💕 حب💕 بعد 👈🏻👈🏻زواج 💍💏معوق 😆🤣

حلقة 14

كانت ياسمين داخلة لبيتها بصح حاجة شدتها دارت لقاتو ريان و عينيه راح يخرجو
ياسمين:واش كاين
ريان:هادا هو شكيب...... لي كنتي تحكي معاه فلبحر
ياسمين:واش دخلك
ريان:عمري حبيبي راجلي لقلب هادو كامل قلتيهملو
ياسمين:و واش فيها نقولو كيما نحب
هدرتها كانت تزيد تشعل نار فريان
رما يدو لخصرها و زير عليه
ياسمين حست تريسيتي ضربت فلكور تاعها
ريان:كات حاط يدو هنا.. وزير عليها
ياسمين:اااه راك توجع فيا
ريان:اممم معليش قوليلي تحبيه
ياسمبن جاوباتو بكل نية:و كي مانحبش شكيب شكون نحب
ريان مخو تحرق و ماعلابالوش علاش كان حاي فبالو يشوهلها وجها كي هي كي شكيب تاعها بصح صرات معجزة و تمالك اعصابو جبد عليها و راح و خلاها دايخة و تتحسس فلخصر تاعها
ياسمين:اااففف دوك نلقاها زرقة بسبابو

جازو ليام و لحقت ليلة لحنة تاع لعروسة
وريان من داك نهار مازادش هدر مع ياسمين كان كل مايشوفها مع شكيب يزيد يحقد عليه و يحب يقتلو
ولا كل مايشوفها يرميها فصقيل حتى ولات هي ماتهدرش معاه
ياسمين داك نهار ماقعدتش تخمل فدنيا و توجد فلبايط تاع لحلوة هي و تغريد
دارو عشا خفيف ظريف للافامي و ياسمين كانت توجد فاميرة للحنة
ياسمين:خموس عليك راكي تهبلي
اميرة:صحح
ياسمين:لالا راني نكدب
اميرة:تفوو عليك
ياسمين:في فمك ياوجه لقدرة
و زدمت تغريد كي لعسكر
تغريد:ياسمين اهبطي راني حاصلة راحو يرهجو و خلاوني وحدي
ياسمين:اوكي امشي
و هبطت معاها و دخلت للكوزينة و بدات تغسل فلماعن و تغريد تشلل و تستف
تغريد:واااو سارفيس رابيد
ياسمين:ياو لازم باش نروح نوجد روحي
كملو بلخف و طلعو يبدلو
تغريد لبست جابادور بلو سامبل
و ياسمين لبست جبة غوز كتافها طايحين و سور طاي و فيها شلقة طويلة مع صابو و لمت شعرها نص برك و هبطت لقاتهم كامل يشوفو فاميرة خاطرش مالقاوش لومبيونص
ياسمين:تغريد عسي واش راح ندير
تغريد ماحوستش تفهم جبدت لاكام و قاعدة تص‘ر فياسمين
ياسمين: الصلااة و السلاام على رسولل اللهههه يوووووويووووويووووويوووويووويووووووووووووييييييييييييي
‘ بداو نسا يزغرتو موراها جبدت دربوكة و بدات تغني و لبنات يشطحو
ياسمين:فرشي لعجوزتك و قوليلها لالا و ماهيشي لالا و ماهيشي لالا وجها وجه لكسكاس و حرمتني ملعراس و ماهيشي لالا و ماهيشي لالا شيخو جاب زليف و خلاتلي غير نيف و ماهيشي لالا و ماهيشي لالا شيخي جاب لحوت و خلاتلي غير شوك و ماهيشي لالا و ماهيشي لالا.......يانايانايانايانا. يانايانايانايانا يانايانايانايانا سايسو مولات لخانة يما داني و ديتو يما داني و ديتو ياما داني و ديتو وفي سيدي عابد خليتو يانايانايانايانا يانايانايانايانا يانايانايانايانا سايسو مولات لخانة يما و تحت لجوزة يما و تحت لجوزة يما و تحت لجوزة هو شيخ و انا عجوزة يووويوووووويوووويوووويوووويييييييي
قلبت دنيا بدربوكة حتى شافت وداد جاية و فيدها سنيوة تاع لحنة حطتها مقابلة اميرة و بدات لمخطارية مانها تقدم و وداد و اميرة يبكو
ياسمين تمنات لوكان نهار عرسها تكون يماها معاها و تبكي كيما راهي وداد بصح هس دوك راهي فبلاصة خيرمن هادي
كانو يقدمو و نسا يزغرتو عير ياسمين لي كانت تشوف و دموع فعينيها خايفة تنساها بعد ماتتزوج و ترجع وحدها و تفقد اختها
اميرة حست بيها شافت فيها و غمزتلها و بداو يضحكو
ياسمين:يوووويوووويووويوووييووويييي مانييي قدميلي وحدة فخاطري