ريان:معليش انا حجرة
و عاودو سكتو قعدو يشوفو فالسما حتى رقدو بلا مايفيقو
غدوا من داك
ناض ريان قبلها لقاها راقدة فوقو بمعنى الكلمة حتى شعرها و كان فوق وجهو و كانت معنقة رقبتو كي الشادي ههه
ناض بشوية هو رفد راصو و شاف لي مايحبش الخاطر
سمية:بونجوور واش واقيل حاوزوكم مالدار. ههههه
ريان:وجهك صحيح و تقوليلي بونجور واش جيتي ديري عندنا
سمية:جيت نقولك بلي جبتلكم ضيف عزيييز عليك ههههههههه
...:اناا
ريان وقف بلا مايفيق
ياسمين:اااااايييي ظهري واش بيك مع صبح ربي.. سمية:ههههههههه بيه بزاف صوالح
ياسمين:يااا ربييي سلك هاد النهار بخير راني صبحت بوجها
ريان:غير ماكاله تشقي روحك و تدعي خاطرش الخير راح ملي دخلت هادي لحياتنا
سمية:راكي تسمعي فيه واش راه يهدر
ياسمين:ريان شكون هادي
....:انا عجوزة عجوزتك
ريان:ياسمين هادي جداتي ماكانتش هنا ك تزوجنا
ياسمين راحت لعندها باش تسلم عليها بصح هي بعدت
ياسمين شمتها قارصة سورتوو كي شافت سمية تضحك كي لفعة
باية:صح لي سمعتو
ريان:على حساب لي سمعتيه
باية:لي سمعتو انو نتوما الزوج راكم تخدعو فينا
ياسمين:اخااه حناا
باية:نتي بلعي ياخي نص ميترة و نتا ماصبت بيمن تتزوج تروح جيبلي بنت بنت المخطارية حكمك الهبال
ياسمين:وعلاش واش خصها جداتي الزين و الدين و الرزانة
باية:نسيتي ماحسبيتش لسانها الطويل و حيلتها و تنوفيقها
ياسمين:قصدك لسانها لي يهدر غير الحق و تخماها لي فالصواب و هدرتها لي فقلبها
باية:اييه شوف شووفف ماكافتنيش صفية زدت جبتلي وحدة لسانها طويل عليها
ياسمين:و.ماما صفية واش خصها كي راكي تهدري هكا
سمية:ديجا نتي من وقتاش ولاتي بنتها
ياسمين:ملي تستفت قدام ريان فالليفري
ريان كان يشوف فيهم و مصدوم من هدرتهم لزووج و ماقدروش لياسميين جداتو بااية لي هي بااايية ماسكتتهاش
باية:اسمع نتا مرتك هادي ماتحكمش فيها ولا راهي تمشيك من وذنك
ريان:جدة اسمعي واش راه يخرج فمك راكي تكبري فالحكاية
باية:ماني نكبر فحتى حاجة و دوك حيت باش نقوللك‘ بلي تجو تسكنو فالدار لكبيرة معانا و قبل مانروحو ندو هادي نص بونتة للطبيب و لوكان نلقاك مامسيتهاش ختنك فهمت
ريان:احييي نتوما لي جاكم جايكم على هاداك كامل حبيتو تقطعوه
ياسمين عغستلو على رجلو :بلع فمممك دوك تسمعك ماشي تختنك تستاصلك الجهاز التناسلي كامل
باية:مازالكم واقفين تما امش‘ قدامي و نتي يا سمية المسمومة روحي لداركم راكي واقفك زيادة
ياسمين:و مادابيك ماتوليش
ريان شدها من يدها و كركرها موراه
حتى دخلو للبيت
ياسمين:.......
هالاااااو عليكم و رحمة الله و بركاته
سووووو وليت بارت جديد و قصيير خاطرش راني نتفرح كيما قتلكم‘ فالبارت لي قبلو
و هادا درتو في خاطر لي قالولي ديري احداث
نبشركم بلي راح تتقلب.
و دونك ماتنساوش تدعموني و نفرحوني ربي يفرحكم نشالله
ايا تبقاو على خيير 💙💙💙💙👌
أنت تقرأ
💕 حب💕 بعد 👈🏻👈🏻زواج 💍💏معوق 😆🤣
Adventureهاد حكاية جديدة و احداثها غريبة رومنسية بصح تقتل بالضحك تحكي على زوج تقدرو تقولو بلي نهار لي سيرباو فيه لعقول هوما كانو راقدين فسابع نومة يتلاقاو بسبة عرس تاع فاميليا وراح تصرا بيناتهم مواقف تضحك و تجبرهم الظروف على الزواج قراءة ممتعة
