مجنونه ملكت قلبي❤

الفصل ال 14

-قاعدة فى البلكونه وبتشرب نسكافيه وبتقرى روايه ومندمجه اوى... لحد ما تيجى رساله تفصلها من انسجامها
مجهول: انتى لازم تموتى وموتك هيكون على ايدى
-وسام اتخضت وخافت من الرساله
وسام في نفسها:هو مين دا...وقصده اى موتى على ايده وانى لازم اموت....(بعد ما هدت نفسها وفكرت) اكيد حد فاضي وبيهيف...خلينى انام انا بدل لعب العيال دا
-راحت وسام ونامت وجى يوم جديد ودا طبعا اليوم السادس للرحله وكانو رايحين بليل دريم بارك...بس دلواقتى هيقضوا اليوم على الشط....صحيت وسام بدرى ولقيت دنيا نايمه
وسام بملل:انتى هتفضلى نايمه كدا كتير😢
-وفجأه لمعت عين وسام وفكرت في حاجه
وسام بصوت واطى: دنيا دنيا اصحى دنيا
دنيا بنعاس: اى... في اى
وسام بخوف وبحذر: اوعى تتحركى اثبتى مكانك
دنيا بقلق: اى في اى
وسام بزعيق وخوف: حااااسبي
دنيا وقامت بسرعه: ااااااااااه.... في اى
وسام بجديه: مش عارفه في اى
دنيا: اى في
-شافت دنيا وسام راحت للسرير وبتعدل السرير
وسام ببراءه: كنتى هتكرمشي السرير
دنيا بصدمه: نعم!!!!
وسام: خلاص ولا يهمك... كملى نور يالا
دنيا بعصبيه وبتضرب وسام بالمخده: تصدقي انك باردة... انا عمرى ما شفت في برودك... انتى معموله من اى... غووورى يااشيخه.. حرام عليكى طيرتى النوم من عينى... دى عامله دى
وسام ومش قادرة تمسك نفسها من الضحك وبتحاول تبعد دنيا اللى بتضربها: خلا..... ههههه... خلاص... كفا... ههه.. كفاايه... وبعدين كل دا نوم... هههههه
دنيا بعصبيه: وساام امشي من قدامى... مش عايزة اشوف وشك... سامعه
وسام: ههههههههه... طيب يالا عشان نازلين البحر
دنيا بانفعال: مالكيش دعوة... هنزل وقت ما احب
وسام: هههههه... يعنى مش نازله
دنيا: لا
وسام: حرام عليكى كنتى قولى من الاول بدل التعب اللى تعبته دا
دنيا وبترمى المخده على وسام: وساااام امشي من قدااامى
وسام وهى بتجرى: هههههههههههه
-

لبست وسام وطلعت وراحت لدعاء ونور وسابت دنيا اللى رجعت تنام تانى....
نور:صباح الخير ويسو
وسام:صباح النور يا قلب ويسو....امال فين دودو
-دعاء اول ما شافت وسام جريت عليها و وقعتها على الارض ومسكتها من رقبتها.....
