مجنونه ملكت قلبي❤

الفصل ال 38

.
.
.
.
يا جماعه سورى بس قبل ما ابدأ في نقطه انا غلطت فيها البارت اللى فات..وصديقتى دندون هى اللى وضحتهالى.. ميرسي يا حبي❤😘.....انا اسفه بس خطيبه احمد اسمها ميادة اللى هى اخت مراد...مش سما...اسفه بس دا خطا منى انا...اصل كنت بفكر اربط سما بمين...فا الاسامى دخلت في بعض اسفه كمان مرة 😂😅...انا عدلت الغلطه دى خلاص...بس اللى كان قرا البارت ..حبيت اعرفكم عشان ما تتلغبطوش بس
.
.
.
.
************************************
.
.
.
مراد باستغراب: انت بتعمل اى هنا
محمد بابتسامه وهو بيحط ايدة على كتف وسام: جاى مع خطيبتى... انت ما تعرفش اننا اتخطبنا ولا اى
مراد: لا...انت كداب
محمد: لو مش مصدق تقدر تسألها بنفسك
مراد بصدمه: مستحيل... وسام... وساام الكلام دا صحيح.!؟
وسام: ايوة... صحيح.. محمد يبقي خطيبي
مراد بعدم تصديق: لا... مش ممكن... اكيد بتهزرى صح
-بصلها مراد بأمل انها تقوله ايوة بهزر... بس مالقيش منها رد.. عرف انها بتتكلم جد
مراد: ازااى... بعد ما خطفك وبهدلك وزلك... وفي الاخر توافقي على خطوبتك منه.!!؟
وسام بهدوء: مراد.. اسمع بس..انا...
مراد بمقاطعه وزعيق ودموع: انتى تسكتى... بقا بعد كل التغير اللى عملته عشانك والتعب اللى تعبته عشان اعرف اوصلك بعد ما الحيوان دا خطفك وحاولت اتقرب منك كتير وفي الاخر تقوليلي انك بقيتى خطيبته
محمد بغضب وهدوء قاتل: احترم نفسك واعرف انت بتكلم مين... اللى بتكلمها دى تبقي خطيبتى ومراتى مستقبلا... يبقي تعمل الف حساب وحساب وانت بتكلمها ساااامع
مراد برفض: بس انا مش هسكت وهوريكم.... وهتشوفو وشي التانى
-مشي مراد من قدامهم وسابهم... اول ما مراد بعد عنهم زقت وسام ايد محمد اللى على كتفها بغضب
وسام بعياط وغضب: خلااص... ارتحت كدا... عملت اللى في دماغك... طلعت مراد من حياتى.... سيبنى بقا في حالى... ابعد عنى بقا
محمد بغضب: وانا مش هسيبك يا وسام... انتى هتكونى ليا بمزاجك او غضب عنك.. وخطوبتنا هتستمر... والفرح هيكون في اقرب وقت.. ومن هنا ورايح تعملى حساب انك مسئوله منى... يعنى لبسك.. خروجك.. كلامك.. مقابلاتك.. كلها تكون بأذنى.... اظن كلامى وضح
وسام: هنشوف
-مشيت وسام ودموعها في عنيها... وكلمت مامتها وقالتلها انها تعبانه وهتروح البيت.. وماتقولش لاحمد انها مشيت عشان مايزعلش...ردت عليها والدتها وطمنتها.. وقالتلها اروح ترتاح... طلعت من القاعه ووقفت اول تاكسي قابلها... وروحت على البيت
------------
-كانوا قاعدين... نور ومازن ودنيا واسر... شويه وانضم ليهم ادهم ودعاء..
ادهم: انتو لسه زى ما انتم من وقت ما سبناكم
اسر بابتسامه وبيبص لدنيا: لا حصلت شويه تعديلات
ادهم باستغراب: تعديلات اى
اسر بابتسامه: اصلى خطبت
ادهم: هههههه... يبقي الف مبرووك
اسر: الله يبارك فيك
دعاء: الف مبروك.. بس خطبت مين
-بص اسر لدنيا بطرف عينه بابتسامه... دعاء فهمت انها دنيا لانها كانت بتنفخ منه
دعاء لدنيا بهمس: طيب مش تقوليلي... بدل ما اسمع من الغريب
دنيا بغضب: دعاء... اسكتى لاكون مكسرة دماغك دلواقتى..(وبغرور وصوت عالى).. ومين قالك انى هوافق اصلا
اسر باستفزاز: خلى رائيك لنفسك.. لانك.. قولتى لاء.. او اه... هتكونى ليا
نور بضحك مكبوت على شكل دنيا اللى شويه وهتنفجر فيزحد من كتر الغضب: خلاص يا جماعه.. الناس تقول علينا اى.. اعقلو شويه
اسر: اه والنبي قوليلها يا نور... انا مش عارف هى مستقويه عليا ليه.. دا انا احيانا بحس انى غلبان جمبها
دنيا بصدمه: انت... انت غلبان... اشك انك تعرف حاجه اسمها غلابه
البنات والشباب: هههههه
دعاء باستغراب: امال فين وسام
نور: المفروض مع ميادة.. بس طولت اوى... هروح اشوفها
دعاء: اوك
مازن: ما تتأخريش
-اتجاهلته نور وراحت تشوف وسام مالقيتهاش.. راحت سألت مامتها قالتلها انها روحت عشان تعبانه.. رجعت للبنات ولقيت محمد قاعد معاهم.. بقيت تبصله بغضب
دنيا: لقيتيها.!؟
نور ونظراتها على محمد: لا... مامتها قالتلى تعبت وروحت
