اما ياسمين راحت كلات حتى شبعت و راحت عند لبنات حكاتلهم واش صرالها و هوما شبعو ضحك غدوة من داك كانو يخدمو فشغل خاطرش قرب لعرس و لازم يفرو شغلهم باش يكملو لحلوى
لبست جبة و ڨشطتها و دارت فولارا و بدات تخدم هي و اميرك و تغريد كل وحدة واش دير و بنات عمت اميرة لوخرين كانو عند لحفافة زعما قريب لعرس 😂
نهار كامل و هوما يجبدو كملو كلش مع لعشية كانوهالكين راحو دوشو و رقدو ديركت كيفكيف
ناضو مع لعشية مع لعشا تعشاو و لمو دنيا و ياسمبن راحت صلاة و ولات عندهم لقاتهم قاعدين مع هاديك سمية
ياسمين:سلاام
تغريد:راهو جا لعمر
ياسمين:نتي لڨلب
اميرة:جمعي جمعي راكي
تغريد:حكمني لفيد
ياسمين:انا كاامل هنا و نتي تقولي لفيد
و ناضت راحت و ولات تجري و فيدها خيمارات و دربوكة
ياسمين بدات تطبل:و يخدع دوك لعينيين لي كواوني و هادڨداڨا هااختي و ها عينيا......
و بداو يغنو و يضحكو من قلبهم غير سمية كانت تشوف فياسمين و تمص في فمها ماشي حاملتها و تغيير منها
و زدم محمد
محمد :ايوااا و دارلهم لغنا و لباف و ناض يشطح هو و ياسمين
ياسمين:ايواا اها اهاا
محمد رفدها و طلع معاها فوق لفوتاي و بداو يتمهبلو زادو شوية و دخلو كامل و من بينهم ريان لي كي شافها مخو تمرق
كانت تشطح معا محمد و تتمهبل شعرها طايح و بدنها يتمايل و ضحكتها تتسمع ملبعيد و زاد تنارفا كي شاف نوح يشوف فيها و يمص فشواربو فهم تخمامو راح عندو
ريان:ارواح ارواح لبرا نحتاجك
نوح:اصبر شوية دوك نلحقك خليني نستغل
ريان شدو متريكوه و جرو موراه غير خرجو داه للساحة لي ملور و طاح عليه بدبزة للوجه رعفاتو.
نوك جا راح يردهالو يصح ريان زادلو وحدوخرا طاح عليه مرمدو برد قلبو ناض من فوقو و بدا يسقم فحوايجو
ريان:لمرا لجاية حط عينيك فلرض خيرمن نحيهملك
وعاود دخل للدار لقاها قاعدة فلرض فساحة مع لبنات و تضحك
سمية غير شافتو شدت يد تغريد و زعما بدات تهدر
سمية:اييه تغريد عمري كاش جديد
تغريد جبدت يدها:مانيش عمرك و ماكاش جديد
سمية:ااه وعلاش راكي تهدري معايا هكا ياك انا صحبتك... كانت تتمسكن باش يتعاطف معاها
تغريد:من وقتاش نتي صحبتي ديجا انا عندي غير زوج صحابات لي هوما اميرة بنت عمتي و ياسمين
سمية:هاديك لقزمة سمينة لي ماتشبه لوالو و ماتنفع لوالوصحبتك
ياسمين ماقدرتش تسكت:اسمعي نتي انا قزمة بصح خيرمن نكون بوطو تاع تريسيتي بلا خيوط
سمية:راكي معايا واقيل
ياسمين:وعلاه كاين بوطو بلا خيوط هنا من غيرك
سمية:اسمعي نتي واقيل دصرتيني
ياسمين:نتي لي دصرتيني ديجا رامي هايلة كي مازالني ماتنارفيتش يا سلوم
سمية:ااوووهف ديجا نقولك مانهبطش نيفو تاعي و نهدر معاك
ياسمين:ههههه واقيل ماعلموكش مليح ناس يطلعو للفوق ماشي يهبطو
و بداو كامل يضحكو و سمية مالقات ماتزيد تهدر ولات راحت
هادا شي كامل صرا قدام ريان لي كان مشوكي من هدرتها
كان يشوف فيهم حتى جا ليه محمد
محمد:واش واقيل تحبها
ريان:واش راك تهدر
محمد:وعلاش ضربت نوح هكاك
ريان:خاطرش ماشي راجل
محمد:ايه عندك لحق
و راح قعد مع ياسمين و جا موراه ريان لي قعد مقابلها هي غير شافتو تقلقت ‘ ناضت بصح ماخلاوهاش ولات عاودت قعدت صهرت معاهم شوية و طلعو يرقدو خاطرش عياو
أنت تقرأ
💕 حب💕 بعد 👈🏻👈🏻زواج 💍💏معوق 😆🤣
Adventureهاد حكاية جديدة و احداثها غريبة رومنسية بصح تقتل بالضحك تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج قراءة ممتعة