دعاء بعصبيه:انتى ازاى تعملى فيا كدا...انتى لا يمكن تكونى طبيعيه بجد...ليه كدا
نور:اهدى يا دعاء اى اللى حصل
دعاء لنور:اسكتى انتى خاالص واطلعى برا الموضوع
وسام بخوف:كح كح...اى يا دودو..كح كح...اى اللى جرا بس...كح..حصل اى
دعاء: مش عارفه اى اللى حصل... هاا.. هااا... مين اللى حكلى المخدر في العصير اللى شربته
وسام: كح.. كح... هههههه... كح.. هو انتى افتكرتى
.. ههههه.. كح.. كح
دعاء بعصبيه: انتى بتضحكى!!!... يا برودك يا شيخه
وسام: ممكن تجيبيلي بوق ميه يا نور... كح كح.. عشان مش عارفه اخد نفسي
دعاء: ميه اى... انتى في ولا اى... انا خلاص اخدت قرار... موتك هيكون على ايدى ودلواقتى
وسام بتفكير: امممم.. انا بقيت بسمع الكلمه دى كتير هو في اى
دعاء: يااباااااي. عليكى.... ما تبقي جد مرة في حيااتك
وسام: ههههه.. كح كح.. حاضر... قوليلي عايزة اى بقا
دعاء وهى لسه ماسكه وسام من رقبتها: ليه حطتيلي مخدر
وسام وهى بتمسك ايد دعاء: طيب ممكن... كح كح... ممكن تبعدى ايدك دى... كح... همووت
دعاء وبعدت: اخلصي قوولى
وسام وحاطه ايدها على رقبتها وبتاخد نفسها: اااااه... انا شوفت شريط حياتى قدام عنيا
دعاء بعصبيه: اخلصيييي
نور: انتى شكلك عايزة تموتى انهاردا... ماتقوليلها وبطلى برود بقا
وسام: ههههه.. اوك اوك... بصي بقا... حكايه المخدر دى مش زنبي
دعاء: ازاى🤨
وسام: انتى اللى طفسه مش مشكلتى
دعاء بنفاذ صبر: وضحى اكتر
وسام: فاكرة العصير اللى انتى شربتيه منى لما كنا في الحفله
دعاء: اه
وسام: للاسف دا كان فيه مخدر... وكان لمحمد ومش ليكى... بس انتى اللى شربتيها وما استنتيش
دعاء وابتدت تركب الاحداث على بعض وافتكرت اصرار وسام لما رفضت تديلها العصير: طيب ليه ما قولتيليش
وسام: انتى ما اديتنيش فرصه
-في الوقت دا دنيا جات
دنيا:اى متجمعين كدا ليه
نور:اصل دعاء كانت بتروق وسام
دنيا:اى دا بجد...ومأتصلتوش بيا ليه
نور:اسكتى دلواقتى مش ناقصه هيافه
دنيا:ليه
نور:ما انتى ما تعرفيش اللى حصل
دنيا حصل اى
نور:دعاء افتكرت اللى حصل معاها في الحفله
دنيا بصوت عالى:اى دا بجد يا دودو افتكرتى😃
دعاء ورفعت راسها لدنيا بسرعه:انتى كنتى عارفه
دنيا بخوف:ا..ااه..كلنا..كنا عارفين
نور:🤦🏻‍♀️..الله يخربيتك هتودينا في داهيه
-دعاء قعدت وحطت ايدها على وشها
دعاء: ااااااه
نور: اى مالك
دعاء: انا عملت مصيبه كبيرة
وسام: ليه عملتى اى
-حكت دعاء لنور ووسام ودنيا على اللى عملته في الحفله واللى قالته لادهم
نور: اى!!؟... انتى بتقولى اى
دعاء: زى ما سمعتى
وسام: طيب وهو فاكر ولا لا!؟
دعاء: معرفش... هو ماقاليش حاجه عن الموضوع دا... بس كان دايما بيلمح للموضوع وانا ما كنتش فاهمه ولما قررت اسأله اى اللى حصل اليوم دا كدب وقالى انك كنتى بتخرفي وبس
دنيا: خلاص اتعاملى كأن الموضوع ما حصلش... لان هو اكيد مش هيقولك عشان فاكر انك مش متذكرة حاجه... ومش هيعرف انك افتكرتى كل حاجه... ولا اى
نور: دنيا معاها حق.... اتعاملى عادى
دعاء: مش هعرف
وسام: ياا بنتى عادى هتعرفي... خدى انتى بس الموضوع ايزى
دعاء وقامت لوسام: انتى تسكتى خاالص لان بسببك انا اتحطيت في الموقف الزفت دا.... لو ما كنتيش شربتينى الزفت العصير ما كانش حصل حاجه
وسام وبترجع خطوة كل ما دعاء تقرب: خلاص يا دودو... غلطه ومش هتحصل يا حبي
نور: خلاص اهدو... ويالا يا دودوعشان ننزل عشان منتأخرش
دعاء وهى بتبص بشر لوسام: ايوة... يالا
وسام لدنيا: دا انا كنت خلاص حسيت انى مش هطلع من الاوضه دى على رجليا
دنيا:ههههههه...اسكتى خلاص عشان ما تغيرش رائيها
وسام بخوف:على رائيك
-نزلت البنات
وسام:الجو حلو اوى انهاردا
دنيا:اه جميل
ادهم:اى دا صاحين بدرى يعنى
نور:اذيك يا ادهم
ادهم:كويس الحمد لله انتى اخبارك اى
نور:كويسه الحمد لله
ادهم:اذيك يا دعاء
دعاء وهى متنحه:😲....