دعاء: بس ماقالتلناش ليه
نور: معرفش... بس يالا لازم نروحلها
مازن وقام: يالا طيب انا هوصلكم
اسر: لا خليك انت... انا هوصلهم
ادهم: خليكم انتو الاتنين.. انا رايح اوصلهم
-فضلو الشباب يتكلموا على اللى هيوصلهم.. ومحمد قاعد بيتابعهم.... البنات لما لقيوهم كدا... شاورتلهم دنيا.. واتسحبوا ومشيوا واخدوا تاكس وطلعوا على وسام
محمد: هههه.. لو خلصتوا خناق.. كل واحد يروح يشوف حبيبته راحت فين
-بصوا الشباب حواليهم وعرفوا انهم مشيوا... كل واحد رن عليها.. وعرفوا انهم اخدوا تاكس و وصلو خلاص
مازن: شوفت.. اهم مشيوا بسببك
اسر: بسببي انا... وليه ما يكونش بسببك
-وابتدى الجدال من جديد
--------------
-وصلت البيت.. واول ما دخلت انهارت في العياط... مش مصدقه ان هو دا محمد.. اللى كانت بتكن ليه مجرد اعجاب.. بس هو قضي على الاعجاب دا... ايوى... هى من ايام الجامعه وكانت بتحب الهزار معاه ومقالبه... بس هو بشكوكه واتهاماته ليها خلاها تكره.. واهى كرهته اكتر كمان.. بعد ما خلاها تبان وحشه في عين مراد وكسرت قلبه... هى كان ممكن تفهم مراد بطريقه احسن من دى... بس هو خلاها تكسر قلبه بطريقه وحشه.... دخلت بيتها وطلعت غيرت هدومها ومسحت الميكاب... ودخلت اخدت شور تريح اعصابها شويه... وطلعت غيرت هدومها ورمت نفسها على السرير تفكر في الاحداث اللى مرت عليها من وقت ما عرفت محمد لحد اليوم..... ما تعرفش فضلت تفكر قد اى... لحد ما سمعت الجرس بيرن... راحت تفتح.. واتفجأت بصحابها اللى اول ما شافوها نزلو فيها اسأله وعتاب لانها مشيت من غير ما تقولهم وفي نفس الوقت كانوا بيسألوها عن صحتها وهى عامله اى... ما تنكرش انها فرحت من اهتمامهم بيها.. لدرجه انها ابتسمت بطلقائيه على كلامهم وتهزيئهم ليها وما ركزتش على كلامهم بعدين..لانها كانت بتفكر ازاى عندها صحاب بيخافو عليها بالشكل دا وبيحبوها وهى مش حاسه...عشان كدا اخدت عهد على نفسها انها تحاول تعمل المستحيل علشانهم...ومستحيل تخلى حد يقرب منهم او يأذيهم واولهم محمد...ودا كان اثبات انها كانت صح لما ما اترددتش وقبلت بمحمد عشان ما يأذيش ادهم خطيب دعاء
دنيا: وكمان بتضحكى... يا برودك يا شيخه... حرام عليكى القلق اللى عملتيهولنا
وسام: هههههههه.. خلاص... تعالو ادخلو الاول وبعدين كملوا تهزيق
-دخلو البنات وطلعوا على اوضه وسام وقعدوا يسألوها مالها واى سبب مرواحها.. بس هى ما رضيتش تشيلهم همها
وسام بابتسامه: صدقونى مافيش... بس تعبت فجأه مش اكتر
دعاء: تقومى تمشي من غير ما تدينا حس او خبر.. وبعدين تعبانه كنتى قوليلنا
وسام: خلاص بقا اللى حصل حصل.... مش هتتكرر تانى
دعاء: ماشي يا وسام... بس على الله تتكرر تانى
وسام: ههههههه... لا متخافيش.. بعد التهزيق اللى اخدته دا ما افتكرش هعيدها تانى... هروح اجيبلكم حاجه تشربوها
نور: استنى جايه معاكى
-راحت نور مع وسام... وسام كانت بتكب ليهم عصير... بس نور فجأتها بسؤالها
نور: وسام.. انتى بجد كنتى تعبانه.. ولا اللى اسمه محمد دا عملك حاجه
وسام اتصدمت من سؤالها.. بس مابينتش حاجه وباصتلها بابتسامه: ماتخافيش... انا بس كنت تعبانه.. محمد ماعملش حاجه
نور: وسام... اوعى تكونى فاكرة انى اقتنعت بكلامك فوق... انا سكت لانى كنت فكراكى مش عايزة تتكلمى قدام دعاء... لانها لحد دلواقتى ماتعرفش حقيقه محمد... ودلواقتى هتقوليلي... محمد عملك اى
وسام بمرح: هو انتى وقعتى على محمد ولا اى.. لدرجه انه مابقاش غيره في دماغك.. ههههه
نور: وسام ما تغيريش الموضوع
وسام: ماتخافيش... انا قولتلك... محمد ماعملش حاجه... دا غير انى كويسه دلواقتى... يالا نطلع عشان شكلهم هيموتونا على التأخير دا
نور بتنهيدة: ماشي
-طلعت وسام ونور للبنات وقعدوا كلهم ياكلو ويهزروا ويضحكوا.. لحد ما جى وقت انهم يمشوا...لبست وسام وكانت هتوصلهم بالتاكس.. بس هما رفضوا واصروا انها تقعد في البيت عشان ترتاح... طلعت ونامت وماحستش باللى حواليها بعدين