابتسم بخبث: اهلا اهلا بصاحبي حبيبي... ااقعد تعالى
مراد: محمد... وسام.. فين
محمد: وانا اعرف مكانها من فين.. هى مش تقريبا شغاله معاك
مراد: انا عارف ان انت اللى خطفتها... وسااااااام فيييين
محمد: امممممم...(ريح محمد ضهرة على الكرسي وبص لمحمد ببرود واستفزاز).. واقولك ليه
مراد : محمد... وسام مالهاش زنب في حاجه... لو على الاراضي اللى في نيويورك... انا مستعد اتنازلك عنها... بس سيب وسام.. ارجوك..انت عاارف انى بحبها وانها حبيبتى و مع ذلك خطفتها
محمد بغضب: حسك عينك تقول عليها حبيبتك تانى... لان هى حبيبتى انا وبس... ساااامع... واتفضل اطلع برة
مراد بغضب: ماشي يا محمد... هطلع... بس مش هسيبك وهرجع وسام.. وهتشووف
-طلع مراد من المكتب وساب محمد بيتنفس بغضب... شاف الساعه على المكتب.. راح راميها قدامه بغضب بحيث تهديه... بس لاء...... قاام واخد جاكت بدلته وطلع على القصر..... شويه ووصل....
حنين باحترام: مرحبا سيدى... هل احضر لك شيء
محمد وهو طالع السلم: لا شكرا... اذهبي لعملك
-هزت حنين راسها بخوف من منظر محمد اللى ما يطمنش...... طلع محمد على اوضته وسام... بس قبل ما يخبط.. سمع وسام بتتكلم مع حد
وسام: والله وانت واحشتنى اووووووى
.......
وسام: هههههههه... متخافش... كلها كام يوم وارجع لحضنك تانى
......
وسام: والله وانا كمان بحبك اوووووووى
-هنا محمد ما قدرش يسكت اكتر من كدا.........

-----------------------------------------------------------

امممممم... اسر هيعمل اى مع دنيا!؟

و وسام كانت بتكلم مين يا ترى.!؟

ومحمد هيعمل اى مع وسام!؟

كل دا هنعرفه البارت الجاى.. هههههه

وبالنسبه للمواعيد...هتكون كل سبت وتلات بارت واحد...وهنزلكم بارت تاتى بكرا..

بااى حبايبي😘

************************************
#الصغنن❤