ادهم باستغراب:دعاء انتى كويسه🤨
دعاء بعد مانور ضربتها في ايدها من غير ما ادهم يا خد باله:اى..اه..اه..كوي..كويسه...انت اخبارك اى
ادهم:متخافيش...انا بخير طول ما انتى بخير
دعاء في نفسها:انت طلعتلى من فين...كان لازم تظهر دلواقتى
دعاء:يارب دايما
وسام بمرح:احم احم...احنا هنا برضوا مافيش عامله اى يا وسام اوعامله اى يا دنيا
ادهم: اه... هههههه.. اسف سامحينى... عامله اى
وسام: تمام الحمد لله
ادهم: وانتى يا دنيا اخبارك اى
دنيا: هههه.. تمام الحمد لله
ادهم: ماشفتيش اسر يا دنيا!؟
دنيا: اسر!!؟.. لا... ليه
ادهم:اصله مختفي من النهار... فاقولت يمكن انتى تعرفي عنه حاجه
دنيا: وانا اعرف من فين... اذا كنت انت مش عارف هعرف انا ازاى!؟
ادهم: لا اصله...
محمد بمقاطعه: اى اللمه دى... وسام ماتت ولا اى
وسام بانفعال: دا بعينك انى اموت... وحتى لو مت... عفريتى هيطلعلك ومش هخليه يسيبك في حالك👻
محمد بصوا واطى: ياحول الله هو انا مش ناوي اخلص منها ولا اى
وسام: بتقول حااجه.. على صوتك وسمعنى
محمد: لا بقول بعد الشر عليك من الاذى😇
وسام: بحسب😒
مازن: ماخلاص انتو الاتنين.. دا انتو عاملين زى توم و جيري ما بتسكتوش خاالص
وسام: هو اللى حيوان ومستفز
محمد: انت مش شايف ان لسانها طويل وعايز يتقص
مازن: خلاااااااص... انا اسف انى ادخلت... بس ابوس ايديكم اهدو اهدو
وسام وهى بتمدله ايديها: بوس✋🏻😒
مازن: نعم ابوس اى.... لاااا كمل براحتك يا محمد ولا كأنى ادخلت
محمد: ههههه... ما كان من الاول
مازن: اذيك يا نور... عامله اى
نور من غير ما تبصله: كويسه الحمد لله
اتنهد مازن تنهيدة طويله و: عن اذنكم عشان ورايا حاجه لازم اعملها
محمد: اوك خدنى معاك عشان انا كمان ورايا حاجه
مازن: اوك يالا
ادهم: وانا اسيبكم بقا تاخدوا راحتكم... سلام
البنات: سلام
وسام: نور انتى كويسه انتى ومازن!؟
نور: كويسين ازاى
دنيا: انتو زى ما تكونو اتخانقتوا
نور: عادى يعنى ما تشغلوش بالكم
دعاء: خلاص سيبوها دلواقتى
نور: طيب ياالا نعمل حاجه... هو احنا هنفضل كدا ولا اى
وسام: انا عايزة افطر ما فطرتش😢
نور: ههههه.. اوك يالا عشان انا كمان جعانه برضوا
-راحو لمطعم الاوتيل وطلبوا اكل والاكل وصل واكلو وهزروا وانبسطوا بس وهما قاعدين جات ماسج لوسام
مجهول: بتمنى يكون الاكل عجبك... بس ما خفتيش وانتى بتاكلى لا الاكل يكون مسموم
وسام بخوف: اى 😨
-وجريت على الحمام و البنات استغربوا منها وراحوا وراها وهما قلقانين عليها
دعاء: وسام مالك
-راحت وسام على الحمام وحاولت ترجع اللى اكلته وقدرت ورجعته
وسام بتعب: بس هو عرف مكانى من فين
دنيا:هو مين!؟
-حاولت وسام انها ترن على الرقم.....
