💕 حب💕 بعد 👈🏻👈🏻زواج 💍💏معوق 😆🤣

حلقة10

غدوا من ذاك راحت وداد تنوض ياسمين
وداد:ياسمين ياسمين ياااسميينن
ياسمين:😪😪😪😪😪
وداد:ايه نسيت بلي هي ماتنوضش كيما ناس
راحت للكوزينة و جابت حبة قارص و حطتهالها عند نيفها
ياسمين حلت عينيها غير بلعقل:امممم ريحة شاابة
وداد:غير انا لي نعرفلها
ياسمين:اعطيني لقارص
وداد:نوضي عندك شغل ليوم
ياسمين:شوفي ايدا راخ تبعتيني مع هاداك لهم تاع لمرة لي فاتت غير روحي و اغلقي موراك لباب
وداد:ماراحش نبعثك
ياسمين و هي تحك فعينيها مازالها نعسانة:واشنو مالا
وداد:راح ديري لحلو
ياسمين:ااااااا بزاااف
وداد:شوفي ماتقولي والو علابالك بلي اميرك ماتعرفش لحلوى و انا مانقدرش راكي غير نتي لي تعرفي
ياسمين:واش ندير مالا
وداد:ديريلنا تاع لاتاي 4 نواع برك
ياسمين:ببببرررك منك بصح خالتي
وداد::ايا بنتي تعيشي نوضي رانا بدينا اميرة و تغريد و خديجة راهم بداو
ياسمين:صحا اخرجي خليني نبدل و نغسل
خرجت وداد و خلات ياسمين تسب فزهرها
ناضت غسلت و مشطت شعرها و دارتو ضفيرة و عصباتو بفولارا و لبست جبة كحلة سامبل
هبصطت صبحت عليهم و دارت طابلية تاع شغل
ياسمين:ندير ڨريوش و مقروط و سيڨار و لقطايف برك و نتوما اشرو قلب لوز
وداد:خلاص ماكاش مشكل
بداو كامل يخدمو و ريحة لحلوى عمرت دنيا
ياسمين:خالتي هامليك كاامل بقا عليك غير طيبيهم
خرجت بلا ماتستنا فيها تردلها كانت ڨرااف عيانة حوايجها معمرين فارينة ريحتها تاع حلوى و يديها يتلاصقو ملعسل تمشي و مغمضة عينيها راحت لبيتها دوشت و لبست بيجامتها

و رقدت ديركت كانت 5 و نص ماناضتش حتى لل 11
خرجت من بيتها كرشها تغني ملجوع راحت للكوزينة لقاتهم قاعدين كامل
اميرة:هاداوين نضتي
ياسمين:اعطيني ناكل مانيش قادرك نصبر كرشي راهي تبلع فمصارني
ناضت و هي تضحك على بنت خالتها لي ماعندهاش عقل
ياسمين قعدت قدام تغريد و مقابلة ريان
تغريد:ريان خويا غدوا لازم تروح معايا نجيبو دوزان مدار
ريان:مانجيش روحي مع محمد
تغريد وجها ولا حمر و شافت فمحمد لي كان يشوف فيها و يضحك
ياسمين:حبس كيما راك مخي ماركا ايرور
تغريد:واش بيك
ياسمين:هادا خووك
تغريد:اييه
ياسمين:خوك خوك
تغريد:ايه خويا خويا
ياسمين:خوك من يماك و باباك
ريان:لالا خوها من جارهم لجيلالي
ياسمين:هادا هو لي قلتيلي عليه
تغريد:ايه
سمية:واش قلتي على راجلي
ريان شاف فيها كيفاه دخلت بنص كارطة مشمخة
ياسمين:ببببف اميرة مازال ماكملتي راهي بدات تتغلق لابيتي
كانت تهدر و تشوف فسمية بنظرة تاع راني نمعني
سمية حطت يدها فوق كتف ريان
سمية :بالاكي نزيد نسمعك هدرتي عليه راصك نطيرهولك
ياسمين :ههههههه نتي طيريلي راصي
سمية:وي انا واقيل ماعمرتلكش عينك
ياسمين:عيني ماهيش تشوف فيك اصلا خاطرش هي ماتشوفش لي مايسواوش..
سمية:راكي عليا واقيل يا وحد رخيصة
ووقفت رايحة ليها غير لحقت رمات يدها باش تضربها بصح تضرب شكووون ياسميينن
# اوااه ماشكيتش #
حكمتلها يدها و دورتهالها
ياسمين:ايدا انا رخيصة نتي تقاشري يشروك
سمية:اطلقيينيي
ياسمين:دوموندي سماح
سمية:ريان سلكني راهي وجعتني
ياسمين:مايسلكك لا ريان لا يماك لا باباك حتى تطلبي سماح قدامهم كامل
سمية:نحي يدك يا لمتوحشة
ياسمين:صدقيني لحد دوك مازال ماتوحشتش
و زادت عوجتها
سمية:اااااا خلاص اسمحيلي
ياسمين:زيدي اطلبيه من تغريد
سمية:علاش
ياسمين:خاطرش راكي تتقربي منها على جال المصلحة زيرت عليها متر
سمية:تغريد ااا اسمحيلي
ياسمين بعدتها عليها و جابتها فلرض.
ياسمين:لمرة لجاية ماتلعبيش معايا
و راحت دات طبسي تاعها بكل دم بارد و خرجت تاكل فساحة قعدت فلرض و بدات تاكل و هي تسب فسمية خاطرش رجعتها تغلي
زادو شوية جات عندها اميرة و تغريد و قعدو يضحكو و يلعبو
ياسمين:هههههه امشو نخرجو
تغريد:دووك
اميرة:ياسمين هبلتي راهي 1ونص
ياسمين:والله راني حابة نروح للبحر و نعوم فليل تجو معايا و لا ماتجووش
تغريد:نجي بصح ماشي وحدنا لازم يكونو معانا رجال.
ياسمين:احيييييي دوك نقول لموح يجي
تغريد:و نقولو لريان خويا
ياسمين:بببف خلاص نروح وحدي
اميرة:اصبري عندها لحق اصلا انا مانخليكش تروحي دوك
ياسمين:خفو عيطولهم راني فطوموبيل
تغريد:تروحي هكاا
ياسمين:ايه جيبولي برك سربيتة هاداماكان