مجنونه ملكت قلبي❤

الفصل الخامس

-قضوا بقيه اليوم سوا ضحك وهزار من غير مشاكل لحد ما روحوا وخلص اليوم و جى يوم جديد على ابطالنا....

دنيا: الو

مازن: الو يا دنيا عامله اى

دنيا: كويسه الحمد لله انت اخبارك اى

مازن: انا تمام الحمد لله.... عملتى اى مع وسام

دنيا بعد تنهيدة طويله: بتقوله شكرا مافيش داعى يعتذر ورافضه تسمع كلمه عن الموضوع

مازن: والعمل!؟

دنيا: انا من رائى سيبوها خلاص.... وسام طالاما عملت كدا يبقي مش عايزة تفتكر الموضوع اساسا وعايزة تشيله من دماغها.... يبقي بالاش تضايفوها

مازن: حاضر يا دنيا.... باي

دنيا: باي

-راح مازن الصالون لاقاهم كلهم قاعدين

مازن:انا كلمت دنيا

اسر: اى.... كلمت دنيا!؟

مازن: اه

ادهم: وقالتلك اى

مازن: وسام رافضه انها تسمع كلمه عن الموضوع ومش عايزة حد يعتزرلها خلاص

محمد: كويس ريحت

مازن: ياخى انت اى... بقي انت الغلطان وكمان مش هامك الموضوع

محمد: يعنى عايزنى اعمل اى... اروحلها وانزل على رجلى واقولها لو سمحتى اقبلي اعتذارى واسمعينى وانا بجد اسف ومش هعمل كدا تانى

مازن: انت ليه شايف انى بهزر.... على فكرة الموضوع بجد وانت هنتها قدام الناس وسبتها تمشي

محمد: امال كنت عايزنى اعمل اى امسك فيها اقولها والنبي ما تمشي خليكى معايا

ادهم: بس خلاص.... انتو هتتخانقو ولا اى

مازن: انت مش شايف يا ادهم

ادهم: خلاص يا مازن... محمد مش صغير عشان نفهمه الصح من الغلط وهو عارف اللى عمله دا اى ولو حس انه غلط.... من غير ما اى حد ينبهه هو بيروح ويعتزر لوحدة وخلاص كفايه كده اقفلو الموضوع

مازن: حاضر يا ادهم.... انا هروح مشوار كدا وراجع

ادهم: خد راحتك

محمد: وانا طالع اريح شويه عشان تعبان

اسر وادهم: الف سلامه عليك

محمد: الله يسلمكم

ـــــــــــــــــــــــــــــــــــــــــــــــــــــــــــــــ

نور: ويسو بقولك سمعت انهم عملو رحله عندنا في الجامعه لشرم الشيخ لاسبوع.... هتطلعوا مش كدا

وسام: مش عارفه هشوف بابا الاول دا غير ان الرحله دى هتبقي مشتركه

نور: يالا واحنا مالنا احنا عايزين نطلع ننبسط واى واحد هيقل ادبه متخافيش دعاء موجودة وهتسكته...دى مش بعيد تخليه ياخد خرزتين في دماغه....هااا قولتى اى