وسام: الو
المجهول:........
وسام بعصبيه: انت مين وعاايز اى
المجهول:......
وسام: ما ترد انت سااكت ليه
المجهول:....
وسام: تصدق انك جبان... لانك مش عايز ترد.... رد وواجهنى يا جبان بدل ما انت عمال تبعت في رساايل... اكيد مش قاادر تتكلم لانك مش هتقدر تواجهنى اساسا.... على العموم هى كلمه واحدة ابعد عنى وبطل لعب العيال دا
-وقفلت وسام السكه في وشه
دعاء: وسام اى اللى جرا... ومين دا
وسام وحكت لدعاء والبنات الموضوع: بس... ومش عارفه مين الرقم دا ومعرفش اذا كان بجد تهديد ولا لعب عيال
دعاء: اكيد لعب عيال... اهدى انتى بس
نور: اهدى يالا وتعالى اجيبلك حاجه تاكليها بدل اللى رجعتيه دا
وسام: لا مش عايزة
دنيا: احنا هنلعب ولا اى... بت انتى يالا وهتاكلى... انتى سامعه ولا لا
وسام: حاضر
--------------
ميار: اذيك يا مودى قاعد لوحدك كدا ليه
-محمد اول ما شاف ميار قفل التليفون بسرعه
محمد بتوتر: اى.. اذيك يا ميار عامله اى... اى اللى جابك
ميار بشك: كويسه... بس هو انت كنت بتعمل اى لدرجه انك خبيت التليفون فجأه لما جيت
محمد: ههههه... لا مافيش حاجه... وبعدين مهما كنت بعمل... دا شيء ما يخصكيش☺️
ميار بنرفزة: مااشي
-وسابته ومشيت
مازن وهو داخل شاف ميار طالعه وشايطه: مالها دى شايطه ليه
محمد: ما تاخدش في بالك... المهم مالك انت ونور في اى... شكلكو ما كانش عاحبنى انهاردا... هو حصل اى
مازن: مافيش يا عم... ما تشغلش بالك
محمد بشك: ماازن.... هو اى اللى جرا بالظبط
-مازن وحكى كل حاجه لمحمد وعن اتفاقه مع حسام
محمد: انت غبي... انت ازاى تعمل كدا.... انت عارف اللى عملته دا اى... انت كدا بعدت نور عنك نهائى
مازن بحزن وندم: خلاص كفايه عتاب والنبي... انا بجد مش قادر اسامح نفسي من وقتها... انا بجد ما كانش لازم اسمع كلام الزفت حسام دا
محمد وهو بيربط على كتف حسام: خلاص اهدى انت بس
مازن: اهدى اى.... نور لا يمكن تسامحنى
محمد بثقه: لا هتسامحك
مازن: ازاى... انت ماشفتهاش
محمد: اقولك انا..........................
مازن بفرح: ياابن الايه..... بس تفتكر هتسامحنى لو عملت كدا
محمد بثقه: اكيد يا بنى 😌
مازن وهو بيحضن محمد: بالحضن يا ابو حودة
محمد بأختناق: اااه... ابعد ابعد... بدل ما اغير رائى واخليها تقلب عليك اكتر
مازن وهو بيبعد عن محمد بسرعه: لا وعلى اى.... اهو خلاص
محمد: ههههههه... ايوا كدا
-------------
مس هاله: يالا عشان هنتحرك
الكل: حاضر/اوك
-ركبو كلهم الباص واتحركوا وطول الطريق ووسام بتفكر في الرقم اللى بيبعتلها رسايل تهديد دا... لحد ما بعت ماسج تانى
مجهول: انا من رائى ما تنزليش من الاتوبيس وتقعدى في اماكن عامه لانك لو اتخطفتى وقتها محدش هايسأل عنك ولا هيحس بيكى وخصوصي لو لعبتى....وقتها لو مثلا اللعبه وقعت بيكى وموتى...هايقولو حادثه وممكن تحصل عادى
وسام: انت مين وعايز اى
-وماوصلش رد لوسام ........بعد شويه وصل الاتوبيس مدينه الملاهى ونزلت وسام ودنيا وباقي البنات
محمد:وسام مالك انتى كويسه
وسام بخضه:اااه....محمد!!؟
محمد باستغراب:ايوا...مالك انتى كويسه
وسام:اه اه كويسه
دعاء:يالا يا وسام...مش جايه ولا اى
وسام:لا جايه....عن اذنك يا محمد
محمد:اكيد.... اتفضلى
نور:نبدأ من فين بقا
دعاء:امممممم...معرفش
دنيا:انا اقولكم تعالو انتو بس ونشوف
وسام:بقولكم...ماينفعش تروحوا انتو وانا هقعد في الكافيه
نور:ليه
وسام:ماليش نفس....هقعد في الكافيه اشرب حاجه واستناكم
دنيا:لا قولى الكلام دا لحد تانى....يالا
وسام:بجد مش عايزة
دعاء:خلاص روحوا انتو وانا هقعد معاها
وسام:لا عشان خاطرى روحوا وانبسطوا ما تخلونيش احس بالذنب
دعاء:يا وسام بس...
وسام:ولا بس ولا حااجه...انتى هتروحى يعنى هتروحى..ودا قرار نهائى اوك
دعاء:اوك....على راحتك....بس لو حصل اى حاجه اتصلي بينا....تمام
وسام:حاضر
-رحوا دعاء ودنيا ونور وسابو وسام في الكافيه...
.....:بووو
وسام بخصه وصريخ:ااااااااااه
محمد وهو بيكتم بوق وسام:يخربيتك...اهدى اهدى...دا انا...هتفضحينى ويقولو خاطفك
وسام وهى بتضرب محمد على كتفه: ياااخى حراام عليك انت اى....قطعت نفسي الله يخربيتك
محمد:هههههههههههه...خلاص اهدى...اصل لاقيتك سرحانه
وسام: مالكش دعوة
محمد وهو بيسحب كرسي ويقعد مع وسام: طيب...قوليلي بقا قاعدة هنا بتعملى اى
وسام باستغراب: وانت مالك🤨
محمد: انا كويس الحمد لله وانتى
وسام: لا انا مش بسألك عن احوالك...انا بهزءك
محمد: ربنا يخليكى يا رب
وسام: ياااررربي...انا مااشيه
محمد وهو بيقعد وسام تانى:هههههههه..خلاص خلاص...اقعدى....بس بجد قاعدة هنا ليه
وسام: عادى يعنى...هو لازم يبقي في سبب عشان اقعد في الكافيه
محمد: لاء بس من اللى عرفته عنك...انك هبله وعبيطه وخنكه....يعنى لو قعدتى في مكان زى الملاهى دا...مش هتسيبى لعبه من غير ما تركبيها...ولا انا غلطان
وسام: اه..ااه...بس...عا...عاادى يعنى...مش مشكله لما اقرر انى اعقل اليوم دا
محمد:لا قرار انك تعقلي وخصوصي في يوم ومكان زى دا....يعتبر حنان لوحدة
وسام بنفاذ صبر:انت عايز اى يعنى
محمد: بتحداكى من دلواقتى....تركبي معايا كل اللعب اللى موجودة هنا...هااا قولتى اى
وسام:وانا اوافق ليه
محمد: يبقي خايفه😏
وسام:موافقه
محمد: هههههه...طيب يالا
-قاموا وسام ومحمد واول حاجه جم يركبوها....
وسام بخوف:هو احنا هنركب دى
محمد: ههههههه....انتى لحقتى تخاافي...اه هنركبها ليه
وسام:بس مش المفروض يعنى لعبه مبيرة زى دى تفضل للاخر...بحيث ان احنا نتفرج على جمال شرم بعد ما نخلص
محمد: وسام انتى بتخافي من الساقيه!؟🤨
وسام بانفعال: مين..انا!!؟..طبعا لاء..اخااف ليه ومن اى...لا طبعا مش بخااف
محمد :ههههههه...طيب يالا
-ركب محمد هو ووسام الساقيه واول ما ركبو وسام فضلت ماسكه في الباب وكل ما تطلع لفوق تغمض عينيها ومحمد يضحك عليها
محمد:هههههههه....خلاص افتحى عينك نزلنا
-وسام وفتحت عينيها واتفجأت انهم في الهوا فوق راحت مغمضه عينيها بسرعه
وسام بصريخ:ااااه.....والله لو ما سكت يا محمد لاكون رميااك من هنا واقول حادث وحصل
محمد وفطسان على نفسه من الضحك: ههههههههههههههه...خلا..ههههههههههه...خلاص
-فجأه وهما فوق الساقيه وقفت
وسام بخوف وعى لسه مغمضه عينيها:هو اى اللى حصل
محمد: تقريبا في حاجه عشان وقفت
وسام بخوف وهى لسه مغمضه عينيها:اى وقفت يعنى اى
-وابتديت في العيااط:اهىء اهىء...لااا انا عايزة انزل....اهى اهى...ماليش دعوة نزلونى
محمد: هههههههههههههههه...هههههههههه... مش قادر...هههههه
وسام بزعيق:انت بتضحك على اى....متعلقين في الجو وبتضحك
محمد: ههههههههه...اعيط معاكى مثلا....والله اامنظر حلو...افتحى انتى عينيكى بس
وسام باصرار: مستحيل...دا على جثتى
محمد: هههههه.. خلاص براحتك
-فجأه الساقيه رجعت تتحرك تانى
وسام: هننزل خلاص...الحمد لله...الشكر ليك ياارب
محمد:هههههههه...يا بنتى انتى مأڤورة كدا ليه....دى الساقيه وقفت عادى
وسام:بالنسبه ليك...مش ليا
محمد:ههههه...خلاص وصلنا اهو
-نزلوا من الساقيه واول ما وسام نزلت فضلت تدعى وتقرا قرآن وتحمد ربنا
محمد: ههههههه...محسسانى اننا كنا بنحارب الموت
وسام:انت تسكت خالص
محمد باستفزاز:هههههههههههه...ماشي...بس يالا دلواقتى عشان انتى في تحدى معايا انك تركبي كل اللعب معايا
-راحت وسام هى ومحمد وركبوا كل الالعاب ووسام كانت مبسوطه شويه ومرعوبه شويه لحد ما جى دور اخر لعبه.....
محمد:ههه..مش يالا ندخل
وسام بخوف: ند..ندخل..في..فين
محمد بنبرة مخيفه: بيت الرعب
وسام: لا..لا...بص..انا وافقت ادخل كل اللعب...بس لحد هنا واستوب...انا عمرى ما داخلتها...اجى دلواقتى وادخلها...لا...طبعا لا...انا مش داخله
محمد:انتى خايفه ولا اى😏
وسام بانفعال وتوتر:خايفه!!!...واخا..اخااف من اى
محمد: هههههههه...طيب يالا طالاما مش خايفه
-وسحبها من ايديها....ودخلو وقعدوا في مكانهم ووسام كانت مرعوبه بس مش عايزة تبين...بس محمد كان عاارف انها مرعوبه ...واول ما دخلو وهى مغمضه عينيها
محمد:هههههههه....انا مش عارف فين المتعه وانتى مغمضه عينك في كل حاجه....افتحيها يالا...بجد مافيش حاجه تخوف دا كلام فاضي
-ابتديت وسام تفتح عينيها بخوف واول ما فتحتها شافت واحد مرعب قدامها....قامت مصرخه ومااسكه في دراع محمد جامد
وسام: اااااااااااااااااااااااه
محمد: الله يخربيتك ودنى بااظت منك
وسام: اهى اهى...انا عايزة اطلع مم هنا..اهى اهى...طلعوونى
محمد: ههههههههه...يخربيتك هتفضحينا
وسام:اهى اهى...انا عايزة اطلع..اهى اهى
محمد:خلاص خلاص..ههههههههههه...طالعين اهو
-فضلت وسام مغمضه عينيها ومكلبشه في ايد محمد ومخبيه وشها في كتفه ومحمد كل شويه يبص عليها ويضحك لحد ما طلعو...
محمد: مش خلاص ولا اى....وصلنا..هههههه
وسام وهى بتفتح عينيها براحه وتمسح دموعها: اه الحمد لله
محمد:طيب ممكن اخد دراعى بقا😏
وسام: دراعك🤨!!؟...ومال دراع..
-واخدت وسام بالها انها حاضنه دراع محمد..راحت سابته بسرعه
وسام بكسوف: احم احم..انا اسفه ما اخدتش بالى
محمد: ههههههههه..طيب يالا
-وسحبها من ايديها وطلعو و قعدوا على كنبه في الجنينه
محمد: استنى انتى هنا هجيب ايس كريم واجى..تحبيها اى
وسام:ڤانيليا وشيكولاته صوص شيكولاته
محمد:اوك...ثوانى واجى

ووهى قاعدة ميار جات لعندها: هااى ويسو
-وسام طبعا مش بتحبها وولا بتطيقها
وسام: اذيك يا ميار
ميار: اقدر اقعد جمبك ولا لا
وسام: اكيد اتفضلى
ميار: احكيلي بقا
وسام: احكيلك اى🤨
ميار: اى حكايه محمد بقا😉
وسام: قصدك اى
ميار: انتى فاهمه قاصدى كويس
وسام: لا مش فاهمه بجد... ممكن توضحى
ميار: قصدى ان تقريبا الكل عرف ان انتى ومحمد في حاجه بينكم.... هو فعلا كدا ولا اى!؟
وسام: حاجه اى... انتى بتخرفي تقولى اى.... مافيش حاجه بينى وبين محمد خاالص.... روحى شوفي مين ضحك عليكى.. محمد مجرد زميل عادى... ومااافيش حاااجه... انتى سامعه
ميار: خلاص اهدى.... انا بس جيت اقولك اللى سمعته برضوا
وسام: متشكرين... اتفضلى شوفي وراكى اى
م

يار: اوك...باي
محمد: مالاقيتش صوص شيكولاته رحت جيبته فراول......
-ما كملش محمد كلامه لانه مالاقاش وسام قاعدة راحةقلق... فضل يدور على وسام مالاقهاش.... بعدها قابل دنيا ونور ودعاء
محمد بتوتر: اذيكم عاملين اى
دعاء: تمام الحمد لله
محمد: ماشوفتوش وسام!؟
نور: قاعدة في الكافيه من الصبح... اكيد هتلاقيها هناك
محمد: كافيه اى.... يعنى انت ماشوفتوهاش من وقتها!؟
دنيا: لا... ليه... هو في اى بالظبط
محمد: مش لاقي وسام... كانت معايا وسيبتها على الكرسي وروحت اجيب ايس كريم ورجعت ما لاقيتهاش
دعاء: قصدك اى!!؟... ازاى!؟
محمد: زى ما بقولك... عشان كدا افتكرتها جاتلكم
نور: ماجاتش لاء
دنيا: انا هرن عليها
-رنت دنيا... ووسام مش بترد
دنيا بقلق: مش بترد
محمد: ورينى
-اخد محمد التليفون من دنيا وحاول يرن وهى مش بترد فضل يرن ويرن لحد ما ردت
محمد بقلق: الو... وسام انتى فين... ومش بتردى على تليفونك لي
مجهول: وسام معايا.. يعنى تقدر تقول مخطوفه... واحب اقولك انى مش ناوى ارجعها وحاجه كمان... بالاش تدخل البوليس عشان متلاقيش جثتها على الطريق العام
-وقفل
محمد بزعيق: الو.. الووو.... مين معايا... الو
دعاء: في اى
نور: مين اللى رد
دنيا: وبتزعق ليه... هى وسام كويسه
محمد بصدمه وتوهان: وسام اتخطفت
نور ودعاء ودنيا: اى!!!!!!؟؟؟؟ 😲😲😲

-معلش انا عارفه ان انتو كنتو متوقعين حاجه تانى وان دا مقلب....بس معلش لازم اطلع برا الصندوق...في الاول والاخير انا محدش يتوقعنى😅😅😅

*******************************************
#الصغنن